2 Kurin 7:7 - Udél Dwata: Gna Kesfasad ne Lomi Kesfasad

⁷ Là són du bè yóm kkólen yó gónón hyu nawa me, okóm bè yóm dê tulónen kum mò gónón hyu nawan ebélê ye se kun. Tulónen kum yóm tey khahù ye do, ne yóm deng kehegsel ye, ne yóm tey kfi ye do. Ne bè yó se gónón alì temnù yóm kligalu.

2 Kurin 7:7 Referans Kwoze

Sulat Jud 1:3

Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.

2 Kurin 5:2

Yóm igò tekuy nô te tonok, sal gel blat nawa tekuy, abay se hol kóyô tekuy ke géhél guta tekuy yóm lomi gónô angat blay Dwata tekuy ditu bè longit.

2 Jan 1:4

Tey kligalu bè yóm kungolu du deng wen bè yó kem ngaem deng gel mimón du yóm ktahuhen. Ni se deng hloloen tekuy yóm Mà tekuy.

Sulat Jim 5:17

Lómón ke tehe Ilaydya ekni, sotu tau tonok lómón tekuy snéen, ngem yóm tehe knihen bè Dwata anì là kmulónen. Tahu se, botong tlu halay sóól kegenen là kmulón.

Hibru 2:1

Ke lómónen yó kegetahen yóm gónó tekuy mogot, hol sù tekuy bè nawa tekuy sen yóm ktahuhen deng gungol tekuy anì là snonol tekuy du.

1 Tisalunika 3:8

Abay se tey mgel nawa me se kum ke mbegel yóm kuy kehtahu lemwót bè yóm deng kessotu ye bè yóm gónó tekuy mogot.

1 Tisalunika 3:6

Okóm ni, deng bud kól gu dyó Timuti, ne tey hyu yóm tulónen kum lemwót bè yóm kuy kehtahu ne yóm kesbong ye nawa. Tulónen kum snéen yóm gel kehedem ye kum dyó, ne tey gel khahù ye kum kun, lómón se yóm kum khahù kuy.

Kulasi 2:5

Balù nim keslayuk tekuy ni, kaem tey tendo kehedemu kuy. Tey kehligalu yóm kungolu du yóm kesetgel ye mfi du yóm kehtahu ye bè Krays.

Flipay 1:20

Yó hol nô lem nawahu, ne hol sen-galuhu ke senflósu mò du yóm deng sigang Dwata tahu. Kóyóu ke laen dù tul klikou tmulón ke Krays, sélét ne nim kmoen ni, anì hol megdóyón béléu Krays, kihu ke mlan bè dou klowil duhen ke mlan bè katayu.

2 Kurin 8:16

Sotu gónóhu dmóyón ke Dwata, duhen bè yóm alì kegdufen ke Taytus mò fen tmóbóng kuy. Senged bè kum kehedem se yóm kun kehedem ebélê ye.

2 Kurin 2:9

Bè yóm gna ksulatu ebélê ye mò gónóhu tmilów kuy ke deng ye hol tahu hulung gel mimón du yóm hlolou kuy.

Sulat Pol Ebè Yó Kem Tau Hemtahu Bè Rom 1:12

Yó kóyóu ke hol tekuy segduf bè yóm kehtahu tekuy.

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

Kun Snulat Luk 22:44

Tódô kem hotuhen nawahen mni bè Dwata igoen alì sidek kegnómen du. Bè yóm knihen yó, yóm ingeten temdak ebè tonok, hol lómón litô.

Matyu 26:75

Ominen yó gbel bè nawa Pitér yóm deng tehe eles mon Jisas mò du, yóm monen, “Gu laanen là deng kmóót onuk kifu ni kdeng, deng sana tlu dulékem hmalà yóm ketngónem dou.” Unihen gbel bè nawahen yóm tehe mon Jisas mò du, tódô hewà, ya tey sidek kkiken.

Matyu 5:4

Tey kehyuhen bélê le kul yó kem tau ke wen lenangag le, abay se Dwata angat mifa kul.

Kem Lingón 141:5

Mom hyu he ke yó dmofì do yóm tau tedeng kmoen. Wen gónón hyu béléu se yó. Ke wen bnólów le béléu, hol lómón ke henged bulung bè lówóhu. Hol tnóbóngem o anì là gekbéu du. Okóm sónmou gel mni du bè Dwata anì hensengen yóm sidek gel nmò le, ne anì hensengen se yó kem tau mò du.

Kem Lingón 51:1

Ó Dwata, lemwót bè yóm là konol nawahem ebéléu, hol knoduhem ou. Lemwót bè yóm alì kkoduhem dou, hol kóhem béléu yó kem salau.

Kem Lingón 38:18

Okóm gel benkasu yó kem salau, ne tey kegselu bè yó kem sidek deng nmou.

Kem Lingón 30:5

Yóm kebuten, tek likóten, okóm bè yóm klawi te mowil, tendo gnóm te yóm kehyuhen. Baluen ke suloyem buteng mkik, okóm budi mulék hligal ke hlafus.

1 Kurin 5:2

Moen de ke deng ye mom hegmón? Mò ye là kemblat du nawa du yóm salà yó? Hol bê ye abay bud hmung bè yóm gel kestifun ye yóm tau mò du yóm yó.

2 Kurin 1:4

Nô kihu gónó tekuy glayam, tey gel któbóngen tekuy anì yó, hulung tekuy tmóbóng yó kem dumu tekuy hulin kdaw ke wen gónó le glayam se kul. Lómón yóm tehe któbóng Dwata tekuy, bud lómón yó se khulung tekuy tmóbóng yó kem dumu tekuy.

2 Kurin 7:6

Okóm yóm Dwata, tey hulung hemyu nawa yóm tau sidek keblat nawahen. Yó se gónón hemyu nawa me se kum bè yóm kkól Taytus.

2 Kurin 7:8

Bè yóm tehe gna sulatu edyó bélê ye, tey sidek se kegbeng lem ye du, okóm là genselu du. Bè buten, nan malù sidek kegnómu du yóm kegbeng lem ye yó.