2 Kurin 7:5 - Udél Dwata: Gna Kesfasad ne Lomi Kesfasad

⁵ Balù yóm deng kkól me bè prubinsya Masdunya, là kóen menek kegnóm me du. Balù nô gónó me nô, sal gel wen sembeweg kum. Sal gel wen dumu tau mit kum skaf mon, lelen dê tnafa nawa me.

2 Kurin 7:5 Referans Kwoze

2 Kurin 2:13

Okóm là kóen menek nawahu du, abay se tafa nawahu ke Taytus, yóm sotu dumu tekuy setwoli, là tonu du bè yóm kdaw yó. Yó gónóm mon, olohu mbal kul yó kem tau bè yó, ominu hlós hmebel ke Taytus bè prubinsya Masdunya.

Dwata 32:25

Angat tey dê matay gu hilol lemwót bè gida, tódô le gotu blékê bè lan. Balù bè gónô le, tódô sut bélê le yóm tey knikò le. Gotu genlà yó kem hohon le yó kem logi lomi lemnok ne yó kem libun lomi lemnok, kewóten bè yó kem ngà hanà hulô kkólen bè yó kem tau deng nubón, laen kô dù tebel, gotu le meglà matay.

Kul Nmò 20:1

Kogol yóm alì kesbeweg yó kem tau bè Ifisus yó, lemwót Pol gotu tnabahen yó kem tau hemtahu bè Jisas bè yó anì wen tulónen kul mò lanen gemduf kul bè kehtahu le, ne mò gónón mbal kul, ominen lemwót etu bè prubinsya Masdunya.

1 Tisalunika 3:5

Yó gónóm mon, bè yóm là hol bud kegbalahu du yóm alì ksidek kónó nawahu kuy, yó se gónóhu hógów ke Timuti edyó mò gónów temngón du yóm mò kmò yóm kuy kehtahu. Mónó nawahu du yóm ksindil Seitan kuy, kô gmung ye du, ne kô mom baling kafa yóm tehe gel nmò me lem blóng ye.

Glasya 4:11

Tey mónó nawahu kuy, kô mulék kafa yóm deng tehe toloku kuy.

2 Kurin 2:9

Bè yóm gna ksulatu ebélê ye mò gónóhu tmilów kuy ke deng ye hol tahu hulung gel mimón du yóm hlolou kuy.

2 Kurin 2:3

Yó se gónóhu tehe smulat du yóm gna sulatu ebélê ye, abay se kóyóu ke eles kó ye yóm sidek nmò ye anì là sidek kegnómu du sok bud nauyu yu. Abay se bélê ye gónón wen kligalu. Deng eles tódô tngónu ke hligale lem blóng ye, hligal ye snéen kuy.

1 Kurin 16:5

Naw na gna mlan gu lem prubinsya Masdunya he, ominu hlós edyó bélê ye, abay se là gbeku du ke là mlane bè yó.

1 Kurin 15:31

Béléu dou, kem dumuhu setwoli, wen se tendo móló hmatay dou ket kdaw. Yó gónóhu tmulón du kuy nim ni lemwót bè yóm tey kligalu bè yóm deng kessotu tekuy bè Krays Jisas, yóm gónó tekuy mogot.

Jirimaya 45:3

Yó deng udélem, ‘Denge tmakas ne. Tendo tennù Dwata yóm blat nô tahu. Laen kô dù bud gelu ne tódô sónmou dmolong, là kóe gehegnô.’

Jirimaya 20:10

Deng tey dê gungolu udél le etahu. Yó boluy le do, ‘Tau Tendo Likò.’ Ne yó eles mon le mò dou ke bud wen dumu tulónu, angat klamo le o. Balù yó kem tehe weu, sónmò nangat le ke wen gónóhu btang bè udélu. Mon le, ‘Hyu ke wen gónón gholot mò gónó tekuy gembeles béléen.’

Jirimaya 8:18

Yóm tey klangagu ni là kóen mkó. Lómón ke deng gbà lem kfuhu.

Jirimaya 6:25

Hol bê tekuy abay mógów ebè yó kem tonok gónó tekuy mò hulu. Dalang se ebè yó kem lan, bê tekuy abay mlan edu, abay se deng le eles nô bè klamangen yó kem hohon tekuy. Deng le eles htigel hmatay kut. Balù kihu gónó tekuy nô, sana tendo sidek klikò tekuy.”

Isaya 33:12

Angat ye gotu musok hol lómón knò ye yó kem botu metlohò ne hol lómón yó kem ngà koyu semnual gel dnutung bè ofi.

Tekang Kbuten 8:9

Okóm laen kô dù gónón mdef yóm obun yó abay se tolo wen él bè klamangen. Yó gónón tódô bud mulék ebè yóm kafal. Tódô hefet Nuwa bè sigelen, ne bud suen elem kafal.

Sulat Pol Ebè Yó Kem Tau Hemtahu Bè Rom 15:26

Ni kem tóbóng ni, lemwót bè yó kem tau là Ju le deng hemtahu bè yó kem benwu snakuf Masdunya ne Akiya. Tódô lemwót bè nawa le yóm blay le yó mò tóbóng le yó kem tau élél hemtahu bè Dwata bè Jirusalim.