2 Kurin 7:1 - Udél Dwata: Gna Kesfasad ne Lomi Kesfasad

¹ Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

2 Kurin 7:1 Referans Kwoze

1 Tisalunika 4:7

Là kô yó du gónó Dwata tmaba te ke mò tekuy samuk, okóm yó dé hol sen-galuhen bélê tekuy ke hol te mólós.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

Kem Udél Hlalak Tehe Selumun 8:13

Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

Kem Lingón 51:10

Ó Dwata, suem béléu yóm nawa laen dù belenen. Bud hnomihem dou kehedemu, ne blayem dou yóm là konol nawahu ebéléem.

1 Jan 3:3

Ke yó tendo nefet nawahen yóm tau yóm angat kkélen ke Krays, béen abay nmò belenen yóm gel nmoen, abay se yóm Krays, laen kô belenen yóm kun kmò.

1 Tisalunika 5:23

Yó hem Dwata gónón lemwót yóm kenek nawa tekuy. Du se hol hólós kuy anì laen dù belenen sidek yóm knawa ye ne yóm kehedem ye ne yóm klówó ye bè yóm kdaw kkól Jisas Krays yóm gónó tekuy mogot.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

1 Kurin 6:20

Yakà deng tehe benlihen tekuy, ne tey mebtes yóm keblihen tekuy. Duhen yó, bè kmò kwit tekuy yóm lówó tekuy, hol nmò tekuy yóm gónó Dwata megdóyón.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Hibru 4:1

Ne tekuy snéen nim kmoen ni yóm gónó Dwata e fmasad du yóm benwu angat gónó tekuy hlós henek nô yó. Duhen yó, hol tekuy eles temgama, kô là guta tekuy du yóm benwu fasaden yó.

Kem Udél Hlalak Tehe Selumun 16:6

Mlan bè kogot nawa ne kteneb tau bè Dwata gónón hmifót salaen ne mlan bè klikò tau ke Dwata gónón gemkogol yó kem nmò sidek.

Matyu 5:48

Yó gónóm mon, hol ye hgulit, lómón kgulit yóm Mà tekuy bè longit.”

Matyu 5:8

Tey kehyuhen bélê le kul yó kem tau ke laen dù belenen yóm kehedem le, abay se angat ton le Dwata.

Kem Lingón 119:9

Tedu nmoen du yóm logi lomi lemnok anì laen dù belenen yóm gel kmoen? Yó nmoen, nimónen yó kem hlauhem, Dwata.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.

Sulat Pol Ebè Yó Kem Tau Hemtahu Bè Rom 5:20

Bè yóm tehe kehsulat Dwata du ke Musis yóm hlauhen, yó muhen mò fen hdilô du bè kem tau yóm salà le. Balù tennga kbongen yóm salà kem tau, mom milud he kbongen yóm kun tóbóng Dwata.

Isaya 1:16

Hol ye molob dé anì mólós ye. Hol tenflok ye ne yóm sidek gel tonu bélê ye. Hol kó ye ne yóm sidek gel nmò ye

Kem Udél Hlalak Tehe Selumun 30:12

Wen se kem tau ofo kul hemdem du ke deng hono duhen yóm kul kmò, okóm là dengen mkó ta le he salà le.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

Hibru 12:28

Duhen yó, hol dóyón tekuy dé Dwata, abay se angat tekuy gomong bè yóm kun benwu nogot, yóm benwu là megsinsigen. Hol tekuy hloni ebéléen dé ni kmoen ni, hlan tekuy bè yóm kun kóyô bélê tekuy, hmung tekuy du snéen yóm hol kadat tekuy du ne yóm klikò tekuy mulé du,

Hibru 12:23

Hol lómón ke deng tekuy gomong ne bè yó kem gna ngà Dwata deng gsulat bè longit yóm kul boluy, ne deng tekuy gbót ne bè yóm tey kligal le bè yó. Hol lómón ke deng tekuy hloni ebè Dwata, yóm fen kmukum kdéen tau. Lómón ke deng tekuy hloni ebè yó kem kdéen tau hemtahu deng tehe matay, yó kem tau hyu kmò le, kem tau deng baling gulit ni kmoen ni.

1 Tisalunika 3:13

Ni se mò lanen hol temgel kuy anì hol ye gulit ne mólós ke mdà ye bè solu Dwata yóm Mà tekuy, bè yóm kdaw angat kesfuléken edini yóm gónó tekuy mogot, mung du yóm kdê kun tau.

2 Kurin 1:20

Kdê yó kem deng tehe fasad Dwata bè kem tau, són bè Jisas gónón hlan du, ne hol tahu dohò kmoen du snéen. Ne yó se gónó Dwata megdóyón bè yóm là kesfili yóm kun mon.

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Matyu 12:33

Bud mon Jisas mò kul, “Yóm koyu hyu, hyu se kbunguhen. Ne yóm koyu sidek, sidek se kbunguhen. Tódô ket koyu mungu, sal dilóem bè kmò kbunguhen ke hyu duhen ke sidek.

Kem Udél Hlalak Tehe Selumun 20:9

Laen kô dù tau gembek mon du, “Deng gotu hólósu ne lem but blututu ne laen dù salau.”

Kem Lingón 19:9

Tey hyu ke wen klikò tekuy ke Dwata. Laen kô dù sónen yóm kehyuhen. Tey tedeng yóm kukum Dwata. Laen kô mtukul nfihen.

2 Tutul Israél 19:9

Yó hol hloloen kul, monen, “Ni se mò hol nmò ye. Bè yóm gel kkukum ye, hol knikò ye Dwata, ne hol nimón ye bè kdê yó kem gel nmò ye.

Kehedem Tau Tmolok 11:10

Duhen yó, béen dê tnafa nawahem, ne béen dê lenóngón nawam. Yóm ksawangem logi ne yóm kgisem, là kóen legen.

Hibru 6:9

Baluen he ke lómón ni benkó me ebélê ye, kem dumu me sogot nawa, là kóen megewu nawa me kuy. Deng tngón me angat hyu yóm guta ye, abay se angat gfu se yóm kehtahu ye.

1 Pitér 1:15

Okóm ni, hol bê ye abay benelen sidek yóm kdê gel nmò ye, abay se là kóen gemsalà yóm Dwata deng mélék kuy. Yó gónóm mon, hol ye heskél béléen yóm klaen salaen.

1 Pitér 1:17

Bè yóm gel kni ye bè Dwata, gel taba ye du Mà. Ne tahu se yó, Mà ye yóm Dwata. Okóm angat knukumen yóm nmò tau, yóm ket kuy na sotu, ke hyu duhen ke sidek. Ne laen kô dù tau knihuhen. Duhen yó, bè yóm klawi ye mowil te tonok, yake hol knikò ye Dwata.