2 Kurin 6:2 - Udél Dwata: Gna Kesfasad ne Lomi Kesfasad

² Hnungol ye yóm tehe mon Dwata, yóm monen, “Bè yóm deng kehto yóm buteng tehe fétu mò tmóbóng kuy, deng tódô gungolu se yóm taba ye do. Bè kehto yóm butengu lemwà kuy, deng tódô tnóbóngu yu.” Ngem, deng duhen ni se yóm kdaw tô któbóng Dwata kuy. Ne deng duhen ni se yóm kdawen tô lemwà kuy.

2 Kurin 6:2 Referans Kwoze

Isaya 49:8

Yó bud udél Dwata ebè yó kem kun tau, monen, “Ke deng kól yóm kdawu lemwà kuy, hegfanu bélê ye yóm tey nawahu kuy ne bnalau yóm alì kehkodu ye mni tóbóng béléu. Gel bnenteyu yu he ne nofinu yu. Hlanu bélê ye yóm fasadu yó kem tau bè klamangen benwu. Tódô ye bud mulék he ebè yóm benwu ye tehe gotu lebà.

Hibru 4:7

Yó gónó tekuy temngón du nim ni, abay se deng bud wen kdaw blay Dwata tekuy. Yóm kdaw blayen tekuy yó, deng tódô monen, “Ni kemdaw ni.” Yó se yóm udél htugoden ke Dabid ekni, bede deng hilu latu halayen ne kegenen. Yó monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón.”

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

Isaya 61:2

Hógówen o anì heglalagu bè yó kem kun tau yóm deng kkólen yóm kdaw kehewaen kul ne kehegmoen kul bè yó kem hohon le. Hógówen o snéen mò hemyu nawa yó kem tau wen lenangag le.

Hibru 3:7

Duhen yó, hol hendem tekuy yóm tehe mon yóm Tulus Dwata, yóm monen, “Ke sok gungol ye ni kemdaw ni yóm udél Dwata ebélê ye,

Kun Snulat Luk 4:19

Ne yó gónón hógów do anì naw e heglalag yóm deng kkól yóm kdaw któbóng Dwata tekuy yó kem kun tau.”

Kem Lingón 69:13

Okóm béléu dou, Dwata, tódô senflósu mni béléem. Hol bnalaem ou sok kól yóm kdaw tngónem hyu béléu. Hol bnalaem ou lemwót bè yóm kbong nawahem dou, ne lemwót bè kdohò yóm fasadem lemwà dou.

Kun Snulat Luk 18:37

Ne wen mon du mò du, “Mlan bè ni Jisas, yóm tau lemwót bè Nasarit.”