2 Kurin 4:9 - Udél Dwata: Gna Kesfasad ne Lomi Kesfasad

⁹ Tey dê tau gel hmohon kum, okóm sal gel wen wè me. Wen se kdawen tey kehsidek le kum, okóm là kô hatay me du.

2 Kurin 4:9 Referans Kwoze

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Mika 7:8

Laen kô dù lan le kmuli do yó kem dou hohon. Denge tlokob, okóm angate bud mdà. Balù yóm deng knóu lem gónón kmifu, okóm Dwata se hlayag do.

Kem Udél Hlalak Tehe Selumun 24:16

Yóm tau tedeng kmoen baluen ke hilu duléken wen hemsidek du sal bud gel gebtik, okóm kul yó kem tau gel mò sidek glumfak hlayam le.

Kem Lingón 42:11

Moen ni du ke alì sidek keblat nawahu? Moen de ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

2 Kurin 7:6

Okóm yóm Dwata, tey hulung hemyu nawa yóm tau sidek keblat nawahen. Yó se gónón hemyu nawa me se kum bè yóm kkól Taytus.

Kem Lingón 9:10

Yó kem tau temngón kóm, Dwata, són uu snalig le. Abay se là kô nem e gel bayà kul yó kem tau hmebel kóm.

Kun Snulat Jan 15:20

Hol hentulón ye nawa yóm tehe monu mò kuy,” mon Jisas. “ ‘Yóm tau gel dók, là kóen geta senta yóm tau mdók du.’ Ke deng hensidek le o, angat hensidek le yu se kuy. Ke deng nimón le yóm toloku, angat nimón le se yóm kuy tolok.

Kem Lingón 42:5

Moen ni du ke alì sidek keblat nawahu? Moen de ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Kem Lingón 37:28

Yakà tey hyu nawa Dwata du yóm tedeng. Là kô bayaen kul yó kem tau teneb béléen ne laen dù sónen yóm tendo kofinen kul. Okóm yóm kul lugod yó kem tau gel mò sidek, angat hdó le lu ta yóm tonok yó.

Kem Lingón 22:1

Ó Dwata, Dwatahe, moen de ke tódô bayaem se ou du? Tey ktabahu ebéléem anì tnóbóngem ou, okóm là kô dog bnalaem dou.

Kem Lingón 129:2

lemwót bè hanà kudiu yóm tendo kehsidek le do kem hohonu, okóm là kô ghatay le do.

Hbakuk 3:17

Baluen he ke là bud le mulók yó kem koyu fig ne là bud le mungu yó kem grép ne baluen ke là bud le mungu yó kem koyu ulib ne là bud wen hulu yó kem dnadu ne baluen ke gotu le matay yó kem ubiha ne laen dù bud safì tonem bè yóm gónó le hemsù kul,

Sulat Pol Ebè Yó Kem Tau Hemtahu Bè Rom 8:35

Duhen yó, laen kô dù gembek semkó tekuy bè yóm kbong nawahen tekuy Krays. Baluen ke dê mgel gónó tekuy glayam, duhen ke hnayam le tekuy lemwót bè kehtahu tekuy, anien ke wen bitil bong, duhen ke wen gónó élél, duhen ke wen knikò, baluen ke mom hnatay le tekuy, senged snéen, laen kô dù gembek semkó tekuy bè yóm kbong nawahen tekuy Krays.

2 Timuti 3:12

Ke wen tau hol sen-galuhen kguliten lanen mimón ke Krays Jisas, wen gónón glayam bè yó kem dumu tau là hemtahuhen.