2 Kurin 4:12 - Udél Dwata: Gna Kesfasad ne Lomi Kesfasad

¹² Kunen ne ke matay me, syan ke guta ye se kuy yóm klowil laen dù sónen.

2 Kurin 4:12 Referans Kwoze

2 Kurin 13:9

Mom hyu nawa me gemnóm du ke wen gónó me lunog, syan ke kemgis ye yó dum kuy. Duhen yó, yó gel hni me bélê ye bè Dwata anì baling ye gulit.

1 Jan 3:16

Ni se gónó ye temngón du yóm tahu kbong nawa: Ngem yóm botong kun nawa Krays bè yóm tehe khamaen klowilen bélê tekuy. Yó gónóm mon, bè yóm gel któbóng ye yó kem dumu ye, hyu snéen ke glef ye matay bélê le.

1 Kurin 4:10

Lemwót bè yóm klolò me ke Krays, gel boluy kem dumu tau kum, tau nungel. Okóm kuy kun, hono tau temngón lemwót bè yóm kessotu ye bè Krays. Gel mon le mò kum, tau laen dù genbek. Okóm kuy kun, wen genbek ye. Tey gel kehnê le kum, okóm fen gel nadat le yu kuy.

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

Flipay 2:17

Yóm kehtahu ye bè Dwata, lómón ke yó yóm dsù gel blay ye ke Dwata. Bè yóm dsù ye yó, déke kóyô Dwata ke dou litô mung du mò twél ye tahen. Ke yó se kmoen, teye hligal du, gbóte hligal bélê ye bè yóm dsù gel blay ye.

2 Kurin 12:15

Baluen ke gotu blayu kuy kdéen gónóhu wen, tey bong he kligalu du. Ne baluen ke hotuhu són gelu tmóbóng kuy, mom hyu he nawahu du. Tey bong se yóm dou nawa kuy. Fen yó kô balà ye du yóm tey kudì nawa ye do?

Flipay 2:30

Abay se tek udì duen gónón tô matay lanen mò nmò bè Krays. Là kô dog nalihen du klowilen lanen mò yóm hmò ye du mò lan ye gemtóbóng dou.

2 Kurin 4:11

Bè nim igò me tolo mowil, eles tendo moni bélê me se yóm hatay lan me lemolò ke Jisas. Okóm bè ni kem gel hlayam me ni gónón gfan yóm deng bud klowil Jisas lanen gel tmóbóng kum.

2 Kurin 4:13

Wen tehe monen bè Sulat Dwata, yó monen, “Deng hentahuhu Dwata dou, ne yó se gónóhu bud tmulón du bè kem dumu tau.” Senged se kum, deng me hemtahu snéen, ne yó se lewót gónó me tmulón du bè kem dumu tau.