2 Kurin 4:10 - Udél Dwata: Gna Kesfasad ne Lomi Kesfasad

¹⁰ Sal gel gnóm me bè lówó me yóm tehe khatay le ke Jisas ekni anì hol gfan bélê me snéen yóm bud klowilen bè yóm gel któbóngen kum.

2 Kurin 4:10 Referans Kwoze

Sulat Pol Ebè Yó Kem Tau Hemtahu Bè Rom 6:5

Ke gomong tekuy matay béléen, gomong tekuy snéen bè yóm bud kehlowil Dwata du.

2 Timuti 2:11

Tey tahu se yóm gel mon le, yóm monen, “Ke deng te gomong matay bè Jisas, bud te gomong mowil béléen snéen.

1 Pitér 4:13

Yake hligal ye dé ke wen gónó ye glayam, abay se deng ye gbót ne bè yóm tehe keglayam Krays. Ke gbek ye hembala du, bong kehligal ye bè yóm kdaw kehegfan Dwata du bè kdéen tau yóm tey kegeta Krays.

Sulat Pol Ebè Yó Kem Tau Hemtahu Bè Rom 6:8

Ke deng tekuy gomong matay bè Krays, tódô tngón tekuy se bud tekuy gomong mowil béléen.

2 Kurin 13:4

Bè yóm tehe khatay le du, lómón ke laen kô dù kfasangen, okóm lemwót bè yóm kun kfasang Dwata, yó gónón bud mowil. Bè yóm deng kessotu me béléen, gbót me se kum bè yóm là kfasangen. Okóm bè yóm angat kógów me edyó bélê ye, bud me gbót bè yóm tey kfasang Dwata hlanen bè yóm kun klowil Krays.

2 Kurin 1:5

Deng me gbót se kum bè yóm tey keglayam Krays, ne deng me bud gomong béléen snéen bè yóm tey któbóng Dwata du.

Sulat Pol Ebè Yó Kem Tau Hemtahu Bè Rom 8:36

Lómón yóm monen bè Sulat Dwata, monen, “Lemwót bè klolò me kóm, Dwata, yó gónón là skó yóm tendo kóló le hmatay kum. Lómó kehedem le ebélê me, lómón ke ógóf nóló tnétê.”

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

2 Kurin 1:9

Hol lómón kegnóm me du, lómón ke deng hto yóm buteng me matay. Okóm yó gónón lómón yó keglayam me anì là bud snalig me du yóm kum knô, anì són Dwata yóm hol snalig me, yóm gembek hlowil du yóm tau deng matay.

Glasya 6:17

Ni se mò sónu du, hol béen abay wen tau bud tô hemkéng du yóm kehmò Jisas du do nim nmou ni. Hnénég ye ni dé lówóhu, deng hono lekes halì. Ni se ilô yóm deng kimónu du yóm gel dók Jisas do.

Kun Snulat Jan 14:19

Móyón là bud ton le do ne kul yó kem tau là hemtahuhen,” mon Jisas, “okóm angat bud ton ye o yó dum kuy. Lemwót bè yóm bud klowilu, yó se gónó ye angat gmuta yóm klowil laen dù sónen.

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

2 Kurin 4:11

Bè nim igò me tolo mowil, eles tendo moni bélê me se yóm hatay lan me lemolò ke Jisas. Okóm bè ni kem gel hlayam me ni gónón gfan yóm deng bud klowil Jisas lanen gel tmóbóng kum.

1 Pitér 4:14

Ke wen semdekà kuy lemwót bè yóm klolò ye ke Krays, hol ye hligal dé. Abay se yóm nmò le yó, yó se ilô yóm knóen bélê ye yóm Tulus Dwata, yóm hol mfasang bè kdéen.