2 Kurin 4:1 - Udél Dwata: Gna Kesfasad ne Lomi Kesfasad

¹ Lemwót bè yóm tey kodu Dwata kum, yó gónón smigang du ta me yóm hmoen kum ni, ne yó gónó me là tmakas mò du.

2 Kurin 4:1 Referans Kwoze

2 Tisalunika 3:13

Okóm bélê ye kuy, kem dumu me setwoli, bê ye abay htakas mò du yóm hyu.

Glasya 6:9

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

Ifisus 3:13

Duhen yó, hol bê ye mom kenblat nawa nim fen keglayamu bélê ye ni. Hono bè kuy kehyu se ni kem ni.

Flipay 4:13

Laen dù là gbeku du lemwót bè yóm kfasang Krays béléu.

2 Kurin 4:16

Yó gónóm mon, là kô me na a tmakas mò du yóm hmò Dwata kum. Bong bè ni dum lówó me, sónmoen minut mtón gelen ket kdaw. Okóm bè yó dum kehtahu me, sónmoen temnù.

Deng Hegfan 2:3

Deng tonu snéen yóm khanay ye nawa, ne yóm tey kehbala ye du yóm gel keglayam ye lemwót bè yóm klolò ye do, ne yóm là ktakas ye lemolò do.

Hibru 12:3

Hol hendem tekuy dé yóm tey kehbalahen lemwót bè yóm alì kutó nawa le du yó kem tau gemsalà. Duhen yó, hol bê tekuy abay heblat nawa, ne hol bê tekuy abay htakas.

2 Kurin 3:6

Deng benlayen mi khulung tmulón du yóm lomi lan nmoen mò lan tau ebéléen. Là hlanen du bè yóm gna hlau snulaten, abay se yóm gna hlau yó, són mit tau elem hatay kun nmò. Okóm nim lomi lan nmò Dwata ni, hlanen bè Tulusen, ne gbeken mit tau ebè yóm klowil laen dù sónen.

1 Pitér 2:10

Tehe yu ekni, là kô ye tau Dwata se kuy, okóm ni kmoen ni, deng ye baling kun tau ne. Tehe là tngón ye du yóm kkoduhen kuy, okóm ni kmoen ni deng tngón ye ne.

1 Timuti 1:13

Anam yó ne ekni, tey gel sidek kebkóhu ebéléen, ne gel hensideku yó kem gel lemolò du, ne tey gel kehnéu du. Ewenem yó, sana tey kkoduhen dou Dwata, abay se monem tolo là denge hemtahu he ekni, ne tódô óyóu gel mò kul yó kem tehe gel nmou.

2 Kurin 5:18

Tódô Dwata se mò du yóm monu yó koni. Hlanen bè Krays yóm lan nmoen mò lan tekuy mit sefyu ebéléen. Ne deng sigangen ta tekuy se yóm mò fen tmulón du bè dumu tau yóm lan nmoen yó.

2 Kurin 3:12

Lemwót bè nim ken-gel nawa me ni, yó gónó me là lengayà bemkas du bélê ye yóm tulón nwit me.

1 Kurin 7:25

Bong bè yóm snólók ye bè yó kem tau là dengen myehen, laen dù hlau lemwót bè yóm gónó tekuy mogot ke gbak bè nim snólók ye ni. Okóm wen tulónu kuy lemwót bè yóm dou kmò kehedem du. Ne denge baling tau gsalig lemwót bè yóm kkoduhen dou yóm gónó tekuy mogot.

Isaya 40:30

Balù yó kem logi lomi lemnok, gel gnóm le klunog le. Botong le gel masà lemwót bè alì ksidek kliteg le.

Isaya 40:31

Okóm yó kem tau són ken-gel nawa le yóm któbóng Dwata kul, tódô senflós Dwata tendo hulék kgis le. Hol lómó angat kmò le lómón yóm klinggel kóyóng yó kem banug. Ke mlóy le, là kô le mahil mubas. Ke tmonok le, là kô le mahil miteg.

Jirimaya 45:3

Yó deng udélem, ‘Denge tmakas ne. Tendo tennù Dwata yóm blat nô tahu. Laen kô dù bud gelu ne tódô sónmou dmolong, là kóe gehegnô.’

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

1 Kurin 3:5

Bè ktahuhen, nim ou lewu me Apulus, olo me kem tóbóng lówó Dwata mò lan ye hemtahu béléen. Olo me kem tau mò du yóm hmoen kum yóm gónó tekuy mogot.