2 Kurin 3:6 - Udél Dwata: Gna Kesfasad ne Lomi Kesfasad

⁶ Deng benlayen mi khulung tmulón du yóm lomi lan nmoen mò lan tau ebéléen. Là hlanen du bè yóm gna hlau snulaten, abay se yóm gna hlau yó, són mit tau elem hatay kun nmò. Okóm nim lomi lan nmò Dwata ni, hlanen bè Tulusen, ne gbeken mit tau ebè yóm klowil laen dù sónen.

2 Kurin 3:6 Referans Kwoze

Kun Snulat Jan 6:63

Tek són yóm Tulus Dwata gembek hlowil tau. Bong yó dum lówó tau, bà udì ke wen gmoen. Kdê ni kem udélu ebélê ye ni koni, hlowilen tau abay se hono lemwót gu bè yóm Tulus Dwata.

Sulat Pol Ebè Yó Kem Tau Hemtahu Bè Rom 7:6

Okóm nim kmoen ni, lemwót bè yóm deng kgomong tekuy matay bè Krays, deng tekuy gewà du ne yóm keghesek tekuy bè yóm hlau. Yóm kmò tekuy du yóm knóyô Dwata, là mlanen bè klolò tekuy du yóm hlau gnan, okóm mlan bè yóm lomi klowil ulék yóm kegalak tekuy bè yóm Tulusen.

Jirimaya 31:31

Yó bud udél Dwata, monen, “Angat kól yóm kdawen bud wen lomi senfasad me yó kem tau bè Israél ne bè Juda.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

Hibru 12:24

Hol lómón ke deng tekuy hloni ebè Jisas. Du se mò du yóm lomi lan mò gónó tekuy hloni ebè Dwata lanen hamà litóen bélê tekuy. Hol lómón ke deng hentsiken tekuy yóm kun litô. Ne yóm litóen yó, tey hyu nefeten senta yóm litô tehe Abél ekni.

Hibru 7:22

Duhen yó, lemwót bè yóm deng fasad Dwata ke Jisas yó, yó se gónóhen alì hyu yóm nmò Jisas mò lan tekuy hloni ebè Dwata.

2 Kurin 3:14

Ne yó kem tau Israél ekni, là kô glileb le du yóm hmò Dwata ke Musis lem blóng le, hol lómón ke wen seng bè kehedem le. Balù nim kmoen ni, sok gel senfala le yóm tehe hsulat Dwata ke Musis ekni, là kô glileb le du, abay se monem tolo wen seng bè kehedem le. Tek són bè yóm kessotu le bè Krays gónón mkó yóm seng yó.

1 Kurin 15:45

Monen bè Sulat Dwata, “Yóm tanay tau boluyen Adam, nyuf Dwata lem baken, ominen yó he baling mowil.” Okóm ke Krays kun, yóm niba le hol són Adam, du se fen bemlay tekuy yóm klowil laen dù tul sónen.

Sulat Pol Ebè Yó Kem Tau Hemtahu Bè Rom 3:20

Abay se laen dù tau tedeng kton Dwata du lemwót bè kloloen yóm hlau. Yó muhen yóm hlau mò hdilô du bè tau yóm kegsalaen.

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

Kun Snulat Luk 22:20

Timbow deng kken le, ominen bud ma yóm ninum le, monen mò kul, “Nim bud hinumu kuy ni, hnigaden yóm lomi fasad nmò Dwata bélê ye. Yó hemget du, duhen yóm dou litô angat gamà bélê ye.

1 Kurin 11:25

Timbow deng kken le, ominen ma yóm tgayan gónón nô yóm ninum le, ne monen mò kul, “Nim ninum ni, hol hnigaden yóm lomi fasad nmò Dwata mò lan ye ebéléen, dou litô mò hemget du. Bè ket kinum ye du nim ni, hol gel hentulón ye ou nawa.”

Matyu 13:52

Bud mon Jisas, “Yóm tau gel tmolok hlau gnan, ke deng gfi bè kogot Dwata tau, hol lómón ke du yóm tau wen kimu labihen, ne wen kimu lomihen deng denfélen bè gónóen mò gónóhen gel ma yóm wen muhen du.”

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

Dwata 27:26

‘Hol tnafak Dwata yóm tau là mimón du yóm kdê hlauhen ne yóm kdê toloken.’ Ne kdéen tau gotu malà du, mon le, ‘Tahu yó.’ ”

1 Timuti 4:6

Ke hol heglalagem bè kem dumuhem hemtahu ni kem hlolou kóm ni, bong hyu kwitem du yóm deng sigang Krays Jisas tahem. Ne temnù kbegelen yóm kehtahuhem lanem hemnagì du yóm Udél Dwata deng hentahuhem, ne yóm tahu tolok deng loloem.

Ifisus 3:7

Béléu do, deng henbaling Dwata ou sotu tóbóng lówóhen mò mit yóm Tulón Hyu. Lemwót bè yóm kenhulung blayen dou, yó gónón smigang du tahu yóm Tulón Hyu monu ni koni, hlanen bè yóm tey kfasangen béléu.

Glasya 3:21

Déke ofo kuy mon du là segmung le hlau Musis yóm fasad Dwata. Là kô yó du. Ke gbek yóm hlau bemlay tekuy yóm klowil laen dù sónen, deng duhen yó ne yóm lan tekuy baling tedeng bè kton Dwata tekuy. Okóm là kô yó du.

2 Kurin 3:7

Bè yóm tehe kehsulat Dwata du ke Musis bè botu kufil yóm hlau gnan, tey keslinang lem uyó Musis, lemwót bè yóm kloni Dwata béléen. Balù yóm konol yóm keslinang lem uyó Musis, ewenem sana là kegbek le temngel ebéléen yó kem tau Israél, bà mon yóm tey keslinang lem uyóhen. Ke yó se kmoen bè yóm tehe keblay Dwata yóm hlau mit hatay,

1 Kurin 12:28

Bè yóm kdê tekuy deng hemtahu, wen yóm hmò Dwata tekuy, yóm ket tekuy na sotu. Yóm hol tanayen, néléken yó kem tau mò gel hógówen. Gewuhen, wen se kem tau néléken mò gel tugoden. Getluhen, wen se tau néléken mò gel tmolok yóm kun udél. Ne wen se benlayen kegbek mò du yóm hentaw ton. Ne wen se benlayen ktued hkó des, ne tólóng se benlayen khulung tmóbóng kem dumun. Ne wen se benlayen khulung malak kem dumun. Ne tólóng se benlayen khulung tódô mudél ebéléen bè tólóng udél là deng kun tngón du.

1 Kurin 3:5

Bè ktahuhen, nim ou lewu me Apulus, olo me kem tóbóng lówó Dwata mò lan ye hemtahu béléen. Olo me kem tau mò du yóm hmoen kum yóm gónó tekuy mogot.

Sulat Pol Ebè Yó Kem Tau Hemtahu Bè Rom 4:15

Lemwót bè yóm kwen hlau gónón wen tafak gu bè Dwata abay se là glolò tau du. Ke laen dù hlau laen se dù tau gemsalà.

Kun Snulat Jan 5:21

Yóm Mà, gbeken hlowil yó kem tau deng matay. Senged se kun yóm Ngaen, benlayen klowil yó kem tau nóyô hlowilen.

Mark 14:24

Yó monen, “Ni se dou litô mò hemget du yóm fasad nmò Dwata mò lan tau mógów ebéléen. Ne tey tau wen gónóhen gamà nim litóu ni.

Matyu 26:28

Ni se dou litô mò hemget du yóm deng fasad Dwata bè kem kun tau. Ne tey dê tau gónón gamà nim litóu ni mò lan Dwata hmifót salà le.

2 Kurin 3:9

Ke wen tey keslinang yóm kfasang Dwata gfan bè yóm hlau mit hatay, milud he keslinang yóm kfasangen yóm lomi lan nmoen mò gónó le mowil.

Sulat Pol Ebè Yó Kem Tau Hemtahu Bè Rom 4:17

Deng hsulat Dwata yóm tehe udélen ebè Abraham ekni, yóm monen, “Deng nmou uu mà yó kem tey dê kay but tau bè klamangen benwu.” Ne tahu se yó. Bè kton Dwata yóm kdéen tau hemtahu béléen, deng le gotu menmà bè Abraham ne. Nim Dwata gónó Abraham hemtahu ni, balù yóm tau deng matay, gbeken bud hlowil du. Balù kihu dlimunen, gbeken.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

1 Jan 1:1

Yó gónóhu smulat ebélê ye ni, abay se tulónu kuy yóm Jisas Krays, yóm bnoluy le Udél Hlowil Tau. Gu laanen là deng wen benwu he, deng sana kem yó ne kun. Ne deng na me hol gungol udélen, ne deng hol kum mata se mton du yóm lówóhen ne deng nogot me snéen.

2 Timuti 1:11

Nim Tulón Hyu ni, deng nélék Dwata o mò fen hógówen na a tmolok du,

Ifisus 2:5

Igò tekuy sem deng golu elem hatay lemwót bè yóm là kimón tekuy, gloken tódô bud hlowil tekuy ebè yóm klowil laen dù tul sónen, homongen tekuy bè yóm tehe le kehlowilen ke Krays gu lem hatay. Tódô lemwót bè yóm kun tóbóng Dwata yóm kehewaen tekuy yó.

1 Kurin 3:10

Lemwót bè yóm kenhulung blay Dwata dou, gónóhen mbegel kehdau du yó kem heheken. Bede tólóng tau fen hemdeng du. Ket tau semtóbóng hemdà du yóm gónô yó, yake hol ten-gamahen yóm kmò kehdaen du.

Ifisus 2:1

Yóm tehe yu ekni, lemwót bè yóm là kimón ye ke Dwata ne bè yóm kwen sidek gel nmò ye, yó se gónó ye deng golu elem hatay laen dù sónen.

2 Kurin 3:3

Nim sulat monu ni, mahil dmilô du ke Krays fen smulat du, ne olon heted du kum. Bede là kô lan tdok du, kaem Tulus Dwata mò du, yóm Dwata laen dù tul katayen. Ne là se kô snulaten du bè botu kufil, kaem lem hendem ye gónón smulat du.

2 Kurin 11:23

Ke gel mon le tau le tóbóng lówó Krays se kul, mom ou ne tau tóbóng lówó hol gulit senta le. Ni se udél yóm tau lengel mata nim udélu ni. Là kô na le e gatù dou bè yóm alì kmou nmò bè Krays. Deng hilu duléku geblanggù, ne deng hilu duléken ne wen tau mfes dou ne tô hmatay do.

Hibru 8:13

Lemwót bè yóm deng ktulón Dwata du yóm lomi lan nmoen mò gónó tekuy hloni ebéléen, deng hetngónen tekuy ne yóm klaen dù bud muhen du yóm gnan. Bè yóm klaen dù bud muhen yóm yó, kaem tódô lana.