2 Kurin 3:5 - Udél Dwata: Gna Kesfasad ne Lomi Kesfasad

⁵ Bè ni kem deng nmò me lem blóng ye ni, là kô gbek me mon du lemwót bè kum kegbek, abay se là kô gbek me mò du se kum yóm yó. Kaem tódô lemwót bè yóm kenhulung blay Dwata kum.

2 Kurin 3:5 Referans Kwoze

2 Kurin 12:9

Okóm mom monen mò do, “Wen gónóhu gel tmóbóng kóm anì gbekem hembala du. Kaem yóm gónóm lunog yó, bè yó se gónón gfan yóm hol kfasangu tmóbóng kóm.” Duhen yó, tey kligalu du yó kem gónóhu gel lunog, abay se là kóen mkó béléu yóm kfasang Krays gel tmóbóng dou.

Flipay 4:13

Laen dù là gbeku du lemwót bè yóm kfasang Krays béléu.

1 Kurin 15:10

Okóm yó gónóhu baling tau hógówen, tódô lemwót bè yóm tey nawa Dwata dou. Ne yóm nawahen dou yó, tey wen uléken. Bè ktahuhen, bè kdê yó kem dumu tau gel hógówen, là kô gesenged le du se yóm dou kteneb mò nmò bè Jisas. Okóm là kóen na a lemwót bè dou kgis yóm kmou du, tódô lemwót bè yóm któbóng Dwata dou.

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

Kun Snulat Jan 15:5

Ou se yóm hulu lemfà ne yu hangahen. Yó se tau henek béléu, heneke se béléen do, ne angat tey kbunguhen. Okóm ke là henek ye béléu, laen kô dù gmò ye.

Sulat Jim 1:17

Hono hyu yóm kdê deng blayen tekuy, balù udì ke wen gónón sidek. Yó se kun kmò Dwata, yóm deng dmimun kdê yó kem lemayag ton tekuy bè longit. Gel megetles ne mili yóm olung yó kem lemayag bè longit yó, okóm ke Dwata kun, là kóen na a mili, sana kem kun kehyu.

1 Kurin 3:6

Ke hningónu yóm nmò me lem blóng ye, lómón ke ou yóm tau fen mò hulu, ne Apulus fen temwél du él. Okóm Dwata fen htowok du.

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

2 Kurin 4:7

Bélê me kum kem tau mit du nim Tulón Hyu ni, hol lómón ke kuleng tonok yóm klowil me, bede wen yóm alì mebtes nô lemen. Yó gónó Dwata hmingón du bè kuleng anì gfan yóm là kewóten bélê me yóm tey kfasangen yóm tulón nwit me, okóm tódô lemwót bè Dwata.

1 Kurin 3:10

Lemwót bè yóm kenhulung blay Dwata dou, gónóhen mbegel kehdau du yó kem heheken. Bede tólóng tau fen hemdeng du. Ket tau semtóbóng hemdà du yóm gónô yó, yake hol ten-gamahen yóm kmò kehdaen du.

2 Kurin 2:16

Bè tu kem tau tolo golu elem hatay, lómó kul kungef du, hol lómón ke boo sidek mò gónó le matay. Okóm bè yó kem tau deng gewà, lómón kul kungef du, hol lómón ke boo alì minggel mò gónó le mowil. Nim nmò me ni, laen kô dù tau gembek mò du ke tódô óyóen.

Kun Snulat Luk 24:49

Angat hwitu ebélê ye yóm deng tehe fasad Mà kuy. Na ye na hangat bè ni he bè Jirusalim yóm kfasangen gu bè longit yó.”

Tekang Kbuten 41:16

Omin Jusif malà du, monen, “Là. Tek són Dwata gembek tmulón du kóm lan yóm knahem anì hol gsengel nawahem.”

2 Tutul Israél 30:12

Bè yóm kdaw yó, wen nmò Dwata bè yó kem tau bè Juda, benlayen lu kessotu nawa mimón du yóm udél yóm tau hol geta ne yó kem genlalen kem tau deng lemolò yó kem hlolò Dwata.

Sulat Pol Ebè Yó Kem Tau Hemtahu Bè Rom 15:18

Laen kô dumu gel tulónu, tek són yóm deng gendeng Krays hlanen béléu anì baling nimón le Dwata yó kem tau là Juhen. Yó kmoen du, hlanen bè yóm ktoloku ne yóm gel nmou lem blóng le,

2 Timuti 2:2

Deng hónô gungolem ne yóm tehe gel toloku bè gónón wen, ne bud yó se hol sigangem ta yó kem tau genléd nawam anì duhe kóm, lu he fen hból du ebè kem dumu tau.