2 Kurin 3:3 - Udél Dwata: Gna Kesfasad ne Lomi Kesfasad

³ Nim sulat monu ni, mahil dmilô du ke Krays fen smulat du, ne olon heted du kum. Bede là kô lan tdok du, kaem Tulus Dwata mò du, yóm Dwata laen dù tul katayen. Ne là se kô snulaten du bè botu kufil, kaem lem hendem ye gónón smulat du.

2 Kurin 3:3 Referans Kwoze

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Hibru 8:10

Bud mon yóm gónó le mogot, ni se angat nmou bè yó kem tau Israél elem hulin kdaw mò lan le hloni ebéléu. Suu lem hendem le yóm dou hlau, ne bud hnóu lem nawa le snéen. Ne ou se baling kul Dwata, ne lu se baling dou tau.

Hibru 10:16

“Yó mon yóm gónó le mogot, Ni sii nmou bè yó kem dou tau elem hulin kdaw mò lan le hloni ebéléu. Suu lem nawa le yó kem dou hlau, ne bud hnóu lem hendem le snéen.”

Kem Lingón 40:8

Tey bong óyóu mò du yóm kóm kóyô, Dwata. Tendo eles nô bè nawahu yóm gel tolokem dou.”

Kehewà 31:18

Timbow deng kudél Dwata ebè Musis ditu ta tfusù yóm Bulul Sinay, ominen bemlay du ke Musis yóm lewu botu kufil gónóhen deng smulat yó kem sfolò hlauhen kul. Tódô Dwata smulat du yó kem hlau yó.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

Kehewà 24:12

Sotu kdaw, yó bud mon Dwata mò ke Musis, “Budi mneged edini béléu ta bulul, nahem na legen bè ni. Bè yóm igoem nô bè ni wen lewu botu kufil blayu kóm, botu gónóhu deng smulat yó kem hlolou yó kem tau Israél.”

Hibru 9:14

Ke tehe wen ktueden yóm kul litô yó kem ógóf, milud he ktueden yóm kun litô Krays. Mlan bè kun tóbóng yóm Tulus Dwata laen dù tul katayen, yó gónó Krays tódô hamà du yóm kun klowil mò dsuen ebè Dwata, yóm dsù tódô ket du. Yóm litô dsuen yó, gbeken mkó du bélê tekuy yóm sidek gel hemblat tekuy lemwót bè yóm là kegtóbóngen tekuy yó kem dê tehe gel lolò tekuy. Ne ni kmoen ni, gbek tekuy mò du yóm hmò Dwata tekuy, yóm Dwata laen dù tul katayen.

Kem Udél Hlalak Tehe Selumun 3:3

Hol béem abay kó bè kmoem yóm kogot nawam bè Dwata. Eles tendo suem te henmuem ne lem hendemem.

Kem Udél Hlalak Tehe Selumun 7:3

Hol suem te henmuem ne suem lem hendemem yóm dou hlolò.

Kem Lingón 84:2

Hol kóyóu ke bude nô bè yó. Tey khahuu du yóm Gónóem, Dwata. Tahu lemwót bè nawahu hligal lemingón ebè yóm Dwata laen dù tul katayen.

1 Tisalunika 1:9

Gotu tulón le kum yóm tehe tey khódó ye kum ekni bè yóm tehe ksut me bélê ye dyó, ne yóm deng kkogol ye yó kem dwata kéng, ne yóm deng kimón ye ke Dwata yóm hol tahu Dwata, yóm Dwata laen tul katayen.

Matyu 16:16

Fen bnalà Simun Pitér, monen, “Uu se yóm Misaya, yóm Ngà yóm Dwata laen kô dù tul katayen.”

Kem Lingón 42:2

Lómón yó se kebelu kóm, Dwata yóm Dwata laen dù tul katayen. Kilón de kógówu ebè Gónóem anì naw e tmaba ebéléem bè yó?

Kehewà 34:1

Yó mon Dwata mò ke Musis, “Budi mò lewu botu kufil lómón yóm gnan ne bud snulatu du yó kem udél tehe nô bè yóm gnan, yóm deng btuem.

Deng Hegfan 3:22

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan.”

Deng Hegfan 2:18

“Budi smulat do ebè yóm fen gel malak yó kem tau hemtahu bè Tiyatira, monem mò du, ni se udélen ebélê ye yóm Ngà Dwata, yóm lómón ke dilóf ofi lem matahen, ne yóm tihen lómón keslinangen yóm blówón.” Yó monen,

Deng Hegfan 2:8

“Budi smulat do ebè yóm fen gel malak yó kem tau hemtahu bè Smirna, monem mò du, ni se udél yóm hol buten ne hol sónen, yóm deng tehe matay, okóm deng bud mowil.” Yó monen,

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Juswa 3:10

Angat tódô tngón ye kemdaw ni yóm knóen bélê ye Dwata yóm Dwata laen tul katayen. Bè yóm igò ye mógów eta yóm tonok deng blayen kuy, du se fen mlo kul gu tahen yó kem tau Kanan ne yó kem tau Hitayt ne yó kem tau Hibayt ne yó kem tau Pirisayt ne yó kem tau Girgasayt ne yó kem tau Amurayt ne yó kem tau Jibusayt.

Deng Hegfan 3:14

“Budi smulat do ebè yóm fen gel malak yó kem tau hemtahu bè Ludisya, monem mò du, ni se udélen ebélê ye yóm hol dohò tulónen. Du se yóm hol gulit, yóm hol gsalig, yóm tehe hedlimun Dwata yóm kentihen.”

Deng Hegfan 3:7

“Budi smulat do ebè yóm fen gel malak yó kem tau hemtahu bè Filadélfya, monem mò du, ni se udélen ebélê ye yóm laen dù belenen yóm kun kmò, yóm hono tahu yóm gel tulónen. Du se tles mogot du yóm kunsì tehe nogot yóm tehe fuen Dabid. Ke wen lenungkaen, là kô wen gembek bud tmikeb du. Ne ke wen tnikeben, là kô wen gembek bud lemungkà du.”

Deng Hegfan 2:12

“Budi smulat do ebè yóm fen gel malak yó kem tau hemtahu bè Pirgamum, monem mò du, ni se udélen ebélê ye yóm wen sudeng telemen.” Yó monen,

Deng Hegfan 2:1

Bud monen mò do yóm mudél ebéléu yó koni, monen, “Ni smulati do ebè yóm fen gel malak yó kem tau hemtahu bè Ifisus, monem mò du, ni se udélen ebélê ye yóm mogot hitu blotik bè sigel kwananen, yóm gel mógów lem blóng yó kem hitu solok blówón sedà.”

Danyél 6:26

Wen udinu bè kdéen tau balù kihu gónó le nô lem nim benwu knamalu, kóyóu ke hol knikò ye yóm kun Dwata Danyél. Yakà du se yóm Dwata laen tul katayen, laen se dù sónen yóm kun klowil. Yóm kogoten tau, laen kô dù tau gembek gembà du ne laen kô dù sónen yóm kun kogot.

Deng Hegfan 3:1

“Budi smulat do ebè yóm fen gel malak yó kem tau hemtahu bè Sardis, monem mò du, ni udélen ebélê ye yóm gónón hol nô yóm Tulus Dwata hitu kay kfasangen, yóm mogot yó kem hitu blotik.” Yó monen, “Deng gotu tngónu se yóm gel nmò ye. Bè kuy kehedem du deng ye tótól bè kehtahu ye, okóm là he, tolo ye golu elem hatay.

1 Samwél 17:26

Omin Dabid mudél ebè yó kem tau mdà klohoken, monen mò kul, “Tedu se ofolen yóm tau gemhatay du yóm Flistin yóó ne ke kóhen bélê tekuy kem tau Israél yóm gónó tekuy myak nii? Tmau du se nim Flistin là hemtahu bè Dwata nii, tô nwiten sfatay yó kem sendalù yóm Dwata là matayen?”

Kehewà 32:15

Omin Musis mulék mosol gu ta yóm bulul, nwiten yóm lewu botu kufil sbalà snulat du yó kem hlau Dwata.

1 Kurin 3:5

Bè ktahuhen, nim ou lewu me Apulus, olo me kem tóbóng lówó Dwata mò lan ye hemtahu béléen. Olo me kem tau mò du yóm hmoen kum yóm gónó tekuy mogot.

2 Kurin 3:6

Deng benlayen mi khulung tmulón du yóm lomi lan nmoen mò lan tau ebéléen. Là hlanen du bè yóm gna hlau snulaten, abay se yóm gna hlau yó, són mit tau elem hatay kun nmò. Okóm nim lomi lan nmò Dwata ni, hlanen bè Tulusen, ne gbeken mit tau ebè yóm klowil laen dù sónen.

2 Kurin 3:7

Bè yóm tehe kehsulat Dwata du ke Musis bè botu kufil yóm hlau gnan, tey keslinang lem uyó Musis, lemwót bè yóm kloni Dwata béléen. Balù yóm konol yóm keslinang lem uyó Musis, ewenem sana là kegbek le temngel ebéléen yó kem tau Israél, bà mon yóm tey keslinang lem uyóhen. Ke yó se kmoen bè yóm tehe keblay Dwata yóm hlau mit hatay,