Biblia Todo Logo
Bib sou entènèt

- Piblisite -




2 Kurin 3:2 - Udél Dwata: Gna Kesfasad ne Lomi Kesfasad

2 Deng duhen yu se henged sulat deng hol nô bè nawa me mò gónó le dmilô kum yóm kdéen tau.

Gade chapit la Kopi




2 Kurin 3:2
9 Referans Kwoze  

Là kô sónen du bè ni kem lewu benwu monu ni koni gónón deng e mból yóm gel tulón ye gbak ebè yóm gónó tekuy mogot, okóm deng mból snéen bè klamangen benwu yóm kuy deng kehtahu bè Dwata. Ke tô tulón me kul yóm kuy kehtahu, deng mom lu ne hegled tmulón du kum.


Là kóen mkó bè nawahu yóm gel kehedemu kuy. Tey knóón ke lómón ni yóm kehedemu ebélê ye, yakà deng tendo gel tnóbóng ye o bè yóm tey kehyu deng hmò Dwata do. Balù nim knóu lem blanggù ni, ne bè yóm tehe gel kógówu mò mfi du yóm Tulón Hyu, ne mò tmolok du snéen, sana kem yó ne yóm gel któbóng ye dou.


Ni tanay monu mò kuy, tey kedóyónu ke Dwata bè yóm kdê ye bè yó, hlanu bè Jisas Krays, abay se deng gefet bè klamangen benwu yóm kuy kehtahu bè Jisas.


Baluen ke gotu blayu kuy kdéen gónóhu wen, tey bong he kligalu du. Ne baluen ke hotuhu són gelu tmóbóng kuy, mom hyu he nawahu du. Tey bong se yóm dou nawa kuy. Fen yó kô balà ye du yóm tey kudì nawa ye do?


Là kô yó du gónóhu mon du nim ni ke udì nawahu kuy. Tódô tngón Dwata se yóm tey kbong nawahu kuy.


Sundu yó gónóhu mon du nim ni ke udélu temdok kuy. Là kô yó du. Deng tehe gel tulónu kuy se yóm tey kogot nawa me bélê ye. Bè yóm klawi me mowil, anien he ke deng me matay, là kóen mkó yóm nawa me ebélê ye.


Lemwót bè yóm kenhulung blay Dwata dou, gónóhen mbegel kehdau du yó kem heheken. Bede tólóng tau fen hemdeng du. Ket tau semtóbóng hemdà du yóm gónô yó, yake hol ten-gamahen yóm kmò kehdaen du.


Sundu yó gónóhu mon du tum monu tu koni ke udélu hton salù. Bè yóm gel kógów me ebélê ye, laen dù mu me du kum ke wen sulat nwit me mò gónó ye milô kum. Ne sotuhen, bè yóm kógów me ebè yó kem dumu benwu, là kô hsulat me kuy snéen mò nit me.


Swiv nou:

Piblisite


Piblisite