2 Kurin 2:2 - Udél Dwata: Gna Kesfasad ne Lomi Kesfasad

² Ke heblatu nawa ye, bang tô kligalu se dou du? Abay se bélê ye gónón wen kligalu.

2 Kurin 2:2 Referans Kwoze

2 Kurin 7:8

Bè yóm tehe gna sulatu edyó bélê ye, tey sidek se kegbeng lem ye du, okóm là genselu du. Bè buten, nan malù sidek kegnómu du yóm kegbeng lem ye yó.

1 Kurin 12:26

Ke wen des gnómen yóm sotu nô bè lówó tekuy, tódô kdê le gemnóm du snéen. Senged nóm ke dóyón le yóm sotuhen, tódô kdê le se gemnóm du yóm kligalen.

Sulat Pol Ebè Yó Kem Tau Hemtahu Bè Rom 12:15

Ke hligal kem dumu ye, gbót ye hligal bélê le. Ke wen knangag le, gbót ye langag bélê le snéen.

2 Kurin 11:29

Ke wen bélê le lunog kehtahuhen, kéng tô ou se gemnóm du. Ke wen tau hebtang le elem salà, ya tey sidek kegnómu du se dou.

Matyu 19:22

Timbow gungol nim lomi lemnok ni koni yóm udél Jisas ebéléen yó, tódô lemwót, ya tey sidek keblat nawahen, abay se nalihen yóm tey kendengenen.