2 Kurin 2:12 - Udél Dwata: Gna Kesfasad ne Lomi Kesfasad

¹² Bè yóm kkólu bè syudad Truas na a tmulón du yóm Tulón Hyu gbak ebè Krays, deng sana wen lan nmò yóm gónó tekuy mogot anì nmou yóm hmoen dou bè yó.

2 Kurin 2:12 Referans Kwoze

Kul Nmò 16:8

Tódô le hlós mlan elem Misya efet le kól bè Truas, yóm syudad bè kilil mohin.

Kul Nmò 14:27

Bè yóm deng kkól le bè Antyok, gotu sentifun le yó kem tau hemtahu, ne gotu tulón le kul se yóm deng nmò Dwata hlanen bélê le. Gotu tulón le yóm nmò Dwata mò gónó le hemtahu bè Jisas se kul yó kem tau là Ju le.

Kulasi 4:3

Ne hol gel utóm ye mi snéen bè yóm gel kni ye anì wen lan nmò Dwata mò gónó me hetngón du bè yó kem dumu tau yóm tehe bunihen bélê le, duhen Krays. Yakà ni du buten yóm gónó le bmanggù do.

1 Kurin 16:9

Tey dê tau bè ni móyô hmungol du yóm udél Dwata, ne tey wen gónón e kól yóm knóu bélê le, balù yóm tey dê tau tô hemseng du yóm nmou.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Kul Nmò 20:8

Yóm dfél gónó Pol tmolok yó, nô bè yóm sodò seel hol fi ta yóm gónô yó, ne tey dê solok lemen.

Kul Nmò 16:11

Kewót me bè Truas smakay me kafal, mifal me etu ebè yóm sotu hungul benwu udì boluyen Samutris. Hayahen bè yó bud me smakay kafal etu bè yóm benwu boluyen Nyafulis. Kmó me bè yó,

1 Kurin 9:12

Ke wen kwalis le hlowil bélê ye yó kem dumu tau tmolok lem blóng ye, milud he yó dum kum. Okóm là dog kem ktes me du ne kum yó dum yó. Tódô hyu nawa me hembala du ne yó kem mgel gel sut bélê me anì laen dù gónón gseng yóm Tulón Hyu gel nwit me gbak ebè Krays.

1 Kurin 9:14

Senged snéen yóm hloloen tekuy yóm gónó tekuy mogot ekni gbak ebè yó kem tau mit du yóm Tulón Hyu. Deng monen hyu ke yó kem tau gónó le tmolok fen lemowil kul.

1 Kurin 9:16

Bè yóm gel kwitu du yóm Tulón Hyu, laen kô gónóhu hton salù du, abay se bè ktahuhen, wen fen hmò du dou. Hol là gbeku du ke là nmou du. Angat tey kegtafaku ke là nmou du.

2 Kurin 4:3

Bè nim Tulón Hyu gel nit me ni, són olo gónón là mtukul, tek són bè yó kem tau tolo golu elem hatay.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

2 Kurin 8:18

Wen yóm sotu dumu tekuy hemtahu bè ni hmung me ke Taytus edyó. Tey tótól boluyen nim tau ni bè yóm ktoloken yóm Tulón Hyu bè yó kem dumu tekuy hemtahu bè ket benwu.

2 Kurin 9:13

Bè yóm keblay ye, yó se gónón gfan yóm kehtahu ye ke Krays. Angat tey dê tau dmóyón ke Dwata lemwót bè yóm kimón ye du yóm Tulón Hyu lemwót bè Krays. Dóyón le Dwata snéen bè yóm tey któbóng ye kul, dalang se yó kem dumu tau tnóbóng ye.

2 Kurin 10:14

Lemwót bè yóm kgomong ye lemen, laen kô dù gónó me mulé du yóm hmò Dwata kum bè yóm tehe kógów me ebélê ye mò mit yóm Tulón Hyu gbak ebè Krays.

2 Kurin 11:4

Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

2 Kurin 11:7

Klawihu deng gel tmolok lem blóng ye yóm Tulón Hyu lemwót bè Dwata, là kóe na a deng mni ofol bélê ye, balù slad. Denge mom heglaan bélê ye anì wen lanu hegeta kuy. Yó kô yóm salau bélê ye?

1 Tisalunika 3:2

ne Timuti fen hógów me edyó. Nim Timuti ni, sotu dumu tekuy setwoli, gel tmóbóng kum mit du yóm Tulón Hyu gbak ebè Krays. Yó gónó me hógów du edyó mò temgel kuy ne tmóbóng kuy bè kehtahu ye