2 Kurin 2:11 - Udél Dwata: Gna Kesfasad ne Lomi Kesfasad

¹¹ Tódô hnifót tekuy ne anì laen dù gmoen bélê tekuy Seitan, abay se tngón tekuy yóm tey kun khulung gel mò atul.

2 Kurin 2:11 Referans Kwoze

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

2 Kurin 11:3

Okóm tey gel ktafa nawahu kuy. Tnafa nawahu kô gsukat ye bè yóm tolok sekban, ne baling knogol nawa ye Krays, kô là nóen béléen nawa ye. Déke mkél ye ke Ib, gsukat bè alì khulungen mangkal yóm Seitan bè yóm tehe kehlinguhen bè ulal.

Kun Snulat Luk 22:31

Mon Jisas mò ke Pitér, “Hol ten-gamahem, Simun. Deng bal Seitan bè Dwata yóm angat ktilówen kuy. Hol lómó kmoen kuy, lómón kmusu halay.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

2 Kurin 11:14

Là hentaw tekuy du yóm kul nmò yó. Ngem sem Seitan du kun, gel hlingu bè hógów Dwata alì lemayag gu bè longit.

1 Kurin 7:5

Yó gónóm mon, yu kem tau syehen, hol ye gel steneb stungô. Són yó dé gónó ye là stungô ke wen kdaw blay ye ke Dwata anì laen dù hmala kuy bè yóm kni ye béléen. Okóm eles sentngón ye gna, omin ye bud stungô kogolen. Ke ni se nmò ye, laen dù lan Seitan smindil kuy lemwót bè yóm là kegbek ye mafas nawa ye.

Job 2:3

Mon Dwata se mò du, “Tonem Job kô, yóm tau tóbóng lówóhu? Laen dù tau talak tonok ke gemsenged du. Laen dù gónó le gemsanil du kem dumu tau. Tau gulit knawahen, lelen tey klikoen do ne tendo gel hetsik bè yóm sidek. Efet yóm kmoen ni, tey kguliten balù yóm tey kubugem dou anì lusu uu mò hemsidek du balù yóm klaen dù duónem du.”

2 Timuti 2:25

Ne ke wen tau semkuya du yóm kun tulón, hol hen-ganagen nawahen tmulón du kul yóm gónó le là segtud. Déke fen tenles Dwata he yóm hendem le, ne dilô le yóm hol ktahuhen,

Kun Snulat Jan 13:2

Timbow kifu bè yó, gotu le seyón ke Jisas mken yó kem gel lemolò du. Deng sana hnô Seitan lem hendem Judas yóm angat keblayen ke Jisas sumóng ebè yó kem hmohon du. Nim Judas ni, du se ngà Simun Iskariyut,

Deng Hegfan 2:24

Okóm wen se bélê ye bè yó bè Tiyatira, là lolò ye du kuy yóm ktolok sidek yó. Là se dnalang ye du yóm gel mon le ‘tolok ngelem lemwót bè Seitan.’ Yó monu mò kuy, laen dù bud hlolou kuy ne.

Kul Nmò 1:25

mò hógówem, mò tles Judas, yóm tau deng tebelen yóm tehe gel nmoen, ne hlós ebè yóm benwu hol knóón béléen.”

Job 2:9

Yó mon yehen Job mò ke Job, “Tolohi hgulit bè Dwata he kô? Henmulaem Dwata dé anì géhéli matay.”

Deng Hegfan 13:8

Tódô kdéen tau te tonok gotu hemtahu béléen yóm ógóf lóbô yó. Són olo là hemtahu béléen, són yó kem tau deng gsulat boluy le bè yóm bok lowil, yóm kun bok yóm Ngà Ubiha tehe hnatay le. Deng eles gotu snulaten ne boluy yó kem tau wen klowil laen dù sónen gu laanen là deng dmimun du yóm kentihen.

Job 1:11

Okóm ni, ke gotu nwahem yóm kdê nfunen, ngem kà angat mulék henmulaen kóm.”

Job 2:5

Okóm ni ke hensidekem lówó Job, ngem kà angat tey sidek kehmulaen kóm.”