2 Kurin 13:3 - Udél Dwata: Gna Kesfasad ne Lomi Kesfasad

³ Wen ilô hnebel ye kun mò gónó ye dmilô du yóm khudél Krays dou. Angat ton ye he yóm hnebel ye yó bè yóm ktafaku kuy. Angat gnóm ye yóm tey klóbô Krays. Angat hegfanen lem blóng ye yóm tey kfasangen.

2 Kurin 13:3 Referans Kwoze

Matyu 10:20

Abay se là kô kuy udél du yóm angat mon ye, okóm udél hmonen kuy yóm kun Tulus yóm Mà tekuy bè longit.

2 Kurin 12:12

Yó se gónó ye milô du ou se sotu tahu hógów Dwata, duhen yó kem dê hentaw ton hmoen dou lem blóng ye, mung du yóm tey kganag nawahu.

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

2 Kurin 10:4

Yóm ngom sfatay nwit me se kum, là kóen lemwót bè kgis tau te tonok. Okóm tódô lemwót bè kun kfasang Dwata, yó gónó me mseng du yóm kul ktolok. Bè yóm gel kwit le kum skaf mon, botong là bud gbek le malà kum.

2 Kurin 2:10

Ke deng hnifót ye salà yóm tau yó, hnifótu snéen do. Bè yóm kehlifótu du, ke wen tô hnifótu se dou, tódô nmou bè solu Krays anì bud baling hyu lem blóng ye.

2 Kurin 2:6

Tey dê bélê ye deng gbót tmafak du yóm tau yó. Geblaen yó ne.

1 Kurin 7:40

Bede bè dou kehedem du, tey bong hyu béléen he yóm libun bolu yó ke béen dog bud myehen. Bè kegnómu du nim monu mò kuy ni, denge galak bè yóm Tulus Dwata se dou.

2 Kurin 9:8

Ne bè yóm gel blay Dwata ebélê tekuy, sal gel nmoen lukasen anì tódô ket du bè yóm wen mu tekuy du, ne anì hol wen gónó tekuy ma mò tóbóng tekuy kem dumu tekuy tau.

2 Kurin 10:1

Ou se Pol yóm mudél ebélê ye ni. Deng gungolu wen se bélê ye mon du kun, “Tey yóm Pol, gel mudél hdana ke nô bè ni. Kulel kehwiten udél des ke nô bè benwu mayuk.” Okóm bè nim gna udél hwitu ebélê ye ni, là desen, mom hlanu bè yóm tey kganag nawa Krays.