2 Kurin 13:1 - Udél Dwata: Gna Kesfasad ne Lomi Kesfasad

¹ Ni se getluhu dulék tô mauy kuy. Ke angat wen hkukum ye dou, tódô lolou yóm tehe hsulat Dwata, yóm monen, “Song hentahuhem yóm duón le yóm sotu tau ke wen lewu duhen ke tlu tau yóm fen gemtanud du.”Yu kem tau deng tehe gel mò sidek ekni, ne yó kem dumu tau bè yó, ni wen eles tulónu kuy. Deng tehe eles tulónu kuy ekni bè yóm gewuhu dulék bud mauy kuy, bede bud nulitu bélê ye nim ni gu laan tekuy là deng bud ston. Yó udélu bélê ye, bè yóm bud kkólu bè yó, laen kô dù tau mò sidek ke là angat tnafaku du.

2 Kurin 13:1 Referans Kwoze

Matyu 18:16

Okóm ke là hnungolen kóm, miti sotu duhen ke lewu tau mò dumuhem bè yóm bud kógówem ebéléen anì gloloem yóm deng monen bè Sulat Dwata, yóm monen, ‘Ke wen gónóm tmifù dumum tau, hyu ke wen lewu duhen ke tlu tau mò fen hmungol du yóm monem.’

Dwata 19:15

Bê ye tagad hensalà yóm tau ke tek sotu tau gemtanud du. Hyu ke lewu duhen ke tlu mò gemtanud du ke tahu se yóm salaen.

2 Kurin 12:14

Móyón bud nauyu yu ne, ni se getluhu dulék bud mauy kuy. Balù nim bud kógówu ni, là kóe na a hlowil bélê ye, abay se là kô filak du hendufu bélê ye. Yó dé hendufu ke gotu nawa ye dou, abay se lómón ke hol ngau yu. Là kô kem ngà du se yóm wen eles tgama le kem tuha le, mom yó ne kem tuha wen eles tgama le yó kem ngà le.

1 Bok Kem Tau Hol Geta 21:10

Omin ye mebel lewu tau gel mò sidek mò kmamo du igoen myón bè yó. Yó klamo le du mon le, deng henmulà Nabot Dwata homongen lemen yóm tau hol geta. Omin ye mit ke Nabot hewà ne hnatay sentudà ye botu.”

1 Bok Kem Tau Hol Geta 21:13

Ominen wen lewu tau gel mò sidek sut, ne myón le bè solu Nabot. Yó nmò le, klamo le bè yó bè gónón wen, klamo le yóm deng kehmulaen ke Dwata ne homongen lemen yóm tau hol geta. Duhen yó, nwit le ebè lewà yóm syudad le ne hnatay sentudà le botu.

1 Bok Kem Tau Hol Geta 1:14

Ne yó bud mon Natan, “Yóm igoem tolo stulón du, tódóe sut bè yó se dou mò hem-el du kdê yó kem deng monem.”