2 Kurin 12:2 - Udél Dwata: Gna Kesfasad ne Lomi Kesfasad

² Bè yóm deng sfolò fat halayen ni ne, wen sotu tau hemtahu bè Krays tngónu. Tódô wen mit du eta bè yóm longit hol geta bè kdéen. Bede là tngónu du tum mógów tu ke tahu lówóhen duhen ke olo tódô hton Dwata. Tek són Dwata temngón du.

2 Kurin 12:2 Referans Kwoze

Kul Nmò 22:17

“Bè yóm deng bud kuléku ebè Jirusalim,” mon Pol, “sotu kdaw mnihe lem Gónô Dwata. Bè yóm igou mni, tódô hegfan béléu Jisas, yóm hol gónó mogot.

Deng Hegfan 4:2

Ne tódô sen-gengen se nô béléu yóm Tulus Dwata. Ne tódô tonu se bè yó bè longit yóm bangkù gónón myón yóm fen kmamal, ne tonu se yóm myón tahen.

1 Tisalunika 4:17

Omin tekuy yó he kem tau tolo mowil bè yóm kdaw yó, gotu tekuy slomong bélê le megkay etta bè lobun anì gotu senlong tekuy yóm gónó tekuy mogot ditu te kmawang. Ne nbuten bè yó ne laen kô dù sónen yóm knô tekuy bè yóm gónó te mogot.

2 Kurin 11:11

Là kô yó du gónóhu mon du nim ni ke udì nawahu kuy. Tódô tngón Dwata se yóm tey kbong nawahu kuy.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

1 Bok Kem Tau Hol Geta 18:12

Okóm ke budi kendel lemwót bè ni, déke wen gónón e mit kóm yóm Tulus Dwata ebè yóm benwu là wen temngón du. Ne ke sut Ahab ne ke là tonen kóm, umuen ou fen hnatayen. Blaem kóm nim ou, nbut bè hanà kudiu yóm kimónu ke Dwata.

Deng Hegfan 12:5

Tahu se, sut yóm ngà, uma kóm logi. Yó se yóm ngà mò angat kmamal yóm klamangen. Angat tey mbegel kogoten kukum, hol lómón ktétélen bala tók. Bede bè ksut yóm ngà yó, tódô wen kendel semkot du etu bè solu Dwata bè yóm gónón myón kmamal.

1 Bok Kem Tau Hol Geta 8:27

Okóm gbek Dwata kô nô dini talak tonok? Hol mou kun ne, anì sem hol longit geta, là kóen kóyów du. Sélétem mom ni nem Gónô Dwata hdau nii tô gónón kóyów.

Hibru 9:24

Yóm gónô Dwata gónó Krays husek yó, sundu gónô nmò tdok tau du, olo hningónen yóm tahu duhen bè longit. Okóm deng kól ditu ne bè longit Krays. Deng mdà bè solu Dwata, abay se du fen semblóng tekuy ebéléen.

Ifisus 4:10

Ne yóm tehe lemwót gu tta, bud du se yóm bud haway etta bè tum hol gónón geta sentu longit. Yó gónóm mon, tódô klamangen ne gónóhen nô.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Glasya 1:22

Uma kóm bè yóm kdaw yó, là kô me deng setngón he yó kem tau hemtahu bè prubinsya Judiya.

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

Sulat Pol Ebè Yó Kem Tau Hemtahu Bè Rom 16:7

Tulón ye do ke Andrunikus ne Juniyas yóm gel kólómu kul. Lu se hol dumuhu Ju. Tehe le mung geblanggù béléu ekni. Gna le se kul he hemtahu bè Krays, hulihe dou. Tey któtól boluy le lem blóng yó kem sfolò lewu deng nélék Jisas mò gel hógówen.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

Kul Nmò 14:6

Bè yóm kungol le Pol du yóm yó, kendel le mlóy ebè syudad Listra ne bè Dérbi, kem benwu bè prubinsya Likunya, ne ebè yó kem dumu benwu hmilol du.

Kun Snulat Jan 6:56

Yó se tau mken yóm dou lówó ne minum yóm dou litô, senflósen nô béléu, ne senflósu se nô béléen.

Kun Snulat Luk 24:51

Bè yóm igoen mni yó, tódô ganag hesò lem blóng le, ne haway ebè longit.

Kem Lingón 148:4

Bud yóm hol són longit tofi ta, ne yó kem tey él nô tahen, hol gel dóyón ye Dwata se kuy.

Deng Hegfan 1:10

Bè yóm sotu Akad, tódô sut béléu yóm Tulus Dwata, ne tódô gungolu se yóm tey mudél te kwangu, hol lómón ke uni féw bong.

2 Kurin 13:5

Yake hol henklol ye dé yóm kuy kmò ktau ke deng ye tahu hemtahu. Deng tahu nô bélê ye kô Jisas Krays? Ke là nóen bélê ye, kéng ye yóm kehtahu ye.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

2 Bok Kem Tau Hol Geta 2:16

Yó mon le mò ke Ilaysa, “Ngem, mi se kem tau tóbóng lówóhem, wen limu folò bélê me alì kemgis. Ke móyói, hfebel te kul yóm amohem, déke deng nit Tulus Dwata hlayuk, ne déke deng wen bulul duhen ke datal deng gónón tmebel du.” Bnalà Ilaysa se, monen, “Bê. Béem hógów lu.”

Dwata 10:14

Ngem yóm longit hol geta ke Dwata funen. Ne bud kun snéen yóm tonok ne yóm kentihen nô tahen.

Sulat Pol Ebè Yó Kem Tau Hemtahu Bè Rom 16:3

Hol hgefet ye do bè le Akila ne Prisila yóm là keklifótu kul. Lu se tehe dumuhu gel mò nmò bè Krays Jisas.

Sulat Pol Ebè Yó Kem Tau Hemtahu Bè Rom 16:9

Ne bud bè Urbanus, yóm sotu dumu tekuy mò nmò bè Krays. Ne bud bè Stakis snéen, yóm sotu dumuhu sogot nawa.

Sulat Pol Ebè Yó Kem Tau Hemtahu Bè Rom 16:10

Ne hol hgefet ye do bè Apilis yóm gel kehedemu du se kun. Deng tey gfan yóm là kili nawahen lemolò ke Krays nim tau ni. Senged se bè Aristabulus ne kem kun fes lówó, hgefet ye do ebélê le yóm gel kólómu kul.

Hibru 4:14

Duhen yó, hol hbegel tekuy yóm kehtahu tekuy. Yakà wen yóm tey hyu fen semblóng tekuy ebè Dwata, deng gna kól ditu ne bè soluhen. Du se Jisas, yóm Ngà Dwata.