2 Kurin 12:1 - Udél Dwata: Gna Kesfasad ne Lomi Kesfasad

¹ Ni mò sfu yóm tô kudélu heklabak, balù yóm klaen dù hol muhen. Tulónu kuy yóm deng tódô hegfanen béléu yóm gónó tekuy mogot.

2 Kurin 12:1 Referans Kwoze

Glasya 1:12

ne laen se kô dù tau tmolok du dou. Okóm tódô Jisas Krays yóm hol hetngón du dou.

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

2 Kurin 12:7

Okóm kogol tu kem tey dê tonu tu koni, wen tey tenduk hegnóm Dwata do anì là nitu du hegmón yóm dê deng htonen do. Ya tey sidek kegnómu du yóm tenduku yó, lómón ke wen dók Seitan tendo tembek do. Yó muhen anì là balinge tau hegmón du.

Glasya 2:2

Yó gónóhu mógów lan Dwata hegfan béléu. Yóm kkól me ditu, gotu le stifun yó kem tau malak yó kem tau hemtahu bè yó, laen kô dù dumu tau gbool bélê me, són mi. Yó hol tulónu kul, duhen yóm Tulón Hyu gel hetngónu lem blóng yó kem tau là Ju le. Yó gónóhu mò du yóm yó, abay se là móyóe du ke laen dù gónón e kól yóm deng tehe nmou dalang se yóm tolo nmou ni kmoen ni.

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.

2 Kurin 8:10

Ni se dou udél ebélê ye bè yóm keblay ye. Tey hyu ke henlós ye yóm deng nbut ye bè halay gna. Igoen yu se hol tanay tau semtifun filak mò blay, lelen yu he mbut du yóm kestóbóng yó.

1 Kurin 10:23

Gel mon yó kem dumu tau, mon le, “Gbek tekuy mò du kun balù kihu nóyô nmò tekuy.” Ya mo ktahuhen du yóm yó, okóm là kô kdéen du hyu bélê tekuy, duhen ke gónó tekuy gemtóbóng kem dumu tekuy bè kehtahu le.

Kul Nmò 23:11

Bè yóm kifu yó, tódô hegfan bè Pol Jisas, yóm gónóhen mogot. Mdà klohoken, monen mò du, “Hgelem nawahem, Pol. Deng tulónem o se bè ni bè Jirusalim. Senged se angat nmoem ditu bè Rom.”

Kul Nmò 18:9

Sotu kifu bè yó, tódô hegfan bè Pol Jisas ne mudél ebéléen, monen mò du, “Béi abay hlikò, Pol. Hol henlelem tmolok bè ni, béi abay htakasem.

Kun Snulat Jan 16:7

Okóm tódô tulónu kuy ktahuhen,” mon Jisas. “Tey hyu bélê ye nim kuléku ni. Ke là muléke, là kóen angat sut bélê ye yóm mò tmóbóng kuy. Okóm ke muléke, yó he khógówu du edini bélê ye.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

1 Kurin 6:12

Wen kun bè yó kem dumu tekuy hemtahu mon du, monen, “Kihu dou nóyô nmò gbeku mò du.” Yó balau du yóm tau yó, monu, “Tahu se yóm monem yó. Bede là kdéen du yóm hyu béléem.” Béléu dou, gbeku mò du nô kihu nóyô nmou, okóm yó sidek ke deng mom henlósu lemolò yó kem knóyóu efete mom gfét du.

Kun Snulat Jan 18:14

Ni se yóm Kyafas tehe mon du bè yó kem dumuhen Ju wen glalen, monen, “Mom hyu nawa ye ke sotu matay bélê ye olo ke tô matay yóm kdéen tau.”

Ifisus 3:3

Deng hegfan Dwata béléu ne nim atul tehe bunihen bè kem tau gnan ekni, ne deng hol heglileben béléu se. Ni se koni yóm deng snulatu, bede là tahaen.

1 Kurin 14:6

Duhen yó, kem dumuhu setwoli, tô gónóhu tmóbóng kuy du ke kóle lem blóng ye, ke són yó udélu ebélê ye, són yóm udél là tngón ye du? Laen kô dù muhen. Okóm wen gónóhu tmóbóng kuy ke wen tulónu kuy lemwót bè yóm deng hegfan Dwata béléu, duhen ke wen hetngónen dou, duhen ke wen heglileben dou, duhen ke wen dumu toloku kuy.

2 Kurin 12:5

Yó gónóm mon, ni se yóm tau hol saluu, okóm laen dù gónóhu smalù du yóm dou knô. Tek són yó alì tulónu, són yó kem gónóhu gel lunog.

2 Kurin 12:9

Okóm mom monen mò do, “Wen gónóhu gel tmóbóng kóm anì gbekem hembala du. Kaem yóm gónóm lunog yó, bè yó se gónón gfan yóm hol kfasangu tmóbóng kóm.” Duhen yó, tey kligalu du yó kem gónóhu gel lunog, abay se là kóen mkó béléu yóm kfasang Krays gel tmóbóng dou.

1 Tisalunika 4:15

Nim tolok me kuy ni, hono lemwót bè yóm kun tolok yóm gónó tekuy mogot. Bè yóm kdaw kkólen, là kô tekuy kendel gegna semlong yóm kdê tekuy tolo mowil ke là na le gotu mung tekuy yó kem tau deng tehe matay.