2 Kurin 11:4 - Udél Dwata: Gna Kesfasad ne Lomi Kesfasad

⁴ Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

2 Kurin 11:4 Referans Kwoze

1 Kurin 3:11

Yóm gónô hdà me yó, laen kô dù dumu tud blóngónen, tek sotu, duhen Jisas Krays.

1 Timuti 2:5

Yakà tek sotu du Dwata, ne tek sotu se yóm blóng tau ebè Dwata, duhen yóm tau boluyen Krays Jisas.

Glasya 3:2

Tulón ye do kun. Yó kô gónó Dwata bemlay du kuy yóm Tulusen lanen gulit klolò ye du yóm hlau Musis? Là kô yó du. Kaem yó dé gónó Dwata bemlay du kuy yóm Tulusen lemwót bè yóm deng kungol ye du yóm Tulón Hyu ne bè yóm deng kehtahu ye du.

Sulat Pol Ebè Yó Kem Tau Hemtahu Bè Rom 8:15

Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”

Kul Nmò 4:12

Duhen yó,” mon Pitér, “Tek són Jisas gembek lemwà tekuy gu lem hatay. Laen kô dù dumu tau talak tonok ke gónó Dwata hlan du yóm kegewà tekuy, tek són Jisas.”

Mark 7:9

Bud mon Jisas, “Tey ye hulung kembê du yóm hlau Dwata, alì mlom klolò ye du yóm kuy hlau lenbù nmò.

2 Kurin 2:12

Bè yóm kkólu bè syudad Truas na a tmulón du yóm Tulón Hyu gbak ebè Krays, deng sana wen lan nmò yóm gónó tekuy mogot anì nmou yóm hmoen dou bè yó.

2 Kurin 11:1

Hyu nawahu ke là tmakas ye hmungol du nim tulónu kuy ni, baluen ke lómón tóe kudél tau nungel. Okóm na ye na hol henbala kut dé.

1 Timuti 1:3

Yó hol nóyóu béléem ke nam na tódô henek nô bè Ifisus, hol lómón yóm tehe tulónu kóm ekni bè yóm tehe kewótu ebè Masdunya. Yakà wen yó kem dumu tau tmolok sekban bè yó. Hol bnólówem lu anì bê le abay henfu yóm ktolok le yó.