2 Kurin 11:3 - Udél Dwata: Gna Kesfasad ne Lomi Kesfasad

³ Okóm tey gel ktafa nawahu kuy. Tnafa nawahu kô gsukat ye bè yóm tolok sekban, ne baling knogol nawa ye Krays, kô là nóen béléen nawa ye. Déke mkél ye ke Ib, gsukat bè alì khulungen mangkal yóm Seitan bè yóm tehe kehlinguhen bè ulal.

2 Kurin 11:3 Referans Kwoze

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.

Glasya 1:6

Ya tey sidek ketngahu kuy. Là kóen deng legen yóm kehtahu ye, deng sana mom bud knogol ye Dwata igoen du deng tehe tmaba kuy ebéléen, hlanen bè yóm kun tóbóng Krays. Deng mom henmóyô ye yóm mon le sotu tulón hyu kun.

Ifisus 4:14

Ke deng tekuy gulit, là bud tekuy mkél bè knawa ngà ne, gel le mahil gmung. Lemwót bè kgulit tekuy, là mahil tekuy gmung bè yó kem tau tmolok sekban. Gel nit le hetlas yó kem tau lemwót bè yóm khulung le smukat.

Kulasi 2:4

Yó gónóhu mon du mò kuy nim ni koni anì duhe kóm, là gtondo ye bè yó kem tau alì hulung mudél, okóm kéng yóm gel tulón le.

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

1 Timuti 2:14

Là kô Adam du yóm tawan sukat, kaem yóm libun, ne du se yóm fen gmulé du yóm hlau Dwata kul.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

Tekang Kbuten 3:13

Ne snólók Dwata yóm libun, monen mò du, “Moen de ke nmoem nim ni?” Ne yó balaen du yóm libun, monen, “Yóm ulal fen smukat dou, yó sem gónóhu mken du.”

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

Glasya 3:1

Tey ye bakà, kem tau bè Glasya. Tau du de yóm deng gónó ye tawan? Igò me deng tehe hegtukul du bélê ye muhen yóm katay Jisas Krays bè kros.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

Tekang Kbuten 3:4

Ne bud mon yóm ulal bè yóm libun, “Là kô ye na a matay.

1 Jan 2:18

Ó kem ngà, deng móyónen gesón ne nim benwu ni. Deng eles gungol ye ne yóm ksut yóm hmohon ke Jisas. Balù nim kmoen ni, deng dê ne yóm sut hmohon du. Yó se mò ilô tekuy du yóm móyón kegesón nim benwu ni.

2 Pitér 3:17

Okóm kuy, kem weu, deng eles gel tngón ye yóm monu yó koni. Yó gónóm mon, hol ye eles htigel anì là gmung ye du yóm kéng gel tolok yó kem tau gel mò sidek yó. Ngem kà lanahen bélê ye yóm tahu duhen deng lolò ye ke tô nmung ye lu.

Glasya 4:11

Tey mónó nawahu kuy, kô mulék kafa yóm deng tehe toloku kuy.

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

2 Pitér 3:3

Ni hol tanay hegtulónu bè nawa ye. Ke móyón moni yóm hol són kdaw, wen tau sut lem blóng ye són lolò le kul knóyô lówó. Hnowon le yu,

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

1 Tisalunika 3:5

Yó gónóm mon, bè yóm là hol bud kegbalahu du yóm alì ksidek kónó nawahu kuy, yó se gónóhu hógów ke Timuti edyó mò gónów temngón du yóm mò kmò yóm kuy kehtahu. Mónó nawahu du yóm ksindil Seitan kuy, kô gmung ye du, ne kô mom baling kafa yóm tehe gel nmò me lem blóng ye.

Ifisus 6:24

Dwata he hol tmóbóng yóm kdéen tau là monol nawa le ebè yóm gónó tekuy mogot Jisas Krays.

Glasya 2:4

Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

Matyu 24:24

Abay se angat wen yó kem Misaya kéng sut, ne wen yó kem tau lembù tmugod ke Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Sulat Jud 1:4

Yó gónóhu mon du nim ni, abay se deng wen ne kem tau hegbool lem blóng tekuy, kem tau laen dù klikò le ke Dwata, ne là dengen gdilô bélê ye yóm kesekban le. Deng tô tenles le yóm tahu tolok gbak ebè yóm któbóng Dwata tau. Yó tolok le, là sideken kun ke mò tekuy samuk, abay se gbek Dwata hmifót du. Ne sotuhen, kenbê le Jisas Krays ke du yóm gónó tekuy mogot. Deng tehe eles hsulat Dwata ekni yóm ktafaken kul.

Taytus 1:10

Yakà dengen dê ne yóm tau là himónen ni kmoen ni. Hol nê yó kem dou dumu Ju deng hemtahu. Laen dù lemen yóm ktolok le, olo le smukat tau.

1 Timuti 1:3

Yó hol nóyóu béléem ke nam na tódô henek nô bè Ifisus, hol lómón yóm tehe tulónu kóm ekni bè yóm tehe kewótu ebè Masdunya. Yakà wen yó kem dumu tau tmolok sekban bè yó. Hol bnólówem lu anì bê le abay henfu yóm ktolok le yó.

Kulasi 2:18

Hol bê ye abay hnungol yó kem tau hegeta le knô le bélê ye, lemwót bè yó kem tódô gel hegfan bélê le kun. Lu se yó kem tau alì dmuil hlolò du kuy yóm keheglaan knô là tahuhen lan le gel tmaba ebè yó kem hógów Dwata nô bè longit. Yó kem tau yó, olo le beyen hegmón laen dù lem. Tódô lemwót bè kehedem tau te tonok yóm nmò le yó.

2 Kurin 11:29

Ke wen bélê le lunog kehtahuhen, kéng tô ou se gemnóm du. Ke wen tau hebtang le elem salà, ya tey sidek kegnómu du se dou.

Sulat Pol Ebè Yó Kem Tau Hemtahu Bè Rom 12:8

Ne ke yó blayen khulung semgduf kem dumu tau, hol nmoem sen. Ke yó blayen kóm yóm nawa masa, hol bnasahem kem dumum sen. Ke yó blayen kóm khulung malak yó kem dumuhem tau, holi tódô hteneb mò du sen. Ne ke yó kenhulung blay Dwata kóm mò gel tmóbóng yó kem élél, hol nmoem sen mung du kligalem.

Deng Hegfan 20:2

Tódô kenfóen yóm swaga, yóm sana ulal là sekna, duhen Seitan, yóm alì hulung dmelem yó kem tau hemtahu bè Dwata. Tódô nféten efet lemibu halay,

Kem Lingón 119:53

Ke gel tonu yóm kekbê le du yó kem hlauhem yó kem tau mò sidek, tey sidek kebutu kul.

Tekang Kbuten 3:1

Bè kdê yó kem gel nô lem bnes deng dlimun yóm sana Dwata hol gónó mogot, ulal yóm alì hulung smukat bélê le. Ne snólók yóm ulal yóm libun, monen, “Tahu kô deng mon Dwata mò kuy hol bê ye abay ken yó kem bungu koyu bè nim hungul ni?”

Tekang Kbuten 3:20

Ne yó boluy Adam du yóm libun yehenen, Ib, abay se du yê yóm kdéen tau mowil te tonok.

2 Kurin 11:20

Ngem yó dé botong kehbala ye, tódô kem nimón ye yóm tau gel mdók kuy. Baluen ke wen hni le bélê ye, tódô blay ye kul. Baluen ke gholot ye bélê le, duhen ke henwog le yu, duhen ke tenfê le yu, tódô kem henbala ye snéen.

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Deng Hegfan 12:15

Ne yó bud nmò yóm swaga yó koni, nan e hektes yóm libun yóm tey dunuk bong lemwót gu lem baken. Kóyóen ke tô konul du.