2 Kurin 11:1 - Udél Dwata: Gna Kesfasad ne Lomi Kesfasad

¹ Hyu nawahu ke là tmakas ye hmungol du nim tulónu kuy ni, baluen ke lómón tóe kudél tau nungel. Okóm na ye na hol henbala kut dé.

2 Kurin 11:1 Referans Kwoze

2 Kurin 11:4

Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

2 Kurin 11:21

Yó se gónó me myak bélê ye ni, abay se là mlos me mò du kum yóm kul nmò yó bè yóm tehe knô me lem blóng ye. Okóm ke sok wen gónó le heklabak yó kem tau yó, wen se gónóhu heklabak se dou. Hol kudél tau nungel nim kudélu ni.

2 Kurin 11:19

Lemwót bè yóm khulung ye hedem se kuy, gbek ye hembala du yóm tau nungel.

2 Kurin 5:13

Gel wen se bélê ye mon du kun, “Kaem deng hlós lengel mata le yóm le Pol.” Kunen dé, syan ke megdóyón Dwata bè yóm gel nmò me. Okóm bè ktahuhen, là kóen lengel mata me. Yó gónó me mò du nim nmò me ni mò lan me tmóbóng kuy.

Hibru 5:2

Yóm tau gel blóng le ebè Dwata yó, sal gel wen gónón lunog snéen kun. Yó gónóm mon, tey kganag nawahen bè yó kem dumuhen tau wen kul salà là gehedem le du.

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.

1 Kurin 4:10

Lemwót bè yóm klolò me ke Krays, gel boluy kem dumu tau kum, tau nungel. Okóm kuy kun, hono tau temngón lemwót bè yóm kessotu ye bè Krays. Gel mon le mò kum, tau laen dù genbek. Okóm kuy kun, wen genbek ye. Tey gel kehnê le kum, okóm fen gel nadat le yu kuy.

1 Kurin 4:8

Ilóem ofo kuy ke deng gsengel ne yóm kenhulung deng blay Dwata kuy. Ofo kuy kô ke laen dù gónó ye élél, ne ke deng ye baling tau hol geta? Okóm bélê me kum, là he. Tey hyu se ke tahu yóm kegeta ye yó anì gomong me bélê ye.

1 Kurin 3:18

Bê ye tnondo knô ye. Laen kô gónón e kól yóm tau snaligen yóm kun ketngón. Ke wen sotu bélê ye hendemen tey bong tngónen bè yóm ketngón tau te tonok, hol béen abay tódô dò yóm ketngónen yó. Mom hyu he yóm tau ke laen dù tngónen anì là gsengen ebéléen yóm tahu ketngón lemwót bè Dwata.

Kul Nmò 26:29

Bud mon Pol se, “Kihu ke kendeli hemtahu ni, duhen ke nan legen he, hol hnihu uu bè Dwata, Sér, senged se ni kem dumu tau hmungol do ni, anì mkél ye béléu bè yóm dou kehtahu bè Jisas, syan ke là gbunù ye du ni dum kfét le dou kdina ni.”

Kul Nmò 18:14

Hol deng tô mudél se Pol, hebkó se Galyu, monen mò yó kem Ju, “Ke yó nmò nim tau ni, ke wen sidek nmoen duhen ke nuléhen yóm udin bè benwu ni, là hyuhen ke là knukumu du bélê ye.

Matyu 17:17

Omin Jisas mudél, monen, “Yu kem tau kmoen ni, alì ye hemda. Gel sekban yóm kehedem ye. Deng tey kegenu ne nô lem blóng ye, ne deng tey kehlawihu nawahu bélê ye. Nitem edini kun yóm ngaem.” Tahu se, niten ebéléen.

2 Bok Kem Tau Hol Geta 5:3

Sotu kdaw, yó mon yóm ngà libun yó bè yóm amohen libun, “Ke yó dum mógów ebè yóm tugod Dwata nô bè Samarya yóm amohu, kaem hkóhen yóm des mifuen.”

Juswa 7:7

Yó udél Juswa ebè Dwata, monen, “Ó Dwata, uu se yóm hol dandónen geta. Moen du ke nwitem mi mifal yóm Él Jurdan? Ilóem tô blayem mi elem hólól yó kem tau Amurayt kô? Tô gotu genlaem mi kô? Yake tehe me tódô henek menwu ditu ne fatu Él Jurdan.

Lista 11:29

Bnalà Musis se, monen, “Fen tô nalihem kô yóm kwalisu tmugod ke Dwata? Hyu nawahu dou ke tódô gotu htulus Dwata yóm kdê tauhen anì gotu le baling tau tugod Dwata.”