2 Kurin 10:8 - Udél Dwata: Gna Kesfasad ne Lomi Kesfasad

⁸ Balù yóm deng tô kegedlug ktulónu du yóm kwen kwalis me lemwót bè yóm gónó tekuy mogot, laen kô gónóhu myak du se. Abay se nim kwalis me ni, yó muhen mò lan me hbegel kuy bè kehtahu ye. Là kô yó du muhen ke gónó me gembà kuy.

2 Kurin 10:8 Referans Kwoze

2 Kurin 13:10

Yó gónóhu gna hemwit sulat ebélê ye ni gu laan tekuy là deng bud ston anì laen dù gónóhu tmafak kuy soke kól dyó lem blóng ye. Yó hol muhen yóm kfasang blay Krays dou mò gónóhu tmóbóng kuy bè kehtahu ye. Sundu yó du muhen ke mò gónóhu hemsidek kuy.

2 Timuti 1:12

duhen nim gónóhu fen glayam ni. Okóm là kóen mili nawahu, abay se deng tngónu Dwata, yóm dou gentud nawa, ne deng tngónu se yóm kegbeken semgifà du yóm kdê deng sigangen tahu efet kól bè yóm kdaw angat kdau bè soluhen.

Glasya 1:1

Ou se Pol gónóhen lemwót nim sulat ni, yóm tau fen gel hógów Jisas Krays. Là kóen lemwót bè tau yóm gel kógówu ni, ne là kóen mlan bélê le snéen. Okóm tódô lemwót bè Jisas Krays lewu le Dwata, yóm Mà tekuy, yóm tehe hlowil ke Jisas.

2 Kurin 13:8

Ke tedeng nmò ye, là kô hegfan me du hkawang yóm kfasang blay Krays kum. Són gónó me hegfan du, són bè yó kem tau smonol du.

2 Kurin 12:6

Ke nawahu se dou smalù knô, là kóe tau nungel, abay se yóm tô tulónu, hono tahu. Okóm là kóe na a smalù knô. Kóyóu ke tódô lemwót bè yóm gel ton le béléu, ne yóm gel gungol le gu béléu gónóhu megsalù.

2 Kurin 1:24

Là kô nubug me kuy bè yóm kuy kehtahu. Kaem deng sana tngón me deng mbegel ne kehtahu ye. Okóm yó dé kóyô me ke wen lan me tmóbóng kuy anì hol temnù yóm kligal ye.

2 Kurin 7:14

Deng tehe gel dóyónu yu béléen snéen dou ekni, ne tahu se, bud tonen bélê ye se kun. Hono tahu se yóm tehe gel tulón me kuy ekni, ne hol lómón yó se yóm deng tulónu ke Taytus, hono tahu.

2 Kurin 7:4

Tey deng mgel nawahu du yóm kehtahu ye, botong gel dóyónu yu bè kem dumu tau. Baluen he ke wen gónó me gel glayam, sana tey kgel nawahu. Là kô gbeku hmingón du yóm tey kligalu.

2 Kurin 10:4

Yóm ngom sfatay nwit me se kum, là kóen lemwót bè kgis tau te tonok. Okóm tódô lemwót bè kun kfasang Dwata, yó gónó me mseng du yóm kul ktolok. Bè yóm gel kwit le kum skaf mon, botong là bud gbek le malà kum.

2 Kurin 10:9

Bê ye hendem ke yó muhen yóm sulatu ebélê ye ke hewóhu kuy.

2 Kurin 12:19

Déke yó hendem ye, yó muhu mudél du nim udélu ni mò balau yó kem tey dê udél etahu. Là kô yó du. Kaem yó dé muhen mò gónóhu gemtóbóng kuy, yu kem dumuhu sogot nawa. Krays se nim fen hudél do ni. Bè yóm kudélu du, hol lómón ke nóe bè solu Dwata.