2 Kurin 10:3 - Udél Dwata: Gna Kesfasad ne Lomi Kesfasad

³ Tahu se, tau me te tonok, okóm bè yóm kmò kwit me sfatay bè yó kem tolok sekban nwit le, là lemwóten bè kehedem tau te tonok.

2 Kurin 10:3 Referans Kwoze

2 Kurin 10:4

Yóm ngom sfatay nwit me se kum, là kóen lemwót bè kgis tau te tonok. Okóm tódô lemwót bè kun kfasang Dwata, yó gónó me mseng du yóm kul ktolok. Bè yóm gel kwit le kum skaf mon, botong là bud gbek le malà kum.

Glasya 2:20

Yó gónóm mon, là kô ou du ne nim mowil ni, kaem Krays, yóm nô béléu. Són yóm kehtahuhu tendo gentud nawahu abay se tey kbong nawan dou, gloken fen hamà béléu yóm kun klowil.

Sulat Pol Ebè Yó Kem Tau Hemtahu Bè Rom 8:13

Abay se ke henlel nmò ye yóm kuy knóyô, angat ye hlós elem hatay. Okóm ke hlan ye bè Tulus Dwata mò tmóbóng kuy kembê du yóm sidek anì là glolò ye du yóm knóyô lówó, angat wen kuy klowil laen dù sónen.

2 Timuti 4:7

Deng hotuhu són gelu mò du yóm deng hmò Dwata dou, lómón ke skuyahe mlóy, ne ni ne yóm deng kdengen, là kóe na a kemsil.

1 Timuti 1:18

Ó Timuti, uu se yóm ngau, ni wen hlolou kóm. Hentulónem nawa yóm tehe deng olu le kóm yó kem tau tugod Dwata ekni. Béem kó bè nawam nim ni mò temgel kóm bè yóm kmoem nmò bè Dwata.

Hibru 12:1

Yóm bélê tekuy, lómón tô deng gotu senibut le tekuy yó kem tau gnan yó ekni. Yó gónóm mon, hol kó tekuy yó kem gel hemseng yóm klolò te ke Dwata. Kó tekuy snéen yóm salà gónó tekuy gel gfét. Hol lómón yóm tau skuya mlóy, hotuhen són gelen anì gefet bè hol sónen.

Sulat Pol Ebè Yó Kem Tau Hemtahu Bè Rom 7:5

Yóm tehe kegen tekuy lemolò du yóm knóyô lówó tekuy, mom temnù yóm óyô tekuy mò du yóm sidek bè yóm deng ketngón tekuy yóm hlau, igò sem yó nefeten yóm nmò tekuy yó, hatay.

Sulat Pol Ebè Yó Kem Tau Hemtahu Bè Rom 8:4

Yó se yóm deng nmò Dwata anì gbek tekuy mò du yóm tedeng hloloen tekuy bè hlauhen. Yó gónó tekuy gembek lemolò du abay se là bud tekuy galak du ne yóm knóyô tekuy, deng tekuy galak bè yóm Tulus Dwata.

2 Kurin 1:17

Okóm là doge mom geslob bélê ye bè yóm kógówu yó. Ilóu se kóem kmon ye du deng mom bud megetles kehedemen. Ofo kuy mon du ke mkéle bè yó kem tau són lolò le kul knóyô. Baluen ke mon le nii tô nmò le, okóm bud tólóng nô lem hendem le.