2 Kurin 1:8 - Udél Dwata: Gna Kesfasad ne Lomi Kesfasad

⁸ Wen bud hegtulón me bè nawa ye, kem dumu me setwoli, yóm tehe alì kehlayam le kum yó kem tau bè prubinsya Asya. Laen kem ofolem hmingón du yóm alì ksidek kegnóm me du bè yóm kdaw yó, ofo kum ke là bud me mowil.

2 Kurin 1:8 Referans Kwoze

1 Kurin 15:32

Deng tey keglayamu bè nim knóu bè Ifisus. Yó kem tau hmohon dou bè ni, hol lómón tô le knawa ógóf lóbô gu lem bnes. Tedu muhu alì hbala bè ni du ke là se angat bud hlowil Dwata do hulin kdaw? Ke là se angat bud hlowil Dwata dou, mom hyu ke tódô lolou yóm gel mon dumu tau, yóm gel mon le, “Eles tnana kuy hol segwas mken ne minum, déke matay tekuy kehaya.”

1 Kurin 4:8

Ilóem ofo kuy ke deng gsengel ne yóm kenhulung deng blay Dwata kuy. Ofo kuy kô ke laen dù gónó ye élél, ne ke deng ye baling tau hol geta? Okóm bélê me kum, là he. Tey hyu se ke tahu yóm kegeta ye yó anì gomong me bélê ye.

1 Kurin 16:9

Tey dê tau bè ni móyô hmungol du yóm udél Dwata, ne tey wen gónón e kól yóm knóu bélê le, balù yóm tey dê tau tô hemseng du yóm nmou.

1 Samwél 27:1

Okóm ke Dabid, yó hendemen, “Angat wen kdawen hnatay Sol ou. Mom hyu ke mlóye etu bè benwu kem Flistin. Ke ni nmou là bud hnebel Sol dou bè ni bè benwu Israél. Laen dù hemenu ditu.”

1 Samwél 20:3

Ominen wen safà mget nmò Dabid bè Junatan, monen, “Tngón maem yóm tey klinggel keswè te, kaem yó mon nawan, ‘Là kô tulónu du ke Junatan nim ni, déke sidek kegnómen du.’ Okóm tulónu kóm ktahuhen, smafae béléem ne gungol yóm Dwata là matayen, denge tey moni ne bè hatay.”

Kul Nmò 2:9

Wen se bélê me lemwót bè benwu Partiya, ne wen se lemwót bè Midya, ne wen se bè Ilam. Wen se bélê me lemwót bè Misuputamya ne Judiya ne Kapadusya ne Pontus ne Asya.

Kul Nmò 16:6

Bè yóm kógów le Pol, tódô lengeb le prubinsya Frigya ne Glasya. Tô le móyô hlós mool ebè prubinsya Asya, okóm là bayaen kul yóm Tulus Dwata.

Sulat Pol Ebè Yó Kem Tau Hemtahu Bè Rom 1:13

Là klifót ye du kô, kem dumuhu setwoli, deng hilu duléku ne móló mógów edyó bélê ye, okóm wen gel hemseng dou. Móyóe ke tmoloke lem blóng ye anì wen bélê ye hemtahu snéen, lómón yóm kul kehtahu yó kem dumu tau là Ju le tehe gónóhu gel tmolok.

2 Kurin 1:9

Hol lómón kegnóm me du, lómón ke deng hto yóm buteng me matay. Okóm yó gónón lómón yó keglayam me anì là bud snalig me du yóm kum knô, anì són Dwata yóm hol snalig me, yóm gembek hlowil du yóm tau deng matay.

2 Kurin 6:9

Laen kô dù boluy me bè kem dumu tau, okóm bong me tótól bè kem dumu. Ne udì duen gónó me là gel matay, okóm ton ye se, ni mi, tolo me mowil. Gel wen se tau hemsidek kum, bede là se henlós hnatay le kum.

Kul Nmò 19:41

Kogol yóm kudélen yó, ominen gotu hulék kul yó kem tau sbung bè yó.