2 Kurin 1:6 - Udél Dwata: Gna Kesfasad ne Lomi Kesfasad

⁶ Ke wen gónó me glayam, kem kunen ne yó, abay se bè yó gónó me gel tmóbóng kuy, ne mò gónó ye gmuta du yóm klowil laen dù sónen. Ne ke wen gónó Dwata tmóbóng kum, yó se gónó me hulung tmóbóng kuy anì gbek ye hol hembala du yó kem gónó ye gel glayam, yóm keglayam hol senged bè yóm kum gónó gel glayam.

2 Kurin 1:6 Referans Kwoze

2 Timuti 2:10

Kem kunen ne, kihu kem kmò le dou, syan ke gtóbóngu yó kem tau deng nélék Dwata anì gewà le gu lem hatay se kul lan le hemtahu bè Krays Jisas, ne anì guta le yóm klowil laen dù sónen.

2 Kurin 1:4

Nô kihu gónó tekuy glayam, tey gel któbóngen tekuy anì yó, hulung tekuy tmóbóng yó kem dumu tekuy hulin kdaw ke wen gónó le glayam se kul. Lómón yóm tehe któbóng Dwata tekuy, bud lómón yó se khulung tekuy tmóbóng yó kem dumu tekuy.

Flipay 1:19

abay se tngónu angate gewà lan ye gel mutóm do bè kni ye, ne lan yóm Tulus Jisas Krays gel tmóbóng dou.

Ifisus 3:13

Duhen yó, hol bê ye mom kenblat nawa nim fen keglayamu bélê ye ni. Hono bè kuy kehyu se ni kem ni.

2 Kurin 5:5

Deng eles hetngón Dwata tekuy yóm angat ketlesen yóm lówó tekuy, ne deng blayen tekuy yóm Tulusen mò ilô yóm angat kdohò kguta tekuy du yóm kdê deng hentifesen bélê tekuy.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

2 Kurin 12:15

Baluen ke gotu blayu kuy kdéen gónóhu wen, tey bong he kligalu du. Ne baluen ke hotuhu són gelu tmóbóng kuy, mom hyu he nawahu du. Tey bong se yóm dou nawa kuy. Fen yó kô balà ye du yóm tey kudì nawa ye do?

Kul Nmò 21:5

Okóm timbow deng hto yóm buteng me lemwót, tódô me bud lemwót. Glok le gotu mung kum ebè kilil mohin yó kem tau hemtahu bè yó, balù yó kem tuha libun le ne yó kem ngà le. Ne gotu me mtud bukol bè kilil mohin, mni me bè Dwata.

Ifisus 3:1

Yó gónóm mon, tey gel knihu bélê ye bè Dwata. Ou se Pol, yóm tau geblanggù lanu gel lemolò ke Krays Jisas, ne lanu gel tmolok lem blóng ye yu kem tau là Ju le.