2 Kurin 1:3 - Udél Dwata: Gna Kesfasad ne Lomi Kesfasad

³ Hol tendo dóyón tekuy dé Dwata. Du se hol Dwata yóm gónó tekuy mogot Jisas Krays, ne bud du snéen yóm hol kun Mà. Nim Dwata monu ni, du se yóm Mà tekuy alì hulung kmodu, ne yóm Dwata tekuy alì hulung tmóbóng.

2 Kurin 1:3 Referans Kwoze

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Mika 7:18

Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Flipay 2:11

Ne kdê le se angat gotu mon du, “Jisas Krays se yóm hol gónó mogot bè klamangen.” Ne bè yóm kmon le du yóm yó, yó se gónó Dwata yóm Mà tekuy hol megdóyón.

Ifisus 1:17

Gele mni bè yóm Dwata alì mfasang, yóm mà Jisas Krays yóm gónó tekuy mogot. Gel hnihu béléen anì blayen kuy yóm kun Tulus mò gónó ye baling hulung hedem, ne mò hegfan du bélê ye yóm kun kmò Dwata anì hol temnù ketngón ye du.

2 Jan 1:9

Ke wen tau là gmulit du yóm kun tolok Krays, ne deng mom wen gel tnuen du, là kóen nô béléen Dwata yóm tau yó. Okóm ke tendo nuliten yóm kun tolok Krays, deng nô béléen ne yóm Mà tekuy lewu le yóm Ngaen.

Danyél 9:9

Okóm uu se yóm sana kum Dwata hol gónó mogot, teyi kmodu ne mahili hmifót balù yóm deng gel katù me kóm.

Danyél 4:34

Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

2 Kurin 11:31

Tngón Dwata ke kéngu nim deng tulónu kuy ni. Du se hol Dwata yóm gónó tekuy mogot Jisas Krays, ne bud Maen snéen. Tey laen sónen yóm kdóyónu ke Dwata.

Kem Lingón 72:19

Hol bê tekuy lensón yóm kdóyón tekuy du, abay se tey minggel boluyen. Yake gfan bè klamangen benwu yóm tey klinggelen. Dwata he hol dmohò du nim ni!

Kem Lingón 18:46

Mowil yóm Dwata. Dóyónu yóm gónóhu heklung alì mbegel. Hegetahu yóm dou Dwata yóm Dwata gel lemwà dou.

Nihimaya 9:5

Ominen bud wen bè yó kem sfu Libay fen mbut du yóm ktaba le ebè Dwata, duhen le Jéswa ne Kadmiyél ne Bani ne Hasabniya ne Siribiya ne Hodiya ne Sibaniya ne Pitahiya. Yó udél le, “Gotu tekuy mdà. Hol dóyón tekuy yóm sana kut Dwata hol gónó mogot. Yóm kun klowil laen dù buten ne laen se dù sónen. Hol dóyón tekuy yóm tey klinggel yóm kun boluy. Là kô gbek tekuy hmingón du yóm tey kegetahen.”

2 Jan 1:4

Tey kligalu bè yóm kungolu du deng wen bè yó kem ngaem deng gel mimón du yóm ktahuhen. Ni se deng hloloen tekuy yóm Mà tekuy.

Kun Snulat Jan 10:30

Tódô me ssotu Mà.”

Tekang Kbuten 14:20

Hol megdóyón he yóm Dwata hol geta bè kdéen, yóm deng hatù kóm bè yó kem hohonem.” Omin Abram bemlay du ke Mélkésédék yóm gesfolò yó kem kimu deng bud niten mulék, yóm deng negef yóm fat kem tau hol geta.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Job 1:21

Yó monen, “Bè yóm tehe ksutu gu bè yê, tódóe hlówó ne bè yóm angat katayu bude tódô hlówó snéen. Deng gotu blay Dwata do yóm kdéen deng nfunu ne ni deng gotu bud nwahen. Yake hol megdóyón yóm kun boluy.”

1 Tutul Israél 29:10

Omin Dabid dmóyón ke Dwata lem blóng yó kem tau deng stifun ebè yó, yó monen, “Ó Dwata yóm Dwata yóm fù me Israél, hol laen dù tul sónen he yóm tendo kdóyón me kóm.

Kem Lingón 68:35

Tey knikò yóm Dwata nô lem yóm kun Gónô, yóm Dwata yó kem tau Israél. Du se bemlay kfasang ne kgis bè yó kem tauhen. Hol megdóyón yóm Dwata.

2 Kurin 7:6

Okóm yóm Dwata, tey hulung hemyu nawa yóm tau sidek keblat nawahen. Yó se gónón hemyu nawa me se kum bè yóm kkól Taytus.

Kulasi 1:3

Bè ket yóm gel kni me bélê ye, tey gel kdóyón me ke Dwata yóm Mà yóm gónó tekuy mogot Jisas Krays.