2 Kurin 1:2 - Udél Dwata: Gna Kesfasad ne Lomi Kesfasad

² Dwata he, yóm Mà tekuy, dalang se yóm gónó tekuy mogot Jisas Krays tendo tmóbóng kuy ne tendo henek nawa ye.

2 Kurin 1:2 Referans Kwoze

Sulat Pol Ebè Yó Kem Tau Hemtahu Bè Rom 1:7

Ne duhen yó, smulate ebélê ye, yu kem kun kenbong nawa Dwata bè Rom. Deng tnabahen yu mò hol kun tau. Yó hem Dwata, yóm Mà tekuy, ne Jisas Krays yóm gónó tekuy mogot, hol tendo tmóbóng kuy ne tendo henek nawa ye.

Flipay 1:2

Yó hem Dwata yóm Mà tekuy, dalang se yóm gónó tekuy mogot Jisas Krays tendo tmóbóng kuy ne tendo henek nawa ye.

Ifisus 6:23

Yó hem Dwata, yóm Mà tekuy, ne yóm gónó tekuy mogot Jisas Krays hol bemlay kuy yóm kenek nawa ne yóm kesbong nawa, ne hol hembegel du yóm kehtahu ye.

Filimun 1:3

Yó hem Dwata, yóm Mà tekuy, dalang se yóm gónó tekuy mogot Jisas Krays hol tendo tmóbóng kóm ne tendo henek nawahem.

Kulasi 1:2

Smulat me ebélê ye yu kem tau Dwata bè Kulasi, kem tau dumu me setwoli gulit bè kehtahu, kem tau deng ssotu bè Krays. Yó hem Dwata yóm Mà tekuy, tendo tmóbóng kuy ne tendo henek nawa ye.

2 Tisalunika 1:2

Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kuy ne tendo henek nawa ye.

1 Tisalunika 1:1

Ou se Pol gónóhen lemwót nim sulat ni, tlu me Silas ne Timuti. Smulat me ebélê ye, yu kem tau hemtahu bè yó bè Tisalunika, yó kem tau deng nfun Dwata yóm Mà tekuy, dalang se yóm gónó tekuy mogot Jisas Krays. Yó hem Dwata tendo tmóbóng kuy ne tendo henek nawa ye.

Glasya 6:16

Yó kem tau lemolò du yóm monu yó koni, Dwata he hol tendo henek nawa le ne hol kmodu kul. Là olon lu du, yake gotu le gomong lemen snéen kul kdê yó kem kun tau Dwata.

1 Kurin 1:3

Yó hem Dwata yóm Mà tekuy, ne yóm gónó tekuy mogot Jisas Krays hol tendo tmóbóng kuy ne tendo henek nawa ye.

2 Samwél 15:20

Lomi ye kól bè ni se kuy, ne tô ye mung do tabag? Nim kógówu ni, là kô tngónu du gónów e mógów. Muléki, nwitem yó kem dumuhem. Dwata he hol hegfan du bélê ye yóm kbong nawahen kuy ne yóm là konol nawahen ebélê ye.”

Danyél 4:1

Bud wen sulat hwit Nibukadnisar ebè yóm kdéen tau bè klamangen benwu, balù kihu gónó le gu semfu ne balù kihu benwu gónó le gu lemwót ne balù kihu kay udél le, monen, “Yó hol kóyóu bélê ye ke wen kenek nawa ye ne ke hyu kógów klowil ye.

2 Kurin 1:3

Hol tendo dóyón tekuy dé Dwata. Du se hol Dwata yóm gónó tekuy mogot Jisas Krays, ne bud du snéen yóm hol kun Mà. Nim Dwata monu ni, du se yóm Mà tekuy alì hulung kmodu, ne yóm Dwata tekuy alì hulung tmóbóng.