2 Kurin 1:19 - Udél Dwata: Gna Kesfasad ne Lomi Kesfasad

¹⁹ Abay se bè yóm tehe ktolok me lem blóng ye, tlu me Silas ne Timuti, gel tulón me kuy Jisas Krays yóm Ngà Dwata. Yóm Jisas Krays, sok wen monen, sal dnohoen, là bud senfilihen du. Tódô henlelen mò du yóm nóyô Dwata.

2 Kurin 1:19 Referans Kwoze

Hibru 13:8

Yóm Jisas Krays, là kóen megetles, lemwót bè kbuten efet kól bè sónen.

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

2 Jan 1:9

Ke wen tau là gmulit du yóm kun tolok Krays, ne deng mom wen gel tnuen du, là kóen nô béléen Dwata yóm tau yó. Okóm ke tendo nuliten yóm kun tolok Krays, deng nô béléen ne yóm Mà tekuy lewu le yóm Ngaen.

Deng Hegfan 2:18

“Budi smulat do ebè yóm fen gel malak yó kem tau hemtahu bè Tiyatira, monem mò du, ni se udélen ebélê ye yóm Ngà Dwata, yóm lómón ke dilóf ofi lem matahen, ne yóm tihen lómón keslinangen yóm blówón.” Yó monen,

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Deng Hegfan 1:8

Ni se udél Dwata, yóm gónó tekuy mogot, yóm laen dù là gbeken du, monen, “Ou se yóm hol buten ne bud ou se hol sónen.” Ni se udél yóm sana Dwata tenbut bè kbuten efet ni nem kmoen ni, ne du se yóm móyón bud sut.

Kul Nmò 18:5

Timbow gdek le Silas lewu le Timuti gu bè prubinsya Masdunya, són yó ne nmò Pol, són hetngón bè yó kem Ju yóm tulón nwiten, duhen Jisas se yóm Misaya.

Deng Hegfan 1:11

Yó utóm tum udélen, monen, “Gotu snulatem yóm angat tonem, ne gotu hwitem ebè yó kem tau hemtahu bè yó kem hitu syudad nii: bè Ifisus ne ebè Smirna, ne ebè Pirgamum ne ebè Tiyatira, ebè Sardis ne ebè Filadélfya, ne ebè Ludisya.”

1 Jan 1:3

Yóm deng ton me ne yóm deng gungol me béléen, yó se heglalag me bélê ye anì tilob kesfulung tekuy ebè yóm Mà tekuy bè longit ne ebè Jisas Krays yóm Ngaen.

2 Pitér 1:17

Tehe me nô béléen bè yó bè yóm tehe kdóyón Dwata du, yóm Maen, ne yóm tey kehegetahen du. Tódô gungol me udél Dwata, yóm hol geta bè kdéen. Yó monen, “Ni se Ngau hol gónóhen nô nawahu. Bong hyu nawahu du.”

Hibru 1:11

Angat wen són le yó kem yó, fen là yó dum kóm. Hol lómón kmoem kul, hol lómón yóm nes bolok.

Kul Nmò 15:22

Tahu se, tódô gotu senkotuk yó kem tehe hógów Jisas yóm mon Jim yó, dalang se yó kem tuha gel malak bè yó, kkólen bè kdéen tau hemtahu bè Jisas bè yóm benwu yó. Gloken wen lewu tau nélék le mò mung kul le Pol ne Barnabas ebè Antyok, hono kem tau nadat yó kem dumu le hemtahu bè yó. Yó nélék le Judas, yóm gel bnoluy le Barsabas, ne Silas.

Kul Nmò 9:20

Tódô kendel mógów ebè yó kem gónó le gel stifun yó kem Ju bè yó na a tmolok. Yó gel tulón Sol, Jisas se yóm hol Ngà Dwata.

Kul Nmò 8:36

Ngang le mógów efet le kól bè yóm gónón wen él, ne mon yóm tau genlal yó mò ke Filip, “Ni wen él, hyu kô ke hbabtayse kóm?”

Kun Snulat Jan 20:31

Ni gónóhu smulat du ni kem ni anì hentahu ye se kuy yóm Jisas, du se yóm Misaya, yóm hol Ngà Dwata. Lemwót bè yóm kehtahu ye du, yó se gónó ye gmuta yóm klowil laen dù sónen.

Kun Snulat Jan 19:7

Bnalà yó kem tau, mon le, “Wen hlau bélê me deng nuléhen nim tau ni, bè yó se gónón matay. Abay se deng bnoluyen knóen Ngà Dwata.”

Kun Snulat Jan 8:58

Ne mon Jisas se mò kul, “Tódô tulónu kuy ktahuhen, gu laan Abraham là deng sut, deng sana kem yó ne dou.”

Kun Snulat Jan 6:69

Deng me hemtahu béléem se kum. Tódô tngón me uu se yóm laen dù belenen lemwót gu bè Dwata.”

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Kun Snulat Jan 1:34

Ne tahu se,” mon Jan, “deng tonu. Tódô tulónu kuy, deng duhen Jisas se yóm hol Ngà Dwata.”

Kun Snulat Luk 1:35

Yó bud mon yóm hógów Dwata mò du, monen, “Angat sù Dwata béléem yóm Tulusen, ne yóm kfasang Dwata fen hemlan du béléem. Yó gónóm mon, mólós nim ngà angat sut ni, ne angat boluy le du Ngà Dwata.

Mark 1:1

Ni se yóm Tulón Hyu hol gbak ebè Jisas Krays, yóm hol kun Ngà Dwata.

Matyu 27:54

Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”

Matyu 27:40

mon le, “Uu kun tô gembà du yóm Gónô Dwata, ne tek tlu kdawem bud hdà du. Yó ne, lenwaem knóem kun ke tahu uu se yóm Ngà Dwata. Kmóhi elaan dé.”

Matyu 24:35

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Matyu 3:17

Ne ominen wen mudél gu bè longit, monen, “Ni se hol dou Ngà tendo gónón nô nawahu. Tey kligalu béléen.”

Kem Lingón 2:7

Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.

Kehewà 3:14

Mon Dwata se, “Yó monem mò kul, ‘Ou se yóm sana Dwata laen kô dù buten ne laen se kô dù tul sónen.’ Hol tulónem kul ou se yóm sana Dwata, yóm hógów kóm ebélê le ni.

Kun Snulat Jan 20:28

Mon Tumas se, “Tahu se. Uu se hol gónóhu mogot. Uu se hol dou Dwata.”

Matyu 4:3

Tódô sut béléen Seitan, ne monen mò du, “Ke tahu uu Ngà Dwata, henbalingem ken kun ni kem botu nii.”

Kul Nmò 16:1

Bè yóm kul kógów le Pol lewu le Silas, mlan le bè syudad Dérbi ne Listra. Ne bè yó bè Listra, wen sotu tau hemtahu bè Jisas bè yó boluyen Timuti. Hemtahu snéen yóm yéen. Libun Ju se kun, ne tau Grik yóm maen.

2 Kurin 1:1

Ou se Pol gónóhen lemwót nim sulat ni, lewu me Timuti, yóm sotu dumu tekuy setwoli. Hol lemwót bè kun kóyô Dwata yóm khógów Krays Jisas do. Smulate ebélê ye, yu kem tau hemtahu bè Dwata bè syudad Kurin, dalang se bè yóm kdéen tau Dwata bè klamangen prubinsya Akiya.

1 Tisalunika 1:1

Ou se Pol gónóhen lemwót nim sulat ni, tlu me Silas ne Timuti. Smulat me ebélê ye, yu kem tau hemtahu bè yó bè Tisalunika, yó kem tau deng nfun Dwata yóm Mà tekuy, dalang se yóm gónó tekuy mogot Jisas Krays. Yó hem Dwata tendo tmóbóng kuy ne tendo henek nawa ye.

2 Tisalunika 1:1

Ou se Pol gónóhen lemwót nim sulat ni, tlu me Silas ne Timuti. Smulat me ebélê ye yu kem tau deng hemtahu bè yó bè Tisalunika, yu kem tau deng nfun Dwata, yóm Mà tekuy, dalang se yóm gónó tekuy mogot Jisas Krays.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

1 Pitér 5:12

Yó fen hsulatu du nim sulat ukol nii Silas. Du se sotu dumu kuy hemtahu gel genléd nawahu. Yó gónóhu smulat ebélê ye mò gónóhu gemduf kuy bè kehtahu ye, ne mò gónóhu hetngón du kuy yóm hol tahu nawa Dwata ebélê ye. Bê ye abay klifót yóm nawahen yó.