2 Kurin 1:13 - Udél Dwata: Gna Kesfasad ne Lomi Kesfasad

^13-14 Nim sulat me ebélê ye ni, mahil bélê ye semfala du, ne là mimahen bélê ye snéen temngón du lanen. Baluen he ke là deng hol tngón ye kum, kóyóu ke angat hol mtukul ketngón ye kum anì hol wen kligal ye bélê me bè yóm kdaw angat kkól yóm gónó tekuy mogot Jisas, hol lómón se yóm kum angat kligal bélê ye bè yóm kdaw yó.

2 Kurin 1:13 Referans Kwoze

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

Filimun 1:6

Yó hol hnihu béléem bè Dwata anì lemwót bè yóm deng kesetngón tekuy kem tau hemtahu gónón temnù yóm ketngón tekuy du yóm tey kehyuhen yóm klowil tekuy lemwót bè yóm deng kessotu tekuy bè Krays.

2 Kurin 13:6

Ke deng ye tahu hemtahu, kaem tódô tngón ye yóm kewóten bè Krays yóm nmò me.

2 Kurin 5:11

Ne lemwót bè yóm deng ketngón me du yóm angat kdà tekuy bè solu yóm gónó tekuy mogot, yó gónón wen klikò me du. Yó gónó me hotu du gel me mit kem tau anì baling le hemtahu. Gotu tngón Dwata yóm kum kmò, ne kóyóu ke gotu tngón ye snéen kuy.

Kul Nmò 27:39

Timbow deng mwas bè yó, mton le benwu ne yó kem tau mit kafal, okóm là dilô le du. Ton le wen lusuken, ne tey hyu helek bè kililen. Ne yó hendem yó kem tau mit kafal ke tódô bè yó bè yóm lusuken yó gónó le tmilów htengen du yóm kafal.

1 Kurin 1:8

Tódô henlelen hembegel du yóm kehtahu ye efet kól bè yóm hol són kdaw anì laen dù bang bud gónó ye megduón ne ke mdà ye bè solu yóm gónó tekuy mogot Jisas Krays.