2 Kurin 1:11 - Udél Dwata: Gna Kesfasad ne Lomi Kesfasad

¹¹ Tey mgel nawa me, abay se deng eles tngón me angat bud lenwaen mi he lemwót bè yóm gel kutóm ye kum bè yóm gel kni ye bè Dwata. Duhen yó, angat bnalà Dwata yóm tey kni ye bélê me yó, ne angat tey któbóngen kum. Ke ni se nmò Dwata, tey wen bélê ye gbót dmóyón du bè yóm któbóngen kum yó.

2 Kurin 1:11 Referans Kwoze

Flipay 1:19

abay se tngónu angate gewà lan ye gel mutóm do bè kni ye, ne lan yóm Tulus Jisas Krays gel tmóbóng dou.

2 Kurin 4:15

Yó se gónó me hembala du yó kem mgel gel sut bélê me mò lan me tmóbóng kuy. Abay se ke sónmoen temnù tau tnóbóng Dwata, sónmoen se temnù tau dmóyón du. Yó se sotu alì gónón megdóyón Dwata.

Kul Nmò 12:5

Yóm igò Pitér nô lem blanggù, tódô hotu le nawa le mni béléen bè Dwata yó kem dumuhen hemtahu.

Kulasi 4:3

Ne hol gel utóm ye mi snéen bè yóm gel kni ye anì wen lan nmò Dwata mò gónó me hetngón du bè yó kem dumu tau yóm tehe bunihen bélê le, duhen Krays. Yakà ni du buten yóm gónó le bmanggù do.

Hibru 13:18

Hol gel utóm ye mi bè Dwata. Tódô tngón Dwata se ke deng wen blóng me ebéléen. Tey gel kesgalu me du anì laen dù tlek belenen yóm gel nmò me.

Filimun 1:22

Ne sotuhen, elesi hemtifes do yóm dfél mò angat gónóhu nô béléem dyó, abay se sónmou hemdón du ne yóm kbalà Dwata du yóm gel kni ye béléu anì gewae edyó bélê ye.

2 Tisalunika 3:1

Ne ni mò sónu du bélê ye, kem dumu me setwoli, bê ye senkas gel mutóm kum bè yóm gel kni ye bè Dwata, anì tódô senflósen mból yóm Tulón Hyu lemwót bè yóm gónó tekuy mogot, ne anì hol nadat yó kem tau hmungol du snéen, lómón se yóm kuy kadat du.

1 Tisalunika 5:25

Ó kem dumu me setwoli, hol gel tendo utóm ye mi snéen bè Dwata.

2 Kurin 9:14

Angat tey gel kni le bélê ye bè Dwata, ne baling mogot nawa le ebélê ye lemwót bè yóm tey któbóng Dwata kul hlanen bélê ye.

Isaya 37:4

Deng hógów yóm tau hol geta bè Asirya yóm sotu geta bè yó kem genlalen anì nan e hennê yóm Dwata là matayen. Yake yó hem Dwata gónóhem mogot hol mungol du yóm kehnê le yó anì gotu tnafaken lu. Duhen ni, holi mni kut bè Dwata bè yó kem dù tau tebel bélê tekuy.”