2 Jan 1:8 - Udél Dwata: Gna Kesfasad ne Lomi Kesfasad

⁸ Yó gónóm mon, hol ten-gama ye anì là lanahen bélê ye yó kem deng gel tolok me kuy. Kóyóu ke hol guta ye yóm ofol fan Dwata kuy.

2 Jan 1:8 Referans Kwoze

Hibru 10:35

Duhen yó, bê ye lensón yóm là klikò ye yó. Ke là gkó ye du, angat wen tey ofol ye.

Deng Hegfan 3:11

Móyóne bud kól ne. Hol ten-gama ye yóm kehtahu ye anì laen dù gemwa du bélê ye yóm kuy ofol.

1 Kurin 3:14

Ke là mlóben yó kem ngom leketen bè yóm gónô hdà le yó koni, wen ofolen yóm tau tehe lemeket du.

1 Kurin 3:8

Yóm tau mò hulu ne yóm tau fen temwél du él, laen kô mtukul geta bélê le. Angat wen ofol blay Dwata kul yóm ket kul na sotu, yóm tódô geblà bè yóm gel nmò le.

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Mark 13:9

Eles hol ten-gama ye,” mon Jisas, “abay se angat wen kem tau kemfô kuy, nit le yu ebè yóm gónô skukum, angat nabid nfes le yu bè yó kem kul gónô gel stifun yó kem Ju. Lemwót bè yóm klolò ye do, angat nit le yu bè solu yó kem gubérnor, ne bè yó kem dumu tau hol geta. Yó se yóm kdaw tnana keheglileb ye yóm Tulón Hyu.

Glasya 3:4

Yóm kdê deng gel glan ye lemwót bè yóm deng kehtahu ye, laen dù bud muhen bélê ye ne kô? Kaem wen.

Kun Snulat Jan 4:36

Yóm tau muta, wen ofol blay Dwata du. Ne yó kem nutahen, angat guta le se kul yóm klowil laen dù sónen. Yó gónóm mon, gotu le hligal yó kem tau mehek ne yó kem tau muta.

Glasya 4:11

Tey mónó nawahu kuy, kô mulék kafa yóm deng tehe toloku kuy.

Kun Snulat Luk 21:8

Mon Jisas se mò kul, “Hol ten-gama ye anì laen dù tau gónó ye gsukat. Abay se angat dê tau sut tô hlingu béléu. Yó angat mon le, ‘Ou se yóm Misaya.’ Ne yó sotu mon le, ‘Deng hto ne yóm hol són kdaw.’ Okóm bê ye abay hentahu lu.

Hibru 10:32

Okóm tekuy, hol hentulón ye nawa yóm tehe kdaw ye ekni, yóm kdaw tehe kehlayag Dwata lem hendem ye. Tey sidek tehe keglayam ye lemwót bè yóm deng kehtahu ye, okóm là gwiten kuy.

Flipay 3:16

Baluen ke lómón yó kehedem le, syan ke hol henkteng tekuy yóm deng klolò te du lemwót bè kbut yóm kehtahu te.

Mark 13:23

Eles tulónu kuy ni kem ni anì hol ye getgama.”

Matyu 24:4

Bnalà Jisas lu, monen, “Hol ten-gama ye anì laen dù tau gónó ye gsukat.

Danyél 12:3

Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

1 Kurin 15:8

Yó hol són gónón hegfan, duhen béléu. Bè yóm kehegfanen béléu yó, hol lómó kegnómu du, hol lómón ke ngae sut hosot.

Kun Snulat Luk 19:19

Ne bud yó balaen du, monen, ‘Limu se benwu hogotu kóm.’