2 Jan 1:5 - Udél Dwata: Gna Kesfasad ne Lomi Kesfasad

⁵ Duhen yó, Lenibun, yó nóyô nawahu bélê ye ke hol tekuy sbong nawa. Sundu hlau lomi du nim hlolou kuy ni, okóm sana kem hlau labi deng hónô gungol tekuy lemwót bè kbut yóm kehtahu tekuy.

2 Jan 1:5 Referans Kwoze

1 Jan 3:11

Deng hónô gungol ye lemwót bè kbut kehtahu ye, yóm monen, Hol tekuy sbong nawa.

1 Tisalunika 4:9

Bong bè yó dum kesbong nawa ye bè yó kem dumu ye deng hemtahu, baluen ke là bud snulatu du bélê ye ne, abay se deng tolok Dwata kuy ne yóm kmò kesbong nawa.

Kun Snulat Jan 15:12

Ni hlauhu kuy, hol ye sbong nawa lómón yóm dou kbong nawa kuy.

1 Jan 3:23

Ni sii yóm hlauhen: Hol hentahu tekuy boluy yóm Ngaen, duhen Jisas Krays, ne hol tekuy sbong nawa, lómón se yóm deng hlolò Krays tekuy.

1 Jan 4:20

Ke yó mon yóm sotu tau, ke monen, “Bong nawahu ke Dwata dou,” okóm ke tolo knutó nawahen yóm dumuhen hemtahu, odoyen yóm monen yó. Ke là bong nawahen du yóm dumuhen hemtahu yóm hol hyu ton matahen, sélét mom tô kenbongen nawa Dwata ne, yóm là ton matahen du.

1 Pitér 4:8

Yó bong muhen bè kdéen, hol ye sbong nawa. Ke sbong nawa ye botong gbek ye tódô hmifót du yóm dê gemsalà bélê ye.

2 Pitér 1:7

Ne bè yóm kgulit ye yó, hol bud hmung ye du yóm kbong nawa ye kem dumu ye hemtahu. Ne bè yóm kbong nawa ye kem dumu ye hemtahu, hol homong ye yóm kdéen tau.

Hibru 13:1

Hol bê ye abay nmò sónen yóm kuy kesbong nawa, yakà deng ye baling setwoli ne lemwót bè kehtahu ye.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Kun Snulat Jan 15:17

Duhen ni, wen hlauhu kuy, hol ye sbong nawa.”

2 Jan 1:1

Ou se yóm tuha logi gónóhen lemwót nim sulat ni. Smulate ebè yóm sotu libun deng nélék Dwata, dalang se ebè yó kem ngaen. Tey kbong nawahu kuy yóm kdê ye. Là sónen du ou yóm wen nawahen ebélê ye, okóm kdê yó kem tau deng temngón du yóm hol ktahuhen lemwót bè Dwata.