2 Jan 1:4 - Udél Dwata: Gna Kesfasad ne Lomi Kesfasad

⁴ Tey kligalu bè yóm kungolu du deng wen bè yó kem ngaem deng gel mimón du yóm ktahuhen. Ni se deng hloloen tekuy yóm Mà tekuy.

2 Jan 1:4 Referans Kwoze

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

1 Jan 2:6

Ke mon yóm sotu tau, “Deng me ssotu ne Dwata,” yake hol nulit nmoen sen yóm kun kmò Jisas Krays.

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Malakay 2:6

Gotu tulón le bè yó kem tau yóm ktahuhen lemwót béléu. Laen dù kéng nmò le. Tey tilob klolò le do, hono hyu ne hono tedeng yóm gel nmò le. Tey dê tau tnóbóng le anì knogol le yóm sidek.

Flipay 4:10

Lemwót bè yóm kessotu me yóm gónó tekuy mogot, tey bong kligalu bè yóm tóbóng ye bud sut béléu. Tngónu yóm gónó ye là géhél hemwit ebéléu, là lemwóten bè yóm là kehedem ye do, okóm lemwót bè yóm klaen dù lan ye hemwit du ebéléu.

Glasya 2:14

Timbow tonu yóm là bud klolò le du yóm ktahuhen lemwót bè yóm Tulón Hyu, yó gónóhu tódô mon du mò ke Wè Pitér lem blóng yó kem tau, monu, “Tauhi Ju se kóm, Wè, okóm bè yóm knóem bè ni, kéng tô là Juhi, deng nmungem yóm kul adat yó kem tau là Juhen. Ke yó se nmoem, tô kmò kehloloem du kul du yó kem tau là Juhen yóm hlau tekuy kem Ju?”

1 Kurin 13:6

Ke wen kesbong tekuy nawa, tey sidek keblat nawa tekuy ke wen sidek nmò kem dumu tekuy, okóm tey kehligal tekuy ke lolò le yóm ktahuhen.