2 Jan 1:12 - Udél Dwata: Gna Kesfasad ne Lomi Kesfasad

¹² Tolo tey wen he duen yóm tô tulónu kuy, okóm là móyóe hemnô du lem sulat. Kóyóu ke géhél wen lan tekuy bud ston anì tódô tekuy stulón, ne anì hol gsengel yóm kligal tekuy.

2 Jan 1:12 Referans Kwoze

Kun Snulat Jan 16:12

Tey dê he tô nóyô tulónu kuy,” mon Jisas, “okóm là dog tulónu du ne, déke mom temnù yóm ksidek kegnóm ye du.

Kun Snulat Jan 15:11

Yó gónóhu eles tmulón du kuy nim ni,” mon Jisas, “anì gnóm ye yóm dou kligal, ne anì hol gsengel nawa ye du yóm kligal ye yó.

Lista 12:8

Yó gónóm mon, ke stulón me tódô me suyó ne tey mtukul kestulón me, là hlanu du bè hléd. Deng tódô tonen yóm kmou. Kihol ye kóem mlos mudél etahen, yóm dou tóbóng lówó?”

1 Jan 1:4

Ni se gónó me smulat ebélê ye ni anì hol gsengel kehligal tekuy.

Hibru 13:19

Bê ye senkas gel mni béléu anì géhél wen lanu bud mulék ebélê ye.

Sulat Pol Ebè Yó Kem Tau Hemtahu Bè Rom 15:24

Tóe hlós ebè Spén, yóm benwu kem Kestilà, okóm naw hlun slob bélê ye bè yó bè Rom. Sok deng malù gsengel kegnómu du bè yóm kesegbótu bélê ye, yó he kehewót ye do.

Kun Snulat Jan 17:13

Ni, Mà, móyóne mulék ebéléem. Ni se yóm hnihu béléem bè yóm tolo knóu dini ni anì hol gsengel kligal le ni kem dou tau, lómón yóm dou kligal.

Kun Snulat Jan 16:24

Efet ni ne, laen deng hni ye bè Dwata he ke hlan ye bè dou boluy. Mni ye dé, kaem tódô blayen kuy anì hol gsengel yóm kligal ye.”

Hibru 13:23

Sotu bud nóyô hetngónu kuy. Yóm Timuti, dumu tekuy setwoli, lomi hewà gu lem blanggù se kun. Ke géhél kól dini, hlós bud nitu bè yóm kógówu edyó bélê ye.

Filimun 1:22

Ne sotuhen, elesi hemtifes do yóm dfél mò angat gónóhu nô béléem dyó, abay se sónmou hemdón du ne yóm kbalà Dwata du yóm gel kni ye béléu anì gewae edyó bélê ye.

2 Timuti 1:4

Là kóen mkó bè nawahu yóm ktonu kosok lewokem bè yóm tehe ktagaku kóm. Hol kóyóu ke yó dum géhél bud tonu uu anì hol wen kligalu.

Kun Snulat Jan 3:29

Duhen yó,” mon Jan, “hol lómón ke yóm logi myehen, deng du funen yóm libun yehenen. Okóm yóm wè yóm logi myehen yó, tódô mdà bè yó, ne tey kehyu nawahen kungolen udél yóm ween myehen. Hol lómón yó se kligalu ni kmoen ni.

3 Jan 1:10

Yó gónóm mon, sok wen lanu mógów edyó bélê ye, gotu benkasu lem blóng ye he yó kem gel nmoen, ne yóm alì sidek kbaken ebélê me, ne yóm kéng gel tulónen. Sotuhen, là dog gel hnódóhen kul yó kem dumu tau hemtahu lemwót bè benwu mayuk, lelen hemseng yó kem dumu tau hemtahu bè yó anì là hnódó le se kul. Ke hnódó le yó kem tau milo, là kô bud hfuseken kul bè simbahan.