2 Jan 1:1 - Udél Dwata: Gna Kesfasad ne Lomi Kesfasad

¹ Ou se yóm tuha logi gónóhen lemwót nim sulat ni. Smulate ebè yóm sotu libun deng nélék Dwata, dalang se ebè yó kem ngaen. Tey kbong nawahu kuy yóm kdê ye. Là sónen du ou yóm wen nawahen ebélê ye, okóm kdê yó kem tau deng temngón du yóm hol ktahuhen lemwót bè Dwata.

2 Jan 1:1 Referans Kwoze

1 Jan 3:18

Ó kem ngà, béen olo són bè sumóng ye yóm kbong nawa ye kem dumu ye. Yake hol hegfan ye bè kmò ye yóm tahu kbong nawa ye kul.

1 Timuti 2:4

Abay se yó se kun kóyô ke kdéen tau gotu gewà, ne gotu tngón le yóm ktahuhen.

Kun Snulat Jan 8:32

Ne angat tngón ye se yóm ktahuhen. Ne yóm ktahuhen yó, yó se hewà kuy bè yóm gónó ye ghesek.”

2 Jan 1:5

Duhen yó, Lenibun, yó nóyô nawahu bélê ye ke hol tekuy sbong nawa. Sundu hlau lomi du nim hlolou kuy ni, okóm sana kem hlau labi deng hónô gungol tekuy lemwót bè kbut yóm kehtahu tekuy.

1 Pitér 5:1

Ne ni wen udélu ebélê ye, yu kem tuha gónó le gel galak yó kem tau hemtahu. Ou se sotu dumu ye tuha gel malak snéen. Lelen yó he deng tonu se dou yóm tehe keglayam Krays bélê tekuy, ne gomonge snéen dou bè yóm kdaw angat kegfan yóm kegetahen. Ni se yóm hlauhu kuy.

2 Jan 1:13

Yó ne kóó. Tey gel kólóm le kuy yó kem ngà yóm twolihem bè ni, yóm tehe nélék Dwata.

1 Jan 2:21

Sundu mon dé ke yó gónóhu smulat ebélê ye ke là deng tngón ye du yóm ktahuhen. Okóm yó gónóhu smulat, abay se deng tngón ye, ne deng tngón ye snéen laen kô dù kéng ke tmowok gu bè yóm tahu.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Hibru 10:26

Ke deng tngón tekuy yóm ktahuhen lemwót gu bè Dwata, okóm sentahen bè yó tódô henlel tekuy mò du yóm sidek, laen kô dù bud dsù tekuy mò hkó du yó kem salà tekuy.

Glasya 5:7

Tehe tey tedeng klolò ye ke Krays. Tau du se hemseng kuy anì là bud lolò ye du yóm ktahuhen? Tedu se aluhen kuy du yóm tau yó?

Glasya 3:1

Tey ye bakà, kem tau bè Glasya. Tau du de yóm deng gónó ye tawan? Igò me deng tehe hegtukul du bélê ye muhen yóm katay Jisas Krays bè kros.

Glasya 2:14

Timbow tonu yóm là bud klolò le du yóm ktahuhen lemwót bè yóm Tulón Hyu, yó gónóhu tódô mon du mò ke Wè Pitér lem blóng yó kem tau, monu, “Tauhi Ju se kóm, Wè, okóm bè yóm knóem bè ni, kéng tô là Juhi, deng nmungem yóm kul adat yó kem tau là Juhen. Ke yó se nmoem, tô kmò kehloloem du kul du yó kem tau là Juhen yóm hlau tekuy kem Ju?”

Glasya 2:5

Okóm balù udì ke dog bninguy me yóm kul tulón. Yó hol sen-galu me ke béen wen bud tnù le du yóm ktahuhen deng tulón me kuy, duhen yóm Tulón Hyu gbak ebè Jisas.

Kulasi 1:5

Bè yóm hol tanay kungol ye du yóm tahu tulón, duhen yóm Tulón Hyu, gungol ye yóm kwen nefet nawa tulónen. Yó se hol buten yóm kehtahu ye ne yóm kbong nawa ye kem dumu ye, duhen yóm hendón nefet nawa ye deng eles tgama Dwata kuy bè longit.

Kun Snulat Luk 1:3

Ne ni, Sér, lemwót bè yóm tey kehnagiu du ni kem ni lemwót bè hol kbuten, tódô sentodol snulatu béléem yóm kdéen

Kul Nmò 11:30

Fen hwit le kul le Barnabas lewu le Sol etu bè yó kem tau malak yó kem tau hemtahu bè yó.

Sulat Pol Ebè Yó Kem Tau Hemtahu Bè Rom 16:13

Hol hgefet ye do bè le Rufus ne yéen yóm gel kehedemu kul. Tey hyu kloloen yóm gónó tekuy mogot yóm Rufus. Ne yóm yéen, tey tilob kmoen ebéléu, hol lómón ke ou yóm hol ngaen.

1 Pitér 5:13

Tey gel kólóm le kuy ni kem kuy dumu hemtahu bè ni bè Babilun. Deng nélék Dwata lu snéen kul. Tey kólóm Mark kuy snéen kun, yóm logi hol lómón ke dou ngà.

3 Jan 1:1

Ou se yóm sotu tuha logi gónóhen lemwót nim sulat ni. Smulate ebéléem, Wè Gayus, yóm dou kenbong nawa.