1 Timuti 6:3 - Udél Dwata: Gna Kesfasad ne Lomi Kesfasad

³ Ke wen tau tólóng toloken, ne là segtónen ebè yóm tahu udél yóm gónó tekuy mogot Jisas Krays, ne là se segtónen ebè yóm ktahuhen deng tolok me,

1 Timuti 6:3 Referans Kwoze

1 Timuti 1:3

Yó hol nóyóu béléem ke nam na tódô henek nô bè Ifisus, hol lómón yóm tehe tulónu kóm ekni bè yóm tehe kewótu ebè Masdunya. Yakà wen yó kem dumu tau tmolok sekban bè yó. Hol bnólówem lu anì bê le abay henfu yóm ktolok le yó.

1 Timuti 1:10

ne yó kem tau smamuk, yó kem logi sefdóyón honon lu, dalang se kem libun sefdóyón honon lu, yó kem tau kemfô dumuhen tau, yó kem tau mò kéng, ne yó kem tau tmifù kéng, ne yó kem tau mò du yóm dumu nmò là segtónen ebè yóm tahu tolok.

Taytus 1:9

Hol nélékem yóm tau mgemel kogoten du yóm deng tulón me kuy gbak ebè Jisas Krays, yóm tolok alì gsalig. Ke ni se kmoen, gbeken gemduf yó kem dumu tau hlanen bè yóm tahu tolok, ne gbeken se hdilô du bè yó kem tau tô hemkéng du yóm kul gónó là segtud.

2 Timuti 4:3

Yó gónóhu mon du yóm yó, wen kdaw le là bud hemkmón du yóm tahu tolok yó kem tau. Mom yó lolò le yóm kul knóyô. Ne tey dê tau gónó le htolok, ne són tolok le kul, són yóm nóyô le mò lelen nawa le.

Sulat Pol Ebè Yó Kem Tau Hemtahu Bè Rom 16:17

Ni hol monu mò kuy, kem dumuhu setwoli, hol ten-gama ye yó kem tau tô senkla le yóm kessotu nawa ye, ne gel senbeweg le yóm kehtahu ye, lel le gel semkuya yóm tahu tolok deng gel gungol ye. Yó kmò ye kul, tódô ye hlayuk bélê le.

Taytus 1:1

Ou Pol gónón lemwót nim sulat ni, sotu tau tóbóng lówó Dwata, ne yóm fen gel hógów Jisas Krays. Deng néléken ou mò hógówen anì metnù kehtahu yó kem tau deng kun nélék Dwata, ne anì tngón le ktahuhen yóm deng hentahu tekuy.

2 Timuti 1:13

Hol loloem yóm tahu tolok gel gungolem gu béléu mò nulitem bè yóm gel ktolokem. Hol henlelem yóm kehtahuhem ne yóm kbong nawam kem dumuhem tau lemwót bè yóm deng kessotu tekuy bè Krays Jisas.

1 Timuti 1:6

Deng wen se kem tau bè yó kmogol du nim monu ni, ne deng le hetlas elem yó kem sentulón laen dù mtukul nefeten.

1 Tisalunika 4:8

Duhen yó, ke wen tau kembê du nim toloku kuy ni, là kô tolok tau du yóm kenbéen, kaem Dwata yóm bemlay tekuy yóm kun Tulus.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Kem Udél Hlalak Tehe Selumun 15:4

Yóm udél hemyu nawa tendo lenowilen tau, okóm yóm udél wen keseblékê nô du, henblaten nawa tau.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

Matyu 22:21

Mon le se, “Sisar.” “Na,” mon Jisas, “ke Sisar se funen, tódô blay ye ke Sisar yóm kun, ne blay ye ke Dwata se yóm kun.”