1 Timuti 5:3 - Udél Dwata: Gna Kesfasad ne Lomi Kesfasad

³ Gel sentóbóng ye temdof kul yó kem libun bolu ke laen bang gónó le ma.

1 Timuti 5:3 Referans Kwoze

Dwata 27:19

‘Hol tnafak Dwata yóm tau ke nongoen yó kem tau milo elem blóng le, ne yó kem ngà hikit, ne yó kem libun bolu.’ Ne kdéen tau gotu hem-el du, mon le, ‘Tahu yó.’

Kul Nmò 6:1

Bè yóm kdaw yó, sónmoen temnù yó kem tau hemtahu bè Jisas. Okóm wen kenbê yó kem tau mudél udél Grik bè yó kem tau mudél udél Hibru, abay se là kóen mdengen yóm gel blay le ket kdaw bè yó kem libun bolu bélê le.

Dwata 10:18

Sal gel nfihen yó kem ngà hikit ne yó kem libun bolu. Kenbong nawahen se yó kem tólóng tau menwu lem blóng tekuy, benlayen lu ken ne nes.

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

1 Pitér 3:7

Senged se kuy kem logi deng myehen, hol gel hendem ye yóm kuy tuha libun, abay se là gsenged le du yóm kuy kgis. Hol gel nadat ye lu, abay se senged kguta le du se kul yóm klowil laen dù sónen lómón se yóm kuy. Hol nmò ye nim ni, anì laen dù gónón gseng yóm kni ye bè Dwata.

Sulat Jim 1:27

Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.

1 Tisalunika 2:6

Là kô hendeen me du ke wen tau dmóyón kum, senged se ke yu duhen ke tau eddoli.

Kul Nmò 9:39

Ne tahu se, mung kul Pitér. Yóm kkólen bè yó, tódô nwit le bè yóm dfél tofi ta. Gotu le nô bè yó snéen yó kem libun bolu. Tey kkik le, ne tolok le ke Pitér yó kem nes tehe gel tenbé Durkas bélê le yóm hanà tolo kegenen mowil.

Kun Snulat Luk 7:12

Timbow le deng moni bè bak sut yóm benwu yó, tódô geslong le yó kem tau semtihang matay. Yóm tau matay yó, tek són du ngà logi yóm libun bolu. Tey dê tau mung ke yéen na a tô lembeng du.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Matyu 15:6

Bè yóm ktolok ye yó, là kóen sidek ke là bud nadat te kem tuha tekuy. Ni se gónón gfan yóm klaen dù mu ye du yóm hlau Dwata. Són lolò ye yóm kuy hlau lenbù nmò.

Kem Lingón 146:9

Bud nofinen lu snéen yó kem tólóng tau menwu lem blóng tekuy. Tendo tnóbóngen yó kem libun bolu ne yó kem ngà hikit. Okóm yó kem tau gel mò sidek, fen hensideken kógów klowil le.

Kem Lingón 94:6

Botong hnatay le yó kem libun bolu ne yó kem tau milo, ne bnonok le kem ngà hikit.

Kem Lingón 68:5

Du se mà yó kem ngà hikit, ne du se gel mofin yó kem libun bolu. Yó se yóm kun kmò Dwata, tey mólós yóm gónóhen nô.

Job 31:16

Là deng wen gónóhu tmóbóng kul he kô yó kem tau élél? Ne yó kem libun bolu gel htóbóng béléu, là deng gel tnóbóngu kul he kô?

1 Timuti 5:2

Senged se yó kem libun deng tmuha sentahem, lómón kmoem kul, lómón ke yéem. Dalang se ebè yó kem sawang libun, lómón kmoem kul, lómón ke hol libunem, ne béem nmò óngóhem lem blóng le.

Kun Snulat Jan 1:47

Timbow ton Jisas Natanyél mógów ebéléen, wen tulónen gbak ebéléen, yó monen, “Ni sii yóm hol tahu tau Israél abay se laen kô dù kéngen.”

Kul Nmò 9:41

Nogot Pitér se bè sigelen ne niten mdà. Omin Pitér gotu tmaba yó kem libun bolu ne yó kem dumu tau hemtahu bè yó anì na le e hnénég yóm deng bud klowilen.