1 Timuti 5:2 - Udél Dwata: Gna Kesfasad ne Lomi Kesfasad

² Senged se yó kem libun deng tmuha sentahem, lómón kmoem kul, lómón ke yéem. Dalang se ebè yó kem sawang libun, lómón kmoem kul, lómón ke hol libunem, ne béem nmò óngóhem lem blóng le.

1 Timuti 5:2 Referans Kwoze

1 Timuti 4:12

Hol gel tenngelem kdaem, Timuti, kô wen gónó le gemsanil kóm. Balù yóm hanà tolo klomihem lemnok, uu se mò senflénég kem dumum hemtahu bè kestulónem, bè kekdolem, bè kbong nawam kem dumuhem, bè kehtahuhem, bè kólós nawam.

Matyu 12:50

Abay se yóm tau mimón yóm kun kóyô Mà bè longit, hol lómón ke twolihu ne libunu ne yéu.”

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

1 Timuti 5:3

Gel sentóbóng ye temdof kul yó kem libun bolu ke laen bang gónó le ma.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

1 Tisalunika 5:22

ne hol ye hlayuk du kuy yóm kdéen nmò sidek.

1 Timuti 5:1

Ke wen tonem gónón teklé yóm logi deng tmuha sentahem, béem kento mólów du. Henyuhem hmau du, lómón kadatem du ke mudéli ebè maem. Dalang se ebè yó kem logi lomi lemnok, lómón kmoem kul, lómón ke hol twolihem.