1 Timuti 4:8 - Udél Dwata: Gna Kesfasad ne Lomi Kesfasad

⁸ Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

1 Timuti 4:8 Referans Kwoze

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

1 Timuti 6:6

Yóm tau tahu yóm kehtahuhen deng gsengel nawan du yóm deng nô béléen.

Kem Udél Hlalak Tehe Selumun 22:4

Yó ofol yóm tau heglaan ne kmikò ke Dwata duhen yóm kendengenen ne kegdóyónen ne ktahà ktauhen.

Kem Udél Hlalak Tehe Selumun 19:23

Yóm klikò tau ke Dwata gónón mowil ne hyu ktungóen ne laen dù hemenen.

1 Jan 2:25

Deng wen tehe fasad Krays tekuy, duhen yóm klowil laen dù sónen.

Mark 10:30

angat tey wen blay Dwata du bè nim klowilen te tonok ni. Botong bud lematu duléken he bud hulék du ebéléen yóm deng gtebelen, yóm gónóen ne kem dumuhen setwoli ne kem yéen ne kem ngaen ne tonoken. Okóm nan gel wen gónóhen glayam bè yó kem tau là hemtahuhen. Bede hulin kdaw, angat gutahen yóm klowil laen dù sónen.

Kem Lingón 37:29

Yó tles mfun du, yó kem tau tedeng kmò le, ne laen dù sónen yóm knô le tahen.

Kem Lingón 37:11

Okóm yó kem tau heglaan le knô le, gfun le yóm tonok tehe fasad Dwata kul, ne tilob kógów klowil le, ne tendo menek kbenwu le.

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

1 Samwél 15:22

Ne yó balà Samwél du, monen, “Mahi du du yóm gónó Dwata hligal, yóm dsù hkekeb te ne yóm dumu dsù te kô, duhen ke bè yóm kimón te du? Kaem kimón ke Dwata yóm bong muhen senta yóm dsù hkekeb. Kaem yóm khungol te du, bong muhen senta yóm ubiha mabù dsù te ebéléen.

Deng Hegfan 3:12

Yóm tau gel matù bè yó kem sidek gel sut, angat nitu ebè yóm Gónô Dwata bè longit, ne là kóen bud skibol bè yó ne. Hol lómón ke deng baling sotu heheken. Ne snulatu béléen se yóm boluy Dwata, dalang se yóm boluy yóm benwu Dwata, yó se yóm lomi Jirusalim, yóm benwu angat tuntun Dwata gu bè longit. Ne snulatu béléen snéen yóm dou lomi boluy.

1 Kurin 8:8

Okóm là kô bè ken du gónó kuy gloni bè Dwata. Laen dù gónón stólóng kton Dwata tekuy ke ken tekuy yóm ken yó duhen ke là.

Jirimaya 6:20

Tedu de muhu du yóm insinsu lemwót bè benwu Siba, yóm gel ntem ye mò hboo ye ebéléu? Ne yó kem dumu alì mebtes tilob boohen lemwót bè benwu mayuk, tedu de muhu du? Yóm dsù gel hkekeb ye ebéléu là kóe móyô du. Yó kem dumu gel dsù ye, là kóe na a hligal du.”

Isaya 33:16

Ke ni se gel nmò ye, laen kô dù hemen ye. Hol lómón ke nô ye lem yóm gónó heklung mbegel. Laen dù gónó ye élél bè ken ne bè ninum ye.

Kem Lingón 37:9

Yó kem tau smalig ke Dwata, angat le gemfun bè yóm tonok tehe fasad Dwata kul. Okóm yó kem tau mò sidek, angat hdó le lu.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Matyu 19:29

Ket tau, ke gloken gemtagak gónóen, ne yó kem dumuhen setwoli, ne yó kem tuhahen, kkólen bè yó kem ngaen, duhen ke tonoken lanen lemolò do, lematu dulék Dwata he bud hulék du ebéléen yóm deng gtebelen yó. Ne lelen yó he angat gmuta du yóm klowil laen dù sónen.

Matyu 12:32

Ne hnifót Dwata yóm tau ke sidek kbaken ebè yóm Ngà Tau. Okóm là kô hnifóten du ke sidek kbaken ebè yóm Tulus Dwata. Ke yó nmò yóm tau, laen kô tul kkóhen tahen yóm salaen yó.”

1 Timuti 4:7

Béi mung du kóm yó kem tutul lenbù nmò tau gnan, tutul là lemwóten bè Dwata, tutul laen kô gónón e mefet. Tódô hol dnalangem hgulit bè yóm kloloem ke Dwata.

1 Timuti 6:3

Ke wen tau tólóng toloken, ne là segtónen ebè yóm tahu udél yóm gónó tekuy mogot Jisas Krays, ne là se segtónen ebè yóm ktahuhen deng tolok me,

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

2 Timuti 3:5

Ya mo kmung le sbung bè simbahan du, okóm là kô le himón. Béi hegbool bélê le kóm.

Kun Snulat Luk 5:38

Yó dé kun yóm tifas ke hanà tolo lomi, ilihem bè yóm sning kulit ógóf hanà tolo lomi snéen.