1 Timuti 4:4 - Udél Dwata: Gna Kesfasad ne Lomi Kesfasad

⁴ Kdê yó kem deng tehe dlimun Dwata, hono hyu, ne bê te abay mom kenbê. Yake hol henmóyô te, mung du yóm gel keslamat te béléen.

1 Timuti 4:4 Referans Kwoze

Sulat Pol Ebè Yó Kem Tau Hemtahu Bè Rom 14:20

Bê tekuy abay hensidek kehtahu kem dumu tekuy mlan bè yóm gel ken tekuy. Laen kô dù ken nali Dwata bè kem tau, okóm yó gónón sidek ke fen btang bè salà kem dumu tekuy hemtahu lemwót bè kken tekuy.

1 Kurin 10:25

Là kóen sidek ke ken ye yóm utón gel hbalù le lem fedyan. Okóm ke bemli ye, omin he ke dê snólók ye, anì là megewu kehedem ye du yóm utón gel benli ye.

Sulat Pol Ebè Yó Kem Tau Hemtahu Bè Rom 14:14

Lemwót bè yóm deng kegfihu bè Jisas hol gónóhu temngón du laen dù mtukul ken sidek bè Dwata. Són yó dé gónón sidek, són bè kehedem tau du.

1 Kurin 10:23

Gel mon yó kem dumu tau, mon le, “Gbek tekuy mò du kun balù kihu nóyô nmò tekuy.” Ya mo ktahuhen du yóm yó, okóm là kô kdéen du hyu bélê tekuy, duhen ke gónó tekuy gemtóbóng kem dumu tekuy bè kehtahu le.

Kul Nmò 21:25

Okóm bè yó kem tau là Ju le, deng tehe wen sulat hwit me ebélê le mò gónó me tmulón du kul yóm olo hlolò me kul. Yó mon me sok wen ken deng dsù ebè dwata kéng, hol bê le abay ken. Ne yóm litô, bê le abay ken. Dalang se yóm utón ke là deng kó le du litóen, bê le abay ken. Ne hol bê le abay mò samuk.”

1 Timuti 4:3

Yó gel tolok le, là hyuhen kun ke myehen yóm tau, ne sotuhen, alì dê hlii le bè ken. Okóm yó gónó Dwata tehe dmimun kul ni kem ken ni mò lowil kem tau, mò lewót gónó le gel dmóyón ke Dwata yó kem tau deng hemtahu béléen, yó kem tau deng temngón du yóm ktahuhen.

Tekang Kbuten 1:31

Omin Dwata bud temngel du yóm kdê deng dlimunen yó, ne tey bong hyu ktonen kul. Timbow deng kmoen du yóm yó, ominen bud kifu ne bud mwas, tu se yóm gnemen kdaw.

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Kul Nmò 15:29

Bê ye abay ken yóm deng dsù ebè dwata kéng. Bê ye abay ken yóm litô. Ne yóm utón là deng kó du litóen, bê ye abay ken. Ne bê ye abay mò samuk. Tey bong kehyuhen bélê ye ke lolò ye ni kem ni. Sónen ni ne tulón me kuy.”

Kul Nmò 10:15

Bud monen se mò du yóm mudél ebéléen yó koni, “Béem fen tô mon là mólósen yóm deng mon Dwata hyu mken du.”

Sulat Pol Ebè Yó Kem Tau Hemtahu Bè Rom 14:6

Yóm tau ke gel wen kdaw htólóngen bè yó kem dumu kdaw, yó se mò gónón hegfan yóm kadaten ke Dwata se kun. Ne senged se yóm tau laen dù hniihen bè ken, yó se mò kun gónó hegfan yóm kadaten ke Dwata se kun, abay se sal gel dóyónen Dwata bè yóm gel kenen. Ne senged se kun yóm tau tolo wen hniihen, yó se yóm kun gónó hegfan du yóm kun kadat ke Dwata, ne gónón dmóyón du.

1 Kurin 10:26

Abay se deng monen bè Sulat Dwata, monen, “Yó gónó tekuy mogot hono kun funen yóm klamangen benwu ne yóm kentihen nô tahen.”

1 Kurin 10:30

Ke deng dóyónu Dwata bè nim kenu ni, moen de ke dnelem le ou bè yóm kkenu du?”