1 Timuti 4:12 - Udél Dwata: Gna Kesfasad ne Lomi Kesfasad

¹² Hol gel tenngelem kdaem, Timuti, kô wen gónó le gemsanil kóm. Balù yóm hanà tolo klomihem lemnok, uu se mò senflénég kem dumum hemtahu bè kestulónem, bè kekdolem, bè kbong nawam kem dumuhem, bè kehtahuhem, bè kólós nawam.

1 Timuti 4:12 Referans Kwoze

Taytus 2:7

Yake béléem dé, Taytus, mò gónó le dmalang du yóm kehyu kmò. Hol hewótem lem but blututem yóm ktolokem kul, béem mom hningay.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

2 Timuti 2:15

Hol hotuhem gelem mò du yóm hmò Dwata kóm anì hol gsengel nawahen kóm, ne anì laen bang gónóm myak bè yóm gel nmoem. Yake hol gulit ktolokem du yóm ktahuhen lemwót bè Dwata.

1 Pitér 5:3

Hol bê ye fen hdatù lem blóng le. Yu dé gónó le dmalang yóm hyu yó kem tau galak bélê ye.

1 Kurin 11:1

Yó ne, hol dnalang ye sen yóm dou kmò, lómón yóm gel kdalangu yóm kun kmò Krays.

1 Tisalunika 1:6

Deng tehe glolò ye ne yóm kum kmò, ne yóm kun kmò yóm gónó tekuy mogot. Balù yóm tey gel keglayam ye lemwót bè yóm kehtahu ye, ewenem yó, sana tolo tey kehligal ye hemmóyô du yóm tulón nwit me. Yóm kligal ye yó, tódô lemwót bè yóm Tulus Dwata.

Taytus 2:15

Hol tolokem kul ni kem ni. Hol gendufem lu mimón, ne bnólówem lu ke wen gónó le teklé, yakà wen kóm kwalis mò du. Ne béem nmò yóm gónó le kemfê kóm.

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

2 Timuti 2:7

Hol hendemem ni kem monu mò kóm ni, ne Dwata he hol fen heglileb du kóm.

Sulat Jim 3:13

Wen kô bélê ye temngón ne hulung hedem? Són sem bè khulungen mit ktauhen gónóhen gfan ke tahu duhen, ne bè yóm kehyu kmoen, mung du yóm khulungen heglaan mlan bè ketngónen.

Sulat Jim 3:17

Okóm yóm tau ke lemwót bè Dwata yóm ketngónen, laen kô dù belenen. Gel nmoen yóm gónón menek bè kem dumuhen, lelen ganag nawahen ne wen khulungen mit swè. Tey gel knoduhen kem dumuhen ne lelen hyu kmoen ebélê le. Là kô ton tekuy du béléen yóm nawa kmihu ne laen se kô lafinen yóm nawahen.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

1 Tisalunika 2:10

Deng ton ye se kuy, ne deng ton Dwata snéen kun yóm klaen dù belenen yóm gel kmò me bè yóm tehe knô me bélê ye ekni. Hono tedeng. Balù udì ke wen gónó ye gemsanil kum.

1 Timuti 1:14

Okóm tey któbóngen dou yóm gónó tekuy mogot, tódô henbalingen ou tau hemtahu, ne blayen do yóm kbong nawahu kem dumuhu. Yó se nefeten yóm deng kessotu tekuy bè Krays Jisas.

Sikaraya 2:4

ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.