1 Timuti 3:8 - Udél Dwata: Gna Kesfasad ne Lomi Kesfasad

⁸ Ne yó kem tau tô gel tmóbóng bè simbahan, sneb kul ke tau hyu kmò le, ne ke tau laen dù lafinen yóm kehtahu le. Là hyuhen ke hlengel le, ne ke seglom le bè filak.

1 Timuti 3:8 Referans Kwoze

Flipay 1:1

Ou se Pol gónóhen lemwót nim sulat ni, lewu me Timuti, tau me gel tóbóng lówó Krays Jisas. Smulat me ebélê ye yu kem kun tau Dwata bè yó bè syudad Flipay, yóm kdê ye deng baling ssotu bè Krays Jisas. Homong me lemen snéen yó kem tau fen gel malak kuy bè sembahan ye kkólen bè yó kem tau fen tmóbóng kul.

Taytus 2:3

Dalang se yó kem libun deng malay knawa le, hol nmò le se kul yóm gónó le madat kul yó kem dumu le. Bê le abay tódô sentulón kem dumu le. Bê le abay hlengel. Yakà bélê le du gónó le dmalang du yóm hyu yó kem libun lomi myehen.

1 Timuti 5:23

Béen són él ninumem, minumi udì yóm ninum wen khééten mò bulung yóm gel kdes lem blututem, yakà ket kiwólem du gemnóm des.

1 Timuti 3:3

là hlengelen, là kosut nawan, okóm tau ganag nawahen ne menek nawahen, là són bè kgutahen filak gónón nô nawahen.

Sulat Jim 3:10

Tek sotu sumóng se gónón mlan yóm udél dmóyón ke Dwata ne yóm udél hemtolo dumu tau. Là kóen hyu yóm yó, kem dumuhu setwoli.

Taytus 1:7

Yakà kun nmò du Dwata yóm nkemen nim tau malak bè simbahan ni, yó gónón là hyu ke wen gónó le gemsanil du. Là hyuhen ke nélékem yóm tau hton salù, yóm kosut knawahen, yóm gel hlengel, yóm tau sunget, yóm tau seglom bè filak.

1 Timuti 3:12

Yóm tau tô tmóbóng bè simbahan, là demweyen, ne hulung mit yó kem ngaen ne yó kem dumu fes lówóhen.

Kem Lingón 52:2

Knoyungem kdaw tendo matul du yóm kmò keglaem tau. Tey telem yóm udélem, lómón ktelem yóm gel ki le. Teyi hulung mò kéng.

Kem Lingón 12:2

Yó kem tau sebét, deng sket kul tmulón kéng bè yóm ket kul ba sotu. Dóyón le kem dumu le mò lan le smukat kul.

Kem Lingón 5:9

Yó kem hohonu, laen kô dù tahu tulón le. Són hendem le kmò keglà le kem dumu tau. Tey sidek yó kem udél le, hol lómón ke boo tau matay deng bolok. Yóm kudél le tey mnóm, bede hono sukat mit hatay.

1 Pitér 5:2

Hol sen-gyok ye yó kem tau deng hesegyok Dwata kuy. Hol lómón ke ubiha le, ne yu yóm tau fen gel semgyok kul. Yó kun kóyô Dwata ke hol ye hligal bè yóm gel kesegyok ye kul. Hol bê ye abay nmò ke là lemwóten bè nawa ye. Hol bê ye abay nmò ke són hendem ye bè kguta ye filak. Song nmò ye ke lemwót bè yóm hol óyô ye tmóbóng kul bè kehtahu le.

Sulat Pol Ebè Yó Kem Tau Hemtahu Bè Rom 3:13

Hono sidek yóm gel kebkó le, hol lómón ke boo bolok lemwót gu lem lebeng. Yóm gel kudél le hono kéng. Tey malas kudél le, lómón kalas yó kem ulal.

Kem Lingón 50:19

Hono sidek yó kem udél gel btang bè sumóng ye, ne mahil bélê ye tmulón kéng.

1 Timuti 3:2

Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,