1 Timuti 3:5 - Udél Dwata: Gna Kesfasad ne Lomi Kesfasad

⁵ Yóm tau ke là hulungen mit yó kem fes lówóhen, kmò tô khulungen mit kul se yó kem tau hemtahu bè Dwata?

1 Timuti 3:5 Referans Kwoze

1 Samwél 3:13

Deng gel tulónu ke Ili ne yóm móyón ktafaku yó kem fes lówóhen, yóm tafak laen dù sónen lemwót bè yóm kudél le sidek e tahu yó kem ngaen logi. Deng tngón Ili se yóm nmò yó kem ngaen, okóm là kô dog gel bnólówen kul.

Ifisus 5:24

Duhen yó, yake hol le heglaan bè tuha logi le yó kem libun, lómón yóm keheglaan le bè Krays yó kem tau hemtahu béléen.

Ifisus 5:32

Yóm kessotu lówó le yó, laen kô dù tau gembek tmulón du yóm hol lanen, bede tngón tekuy yóm ktahuhen lemwót bè Sulat Dwata. Bè dou kehedem du, henléden yóm deng kbaling le ssotu bè Krays yó kem tau hemtahu béléen.

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.

Ifisus 1:22

Deng gotu hkamal Dwata ke Krays yóm kentihen. Ne du nmò Dwata mò hol gónó mogot yóm kdéen yó kem tau hemtahu béléen.

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.