1 Timuti 3:3 - Udél Dwata: Gna Kesfasad ne Lomi Kesfasad

³ là hlengelen, là kosut nawan, okóm tau ganag nawahen ne menek nawahen, là són bè kgutahen filak gónón nô nawahen.

1 Timuti 3:3 Referans Kwoze

Taytus 1:7

Yakà kun nmò du Dwata yóm nkemen nim tau malak bè simbahan ni, yó gónón là hyu ke wen gónó le gemsanil du. Là hyuhen ke nélékem yóm tau hton salù, yóm kosut knawahen, yóm gel hlengel, yóm tau sunget, yóm tau seglom bè filak.

Taytus 3:2

Bê le abay sentulón yó kem dumu tau. Bê le abay mit sgés. Yake hfulung le mit swè bè kem dumu le, ne hfulung le hemganag nawa le bè kdéen tau.

Ifisus 5:18

Hol bê ye abay nmò yóm hlengel minum, yó se hemsidek klowil ye. Yó dé tles nmò ye, halak ye bè yóm Tulus Dwata.

1 Timuti 3:8

Ne yó kem tau tô gel tmóbóng bè simbahan, sneb kul ke tau hyu kmò le, ne ke tau laen dù lafinen yóm kehtahu le. Là hyuhen ke hlengel le, ne ke seglom le bè filak.

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

Isaya 28:7

Balù yó kem tau tugod Dwata ne yó kem tau gel demsù ebè Dwata, sana gotu kegbót le hlengel se kul efet sónmò le mógów glénggé. Tey gedlug yóm gel kinum le botong le gel tlokob. Yó kem tau tugod Dwata yó, là bud gtukul le du ne ke wen tô hegfan Dwata bélê le. Ne yó kem tau gel demsù ebè Dwata, là bud gbek le kmukum du ke wen tau kmamo bélê le.

1 Pitér 5:2

Hol sen-gyok ye yó kem tau deng hesegyok Dwata kuy. Hol lómón ke ubiha le, ne yu yóm tau fen gel semgyok kul. Yó kun kóyô Dwata ke hol ye hligal bè yóm gel kesegyok ye kul. Hol bê ye abay nmò ke là lemwóten bè nawa ye. Hol bê ye abay nmò ke són hendem ye bè kguta ye filak. Song nmò ye ke lemwót bè yóm hol óyô ye tmóbóng kul bè kehtahu le.

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Taytus 2:3

Dalang se yó kem libun deng malay knawa le, hol nmò le se kul yóm gónó le madat kul yó kem dumu le. Bê le abay tódô sentulón kem dumu le. Bê le abay hlengel. Yakà bélê le du gónó le dmalang du yóm hyu yó kem libun lomi myehen.

Deng Hegfan 1:9

Ou se Jan, yóm sotu dumu ye setwoli. Lemwót bè yóm klolou ke Jisas, denge mkél bélê ye ne bè yóm kehbala ye du yóm keglayam sut bè yó kem tau nogot Jisas. Ni deng mom htólóng le o bè ni bè Patmus, yóm sotu hungul nô talak mohin. Yó duón le do lanu tmolok yóm Udél Dwata, ne yóm ktahuhen lemwót bè Jisas.

Sulat Jud 1:11

Tey angat gfà le yó kem tmolok sekban abay se lolò le yóm tehe kun kmò sidek Kain ekni, hnatayen Abél yóm twolihen, ne yóm tehe kun nmò Balaam, móyô mò du yóm sidek anì wen filak gutahen. Ne sotuhen, mkél le bè yóm tehe katù Kura ke Musis ekni. Tódô genlà Dwata lu.

2 Pitér 2:3

Lemwót bè yóm kebel le filak, tey dê gel tulón le kuy hono kem tulón lemambù. Deng legen ne eles kbuteng Dwata du ne yóm angat ktafaken kul. Són féten, là dengen hto he yóm butengen mò du.

Taytus 1:11

Tenflokem lu, abay se tey deng dê gmónô senbeweg le lan le gel tmolok yóm sekban. Yóm ktolok le yó, samut lan le mebel filak.

1 Tisalunika 5:14

Bud sotu hesgalu me kuy, kem dumu me setwoli. Hol eles bnólów ye lu yó kem tau mduk. Hol ten-gel ye nawa yó kem tau gel hlóng likò. Tnóbóng ye yó kem tau là dengen ngelem kehtahu le, ne hol hanay ye nawa ye ebè kdê le.

Sulat Pol Ebè Yó Kem Tau Hemtahu Bè Rom 16:18

Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

Kul Nmò 20:33

Yóm kegenu tehe nô lem blóng ye,” monen, “là kóe na a deng mni filak bélê ye, duhen ke nes.

Matyu 21:13

Mon Jisas mò kul, “Igò Dwata deng mon du bè Sulaten, ‘Yó muhen yóm dou Gónô mò gónó le gel mni ebéléu yó kem tau.’ Okóm,” mon Jisas, “deng mom henbaling ye gónó le nô yó kem tau gel mnagaw.”

Malakay 1:10

Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

Mika 3:11

Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

Mika 3:5

Yó udél Dwata ebè yó kem tugod dwata kéng, monen, “Yu se deng mit kul tlas yó kem dou tau. Ke wen ken blay le kuy, fnasad ye lu kenek kbenwu, okóm bè yó kem tau laen dù blay le kuy, deng mom sidek kesbeweg ye kul.

Mika 2:11

Yó dô nóyô le ni kem tau ni yóm tugod Dwata tendo tmulón kéng ne tendo smukat, yóm gel mon du, ‘Eles tulónu kuy, angat tey wen tifas ye se kuy, ne tódô wen se yó kem dumu gel ninum ye.’ ”

Jirimaya 6:13

“Tódô lenwóten bè yó kem tau leneken kkólen bè yó kem tau lebangen, gel snukat le kem dumu le, nwa le yóm là kul du. Balù yó kem dumu tugodu ne yó kem tau blóng ebéléu, bud yó se kul nmò.

Isaya 28:1

Tey kamaen yóm benwu Israél, deng golu elem hatay ne. Deng menes ne yóm któtólen lómón kenes yóm bulók gel suub le bè kulu yóm tau gel malak kul, yó kem tau sónmò le gel hlengel. Tey keheklabak le. Wen tey tilob hboo gel sù le bè kulu le, okóm tódô le kem masà bè yó tey sidek klengel le, là bud le temngón.

Kem Udél Hlalak Tehe Selumun 15:27

Yóm tau seglom hnayamen kem fes lówóhen, okóm yóm tau kenbéen yóm filak mò wa nawahen htahaen ktauhen.

Kem Udél Hlalak Tehe Selumun 1:19

Lómón se ni gónó le e kól yó kem tau ma kimu mlan bè hugus. Ne bud bè yóm khugus le kimu gónó le matay.

1 Samwél 8:3

Okóm ni kem ngaen ni, là kô lolò le du yóm kun kmò kkukum mà le. Són hendem le ke gmuta le filak. Gel nwa le ke wen blay le kul mò wa nawa le ne là tedeng kkukum le.

2 Timuti 3:2

Yó kmò kem tau, sbì le, ne seglom le, lel le hton salù, ne heklabak le. Yó mò kul, sidek kebkó le, ne là kô nimón le kem tuha le. Hono kem tau laen dù ledem le, là kô nadat le ke Dwata.