1 Timuti 3:10 - Udél Dwata: Gna Kesfasad ne Lomi Kesfasad

¹⁰ Ni kem tau nélék ye ni, na ye gna tilów lu. Ke hyu kton ye kul, ominen yó wen hkem ye kul.

1 Timuti 3:10 Referans Kwoze

1 Timuti 5:22

Béem lenangaf mélék tau mò malak bè simbahan. Déke wen gónón teklé, gomongi myak béléen. Hol nmoem yóm nmò laen dù belenen.

1 Timuti 3:13

Yó kem tau hyu kmò le du nim nmò ni, tey le tótól bè kem dumu le, ne là likò le tmulón du bè yó kem dumu tau yóm kehtahu le bè Krays Jisas.

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

1 Timuti 3:6

Yóm tau mò du nim nmò ni, yake yóm deng tmuha kehtahuhen anì là hegmónen. Abay se ke hegmón, dalil gónó Dwata tmuled du, lómón se yóm ktuleden ke Seitan.

1 Timuti 3:2

Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,

1 Kurin 1:8

Tódô henlelen hembegel du yóm kehtahu ye efet kól bè yóm hol són kdaw anì laen dù bang bud gónó ye megduón ne ke mdà ye bè solu yóm gónó tekuy mogot Jisas Krays.

Kulasi 1:22

Okóm nim kmoen ni, hlan Dwata bè tum tehe katay Ngaen bè yóm tehe kehbalingen du tau, yó gónón mit kuy sefyu anì hol mólós ktonen kuy bè yóm kdaw kehdaen kuy bè soluhen, ne laen dù belen ye, balù udì ke wen tngelen kuy.