1 Timuti 2:9 - Udél Dwata: Gna Kesfasad ne Lomi Kesfasad

⁹ Ne yó kem libun, kóyóu ke lesek le yóm nes là móngóhen, yóm hol knóón bélê le. Yake béen són bè kbong wek le ne kem ngom le ne bè kem nes mebtes le gónóhen nô nawa le.

1 Timuti 2:9 Referans Kwoze

Kem Lingón 149:4

Abay se yóm Dwata, tey hligal bè yó kem tauhen. Wen ofol blayen yó kem tau hulung heglaan, duhen yóm kehewaen kul.

Jirimaya 2:32

Yóm ngà libun, gbeken kô kmifót du yóm ngom blówónen? Ne yóm libun myehen, gbeken kô kmifót du yóm nes mò leseken? Hol mou kun ne ke tô klifót le. Okóm yó kem dou tau deng kem hilu halayen ne yóm keklifót le dou.

Kem Udél Hlalak Tehe Selumun 7:10

Ne yó tódô wen libun semlong du, tey kehegkesen ne eles hendemen yóm mò kmò kgoyen du.

Tekang Kbuten 24:53

Ominen gotu bemlay du ke Ribika yó kem nes libun nwiten ne yó kem ngom libun nmò le gu bè tahu blówón ne gu bè blówón bukay. Ne bud wen se kem kimu mebtes blayen yóm logi Ribika ne bè yéen.

Isaya 61:4

Angat bud gotu hdà le yó kem syudad deng tehe gbà là sekna.

Istér 5:1

Timbow deng tlu butengen bè yó omin Istér lemsek yóm nes libun boi, mógów ebè gónô bong bè Sérksis. Tikóng kól ditu, tódô htengen mdà bè lewà yóm bak dól yóm dfél yóm tau hol geta. Ne nô lemen yóm tau hol geta myón bè yóm bangkù gónón myón kmamal bede smolu ebè bak dól.

Kem Udél Hlalak Tehe Selumun 31:22

Gel wen kumù nmoen ne yóm kun nes gel lesek tey hyu ne tey tilob beteken.

Matyu 11:8

Tedu se tô hnebel mata ye du? Yóm tau knóón knesen kô? Là kô yó du. Tek són yó gónó ye mton du yóm tau knóón knesen, tek són lem gónô bong yóm tau hol geta.

Kem Udél Hlalak Tehe Selumun 31:25

Nim libun ni wen kgisen ne tey kadat kem tau du ne laen kô tnafa nawahen e lem hulin kdaw.

1 Timuti 2:10

Okóm hol knóón bélê le bè yó kem libun hemtahu ke hol hyu kmò le.