1 Timuti 2:8 - Udél Dwata: Gna Kesfasad ne Lomi Kesfasad

⁸ Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

1 Timuti 2:8 Referans Kwoze

Kem Lingón 134:2

Hol hdà ye eta hólól ye etu bè Gónô Dwata, ne hol dóyón ye Dwata.

Kem Lingón 63:4

Klawihu mowil, sónmou tendo bemlay slamat béléem. Hdau eta sigelu bè yóm gel knihu ebéléem.

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

Kun Snulat Luk 24:50

Kogol yóm kudél Jisas lem blóng le yó, niten lu ebè yóm sotu benwu udì boluyen Bitani. Bè yóm deng kkól le bè yó, hdaen eta lewu sigelen, ne mni bélê le bè Dwata.

Isaya 1:15

Ke sok gel hdà ye hólól ye bè yóm gel kni ye ebéléu, là kô kenmónu kuy. Balù hilu dulék ye mni ebéléu, là kô naw e hnungol kuy, yakà hónô litô tau deng bnonok ye lem yóm hólól hdà ye.

1 Pitér 3:7

Senged se kuy kem logi deng myehen, hol gel hendem ye yóm kuy tuha libun, abay se là gsenged le du yóm kuy kgis. Hol gel nadat ye lu, abay se senged kguta le du se kul yóm klowil laen dù sónen lómón se yóm kuy. Hol nmò ye nim ni, anì laen dù gónón gseng yóm kni ye bè Dwata.

1 Timuti 5:14

Yó gónóm mon, hyu nawahu bè yóm libun bolu ke hanà tukô nawahen ke tódô bud myehen anì wen ngaen, ne anì sen-gifaen yó kem fes lówóhen. Anì yó, laen dù bang gónó le dmelem kut yó kem hmohon kut.

Kul Nmò 21:5

Okóm timbow deng hto yóm buteng me lemwót, tódô me bud lemwót. Glok le gotu mung kum ebè kilil mohin yó kem tau hemtahu bè yó, balù yó kem tuha libun le ne yó kem ngà le. Ne gotu me mtud bukol bè kilil mohin, mni me bè Dwata.

Kul Nmò 10:4

Ya tey sidek klikò Kurnilyus, tódô hnunuhen, monen, “Moem kut de, Sér?” Ominen bud mudél yóm hógów Dwata, monen, “Tey hyu nawa Dwata bè yóm gel knihem, ne tonen snéen yóm alì kbasahem yó kem tau wen gónó le élél. Ne ni se yóm kbalaen kóm.

Kul Nmò 10:2

Hemtahu bè Dwata nim kfitan ni, dalang se yó kem fes lówóhen. Tey bong tódô gel blayen yó kem Ju wen gónó le élél, ne sónmoen gel mni ebè Dwata snéen.

Kul Nmò 7:60

Tuden bukolen ne bud hgelen udélen, monen, “Ó Mà bè Longit, béem dog snolò bélê le ne yóm salà nmò le ni.” Kogol yóm kmonen du yó, ominen milot nawahen.

1 Kurin 7:7

Bè hol ktahuhen, hyu béléu ke là myehenen yóm tau lómón yóm dou. Okóm tódô tngónu là sengeden yóm genbek blay Dwata tekuy. Tólóng se blayen bè yóm sotu tau, ne bud tólóng se bè yó kem dumu.

Kul Nmò 10:31

monen mò dou, ‘Ó Kurnilyus, deng gungol Dwata yóm gel knihem, ne deng tonen se yó kem gel blayem bè yó kem élél.

Kun Snulat Jan 4:21

Ne bud mon Jisas mò du, “Hentahuhem nim tulónu kóm ni, Lenibun. Angat wen kdawen laen kô dù bud tmaba Dwata bè nim bulul ni duhen ke bè Jirusalim.

Kun Snulat Luk 23:34

Yóm igò le tmutuk ke Jisas, yó udélen, monen, “Hol hnifótem lu, Mà, abay se là tngón le du yóm nmò le.” Lemwót yó kem sendalù tmutuk ke Jisas yó, sensatù le nesen.

Matyu 21:21

Mon Jisas mò kul, “Tódô tulónu kuy ktahuhen, ke wen kehtahu ye, ne ke là megewu nawa ye, gbek ye snéen mò du yóm nmou bè nim koyu ni. Là sónen du yó gbek ye, gbek ye snéen tódô mdók nim bulul nii anì mdó bè ni, ne mili elem mohin, botong tódô nimónen yu.

Matyu 5:44

Okóm ni dou tulón kuy, kenbong nawa te yó kem hmohon tekuy ne hni te lu bè Dwata yó kem hemsidek tekuy,

Kem Lingón 66:18

Ke là deng benkasu du yóm salà deng nmou, là kô hnungol Dwata dou.

Kem Lingón 26:6

Nolobu tdoku mò gónów hegfan yóm klaen dù salau. Mógówe lemibut yóm gónó me gel demsù ebéléem, Dwata,

Kem Lingón 24:4

Yó knóón mò du, duhen yó kem tau laen dù belenen yóm kekdol le ne yóm kehedem le. Là tmaba le ebè yó kem dwata lenbù nmò, ne là tódô le mò fasad hkawang.

Matyu 6:12

Hol hnifótem kum kem salà me, lómón yóm gel kehlifót me yó kem tau gemsalà bélê me.

Kem Udél Hlalak Tehe Selumun 21:27

Tey kenlit Dwata yóm dsuen ebéléen yóm tau gel mò sidek, hol néen ke yó gónón tô demsù anì mkó tahen yóm salaen.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Kem Lingón 35:13

Okóm bè yóm tehe kwen des le, tey klóngón nawahu kul. Sbole fasting ne mnihe bélê le bè Dwata, okóm yóm knihu yó, tódô mulék laen dù balaen.

1 Bok Kem Tau Hol Geta 3:11

Ne yó gónó Dwata mon du mò du, “Lemwót bè yóm knihem du yóm khulung hedem mit kul yó kem dou tau, ne là se hnihem du yóm ktahà klowilem ne kwen kendengenem ne katay yó kem hohonem,

Kem Lingón 28:2

Hol hnungolem yóm kehkoduhu béléem yóm igou mni tóbóng béléem, yóm igou hdà hólólu edyó bè yóm kóm gónó nô.

Kem Lingón 141:2

Henmóyóem yóm knihu, mò henged boo tilob ntemu ebéléem. Ne yóm kehdau sigelu eta, mò henged dsuu ebéléem ke kimel.

1 Kurin 1:2

Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.

2 Kurin 2:14

Okóm tey kdóyónu ke Dwata, abay se lemwót bè yóm deng kessotu me bè Krays, hol lómón ke mi se yó kem tau deng nfunen bè yóm tehe katuen. Duhen mi se yóm tau hol nfunen mò gel htonen bè dumu tau. Ne hlan Dwata bélê me yóm kehbólen du bè klamangen yóm kun kmò Krays. Yóm tulón nwit me yó, hol lómón ke yóm hboo alì minggel boohen.

Flipay 1:12

Ó kem dumuhu setwoli, kóyóu ke tngón ye laen kô gónón gseng yóm Tulón Hyu gel nwitu balù nim kwen gfau ni. Deng mom temnù tau temngón du.

1 Tisalunika 1:8

Là kô sónen du bè ni kem lewu benwu monu ni koni gónón deng e mból yóm gel tulón ye gbak ebè yóm gónó tekuy mogot, okóm deng mból snéen bè klamangen benwu yóm kuy deng kehtahu bè Dwata. Ke tô tulón me kul yóm kuy kehtahu, deng mom lu ne hegled tmulón du kum.