1 Timuti 2:4 - Udél Dwata: Gna Kesfasad ne Lomi Kesfasad

⁴ Abay se yó se kun kóyô ke kdéen tau gotu gewà, ne gotu tngón le yóm ktahuhen.

1 Timuti 2:4 Referans Kwoze

Isikél 18:32

Igò tey kekbéu du ke kendel ye matay. Knogol ye ne yóm kmò ye salà anì mowil ye,” udél yóm Dwata hol dandónen geta. Là gomongen bè nili yóm tsaptér 19 kól bè tsaptér 32. Yó tulónen bè ni kem tsaptér ni: Eles htugod Dwata ke Isikél yóm angat ktafaken yó kem tau hol geta bè Israél. Eles htugod Dwata ke Isikél yóm angat ktafaken yó kem tau Israél lemwót bè yóm là kimón le du. Eles htugod Dwata ke Isikél yóm angat khatay Dwata yó kem tau Israél, bede hmoen yóm tau hol geta bè Babilun. Eles htugod Dwata ke Isikél yóm ktafaken yó kem tau malak bè Israél dalang se yó kem tau nalak le, lemwót bè yóm tey kdê salà nmò le. Yóm kehlingón Dwata yóm syudad Samarya ne Jirusalim hol lómón ke libun setwoli, bede hono le hdóyón. Eles htulón Dwata ke Isikél yóm angat kmò ktafaken kul yó kem syudad yó. Eles hningón hmò Dwata ke Isikél yóm angat glumfak yó kem tau lem Jirusalim, yóm klaen dù bud lan le hewà. Hningón hmoen du bè yóm kuleng nô ta ofi hnok utón lemen. Eles htugod Dwata ke Isikél yóm angat ktafaken yó kem benwu hmilol Israél: Ktafaken yóm benwu Amon ne Muab ne Idom ne Flistya. Ktafaken yóm benwu Tayal ne Sidon. Ktafaken yóm benwu Idyip.

2 Pitér 3:9

Okóm bè kul kehedem du kem dumu tau, tey ganggà kmoen du yóm tehe fasaden tekuy yóm gónó tekuy mogot, okóm là. Yó gónón là géhél semfulék, abay se monem nahen hanay nawahen bélê ye. Hol kóyóen ke laen dù tau gógów elem hatay, ne ke kdê le gotu kmogol du yó kem sidek gel nmò le.

Isikél 18:23

Ni se sólók yóm Dwata hol dandónen geta, monen, “Tedu kmò kehedem ye du, hligale du kô ke matay yóm tau gel mò sidek? Là, là kóe na a hligal du. Tey hyu nawahu ke hegsel ne ke knogolen yó kem sidek gel nmoen anì mowil.

Taytus 2:11

Deng hegfan Dwata yóm tey nawahen ebè kdéen tau bè yóm kehewaen tekuy gu lem hatay.

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

2 Timuti 2:25

Ne ke wen tau semkuya du yóm kun tulón, hol hen-ganagen nawahen tmulón du kul yóm gónó le là segtud. Déke fen tenles Dwata he yóm hendem le, ne dilô le yóm hol ktahuhen,

1 Timuti 4:10

Yó gónóhu hol hmotu són gelu mò du yóm deng hmò Dwata dou, abay se du se mò nefet nawa te, yóm Dwata là wen tul katayen. Yakà deng lenwaen kdéen tau gu lem hatay, sélétem ne bè yó kem tau deng hemtahu.

Isaya 45:22

Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.

Kun Snulat Luk 24:47

Lemwót bè kun boluy, wen lan Dwata hmifót salà yó kem tau deng hegsel.’ Ni se,” monen, “yóm tulón angat hlós sensból ye bè klamangen benwu. Bè ni bè Jirusalim gónó ye mbut hból du.

Deng Hegfan 14:6

Kogolen bè yó, tódô tonu yóm sotu hógów Dwata móyóng hegeta te kmawang. Yó nmoen, tulónen yóm Tulón Hyu laen dù sónen lemwót bè Dwata. Tódô kentihen tau bè klamangen benwu gónón e gefet yóm tulónen yó, tódô gefet bè ket but tau, bè ket kay udél, ne bè ket ból tau.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Matyu 28:19

Yó gónóm mon, mógów ye do ebè kdéen but tau bè klamangen benwu anì baling le tau lemolò do. Bnabtays ye lu hlan ye bè boluy Dwata, yóm Mà tekuy, ne bè boluy yóm Ngaen ne bè boluy yóm Tulusen.

Taytus 1:1

Ou Pol gónón lemwót nim sulat ni, sotu tau tóbóng lówó Dwata, ne yóm fen gel hógów Jisas Krays. Deng néléken ou mò hógówen anì metnù kehtahu yó kem tau deng kun nélék Dwata, ne anì tngón le ktahuhen yóm deng hentahu tekuy.

Isaya 55:1

Yó udél Dwata, monen, “Ó kem tau meeng, géhél ye edini ne ni wen él mò ninum ye. Ó kem tau laen dù filak le, géhél ye edini ne ni wen mò ken ye. Géhél ye edini ne ni wen mò ninum ye. Là heblihu du kuy nim ni.

2 Timuti 3:7

Sónmò le móyô htolok yó kem libun yó, okóm là kô glileb le du yóm ktahuhen.

Kun Snulat Luk 14:23

Ne bud dók yóm tau fun gónô, monen, ‘Mógówi do elem bulul dé ebè tu kem lan lemnek, ne hol nubugem lu anì mosol le se kul, anì hol seklot tau lem gónóu.

Kun Snulat Luk 1:77

Yakà uu du yóm fen hetngón du bè yó kem tau yóm lan le gewà gu lem hatay ke heflifót le ke Dwata yó kem salà le.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Kun Snulat Jan 17:17

Hol hólósem lu mlan bè yóm ktahuhen. Yóm udélem se yóm hol ktahuhen.

Kun Snulat Jan 6:37

Kdê yó kem tau hemtahu béléu,” mon Jisas, “sal lemwót bè kun kehlan du Mà. Ne là kô naw e kenbê kul ke wen tau mógów ebéléu.

Mark 16:15

Omin Jisas bud mon du mò kul, “Mógów ye do ebè klamangen benwu, na ye e tulón bè kdéen tau yóm Tulón Hyu lemwót bè Dwata.

Hibru 10:26

Ke deng tngón tekuy yóm ktahuhen lemwót gu bè Dwata, okóm sentahen bè yó tódô henlel tekuy mò du yóm sidek, laen kô dù bud dsù tekuy mò hkó du yó kem salà tekuy.

Hbakuk 2:14

Okóm angat wen kdawen tódô kdéen tau talak tonok angat gotu temngón du yóm tey kun keklóón Dwata. Yóm ketngón le du yó, tódô lenngeben klamangen tonok lómón mohin, tódô lengeb él.

Isaya 53:11

Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

Sulat Pol Ebè Yó Kem Tau Hemtahu Bè Rom 11:14

Ke ton yó kem dou dumu Ju yóm nmò Dwata bélê ye, déke angat le mófô bélê ye, ne bè yó gónón wen bélê le gewà gu lem hatay.

Sulat Jim 3:14

Okóm yóm tau tendo wen élés nawa lem hendemen lelen seglom, béen abay hton salù bè yóm kwen ketngónen yóm tau yó.

2 Jan 1:1

Ou se yóm tuha logi gónóhen lemwót nim sulat ni. Smulate ebè yóm sotu libun deng nélék Dwata, dalang se ebè yó kem ngaen. Tey kbong nawahu kuy yóm kdê ye. Là sónen du ou yóm wen nawahen ebélê ye, okóm kdê yó kem tau deng temngón du yóm hol ktahuhen lemwót bè Dwata.