1 Timuti 2:2 - Udél Dwata: Gna Kesfasad ne Lomi Kesfasad

² Homong hni ye béléen se yó kem tau hol geta bélê ye, ne yó kem dumu tau genlal. Yó gónó ye mutóm kul anì menek kbenwu tekuy, ne són nô bè nawa te yóm kadat te ke Dwata, ne yóm hyu kmò te bè yó kem dumu te tau.

1 Timuti 2:2 Referans Kwoze

Isra 6:10

Yó gónóhu hmò du kuy nim ni anì gbek le demsù du bè yóm Dwata bè longit yó kem dsù hol nóyóen, anì yó homong hni le o bè yóm kul Dwata dalang se yó kem ngau logi anì nuyagen mi.

Jirimaya 29:7

Bè yóm knô ye bè yó bè Babilun, nmò ye yóm gónón menek ke benwu ye ne gónón hyu klowil ye. Hol ye mni bè Dwata bè yóm syudad yó, abay se ke hyu klowil yó kem tau bè Babilun, bud hyu se yóm kuy klowil.”

Kem Udél Hlalak Tehe Selumun 24:21

Ó Man, hol knikoem Dwata ne yóm tau hol geta béléem ne béi segbót bè yó kem tau hguluk bélê le.

1 Tisalunika 4:11

Hol nmò ye dé yóm nmò mò gónón menek klowil ye, ne bê ye snolò yóm nmò yó kem dumu ye, ne hol ye heged mò nmò anì wen gónó ye ma, lómón yóm tehe hlolò me kuy ekni.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Sulat Pol Ebè Yó Kem Tau Hemtahu Bè Rom 12:18

Hol tilów ye són gel ye anì laen dù gónó ye mit sfatay bè kem dumu ye tau.

Kem Lingón 72:1

Ó Dwata, hol tolokem yóm tau hol geta anì hol tedeng kogoten kukum. Hol tolokem du yóm kóm kmò kogot kukum

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

Kul Nmò 24:16

Yó gónóm mon, tódô hotuhu gelu dou mò du yóm tedeng anì laen dù blóngu ebè Dwata duhen ke ebè kem dumuhu tau.

Kul Nmò 10:22

Mon le se, “Hógów Kfitan Kurnilyus mi edini. Tey hyu kmoen yóm kfitan tu, tau hemtahu bè Dwata, ne tey kadat le du kdê yó kem Ju. Deng wen hógów Dwata gu bè longit sut béléen, hfangayen uu ne anì gungolen yóm tulón gel nwitem.”

Kun Snulat Luk 2:25

Bè yóm kdaw yó, wen sotu tuha logi nô bè Jirusalim boluyen Simyun. Nim tau ni, tedeng knawahen, ne tey klikoen ke Dwata. Sal gel nangaten yóm kehewà Dwata kul yó kem tau Israél. Tendo nô béléen yóm Tulus Dwata,

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

2 Samwél 20:19

Ou se sotu mit kenek kbenwu bè Israél, ne tenebe bè ni. Mom tô genbaem yóm hol yê yó kem syudad bè Israél. Moen ke genbaem yóm nfun Dwata?”